ലോകത്തെ ഒന്നടങ്കം ആശങ്കയുടെ മുൾമുനയിലെത്തിച്ച കൊറോണ വൈറസുകളുടെ പ്രതിരോധത്തിനായി പലവിധങ്ങളായ മാർഗ്ഗങ്ങളാണ് നാം സ്വീകരിക്കുന്നത്. സാനിറ്റൈസറിന്റെയും മാസ്കിന്റെയും ഉപയോഗം പുതുതായി ആർക്കും പറഞ്ഞു തരേണ്ട കാര്യമില്ലലോ...? എന്നാൽ കോവിഡിനെ ചെറുക്കാൻ അമേരിക്കൻ ഫാർമ കമ്പനിയുടെ പുതിയ ഓയിന്മെന്റിന്റെ പറ്റിയാണ് ഇപ്പോൾ സോഷ്യൽ മീഡിയ ചർച്ചകൾ ഉയരുന്നത്.

ഫാർമ കമ്പനിയുടെ ഓയിന്റ്മെന്റ് വൈകാതെ തന്നെ വിപണിയിലെത്തുമെന്നും റിപ്പോർട്ടുകൾ വ്യകതമാക്കുന്നു. കൊറോണ വൈറസ് ശരീരത്തിനകത്തു കയറുന്നതു തടയാനുള്ള ആദ്യ പ്രതിരോധ മാർഗമായി ഈ ഓയിന്റ്മെന്റ് ഉപയോ​ഗിക്കാമെന്നാണ് കമ്പനി അവകാശപ്പെടുന്നത്.

യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ ഇതിന് അനുമതിയും നൽകിയിട്ടുണ്ട്. അഡ്വാൻസ് പെനിട്രേഷൻ ടെക്നോളജി (എപിടി) എന്ന ഫാർമാ കമ്പനിയാണ് ഓയിന്റ്മെന്റ് അവതരിപ്പിച്ചത്. കൊറോണ വൈറസ് അടക്കമുള്ള അണുബാധകളെ ഈ ഓയിന്റ്മെന്റ് നശിപ്പിക്കുമെന്ന് തെളിഞ്ഞതായി പഠനവുമായി ബന്ധപ്പെട്ട ശാസ്ത്രജ്ഞർ പറഞ്ഞു.

ഓയിൻറ്മെൻറ് പുരട്ടി 30 സെക്കൻഡിനുള്ളിൽ വൈറസ് നശിക്കുമെന്നാണ് ലാബ് റിപ്പോർട്ടുകൾ കാണിക്കുന്നന്നത്. കോവിഡ് കണ്ടെത്തിയ പലരിലും വൈറസ് ബാധയുണ്ടായത് മൂക്കിലൂടെയാണെന്നാണ് പഠനങ്ങളിൽ പറയുന്നത്. മൂക്കിലൂടെ വൈറസ് അകത്തുകടക്കുന്നത് ഈ ഓയിന്റ്മെന്റിന്റെ ഉപയോ​ഗം വഴി തടയാനാകുമെന്ന് തെളിഞ്ഞതായി എപിടി കമ്പനി സിഇഒയും സ്ഥാപകനുമായ ഡോ. ബ്രയാൻ ഹൂബർ പറഞ്ഞു.

ആഗോളതലത്തിൽ ഇതുവരെ എട്ട് ലക്ഷത്തിലധികം ആളുകളെ കൊന്നൊടുക്കി വൈറസ് വ്യാപിക്കുകയാണ്. പ്രതിരോധത്തിതായി പല രാജ്യങ്ങളും വാക്‌സിന്‍ നിര്‍മാണത്തിലാണ്. എന്നാല്‍ പുതിയ കണ്ടെത്തല്‍ പ്രതിരോധത്തിനായി ശക്തവും ഫലപ്രദവുമായ ഒരു പാളിയാകുമെന്നും ബ്രയാൻ ഹൂബർ പറഞ്ഞു.

ഓയിന്റ്മെന്റുമായി ബന്ധപ്പെട്ടുള്ള പരീക്ഷണങ്ങളിൽ, മൂക്കിലൂടെ വൈറസ് ശരീരത്തിൽ പ്രവേശിക്കുന്നത് തടയാന്‍ കഴിയുമെന്ന് കാട്ടി, സ്വതന്ത്ര ലബോറട്ടറിയുടെ കണ്ടെത്തല്‍ ഫലങ്ങൾ കമ്പനി പുറത്തുവിട്ടതിന് ശേഷമാണ് അദ്ദേഹം സംസാരിച്ചത്. മസാച്ചുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജി (എംഐടി) അടുത്തിടെ നടത്തിയ ഒരു പഠനത്തിൽ ആളുകൾ കോവിഡ് ഉം മറ്റ് വൈറസുകളും പ്രധാനമായും മൂക്കിലൂടെയാണ് ബാധിക്കുന്നതെന്ന് കണ്ടെത്തിയത്.

എന്നാല്‍ പലപ്പോഴും വൈറസുകള്‍ വായിലൂടെയും കണ്ണിലൂടെയും ശരീരത്തിൽ പ്രവേശിക്കാനുള്ള സാഹചര്യം ഒരുക്കാറുണ്ട്. T3X എന്ന് അറിയപ്പെടുന്ന ഓയില്‍മെന്റ് വൈറസിനെ മാത്രമല്ല മറ്റ് വൈറൽ പകർച്ചവ്യാധികളെയും ഫലപ്രദമായി നിർവീര്യമാക്കുമെന്ന് ഗവേഷകര്‍ പറയുന്നു. എട്ടു വർഷം മുൻപ് ബാക്റ്റീരിയയെ ചെറുക്കാൻ വികസിപ്പിച്ച ഓയിൻറ്മെൻറാണ് പുതിയ പരീക്ഷണങ്ങളിലൂടെ കോവിഡ് വൈറസിനെതിരേ ഉപയോഗിക്കുന്നത്. എന്നാൽ ഇവ ഫംഗസിനും ‚വൈറസിനെതിരെയും പ്രവര്‍ത്തിക്കുമെന്നും അവയ്ക്ക് ഫലപ്രധമായ ചികിത്സ നൽകുമെന്നും കണ്ടെത്തിയിട്ടുണ്ട്. അതേസമയം ഓയിന്റ്മെന്റ് ഉപയോ​ഗിക്കാൻ വളരെ എളുപ്പമാണെന്നും കുറിപ്പടിയില്ലാതെ ഏതു മരുന്നു കമ്പനിയിൽ നിന്നും ഇത് വാങ്ങാനാകുമെന്നും എപിടി അറിയിച്ചു. ടി3എക്സ് എന്ന പേരിലാണ് ഓയിന്റ്മെന്റ് രജിസ്റ്റർ ചെയ്തിരിക്കുന്നത്. പാർശ്വഫലങ്ങളൊന്നും ഇതുവരെ കണ്ടെത്തിയിട്ടില്ല.