നവംബര്‍ രണ്ടിന് ഒരു ഛിന്നഗ്രഹം ഭൂമിയില്‍ പതിച്ചേക്കാമെന്ന് റിപ്പോർട്ട്. നവംബര്‍ മൂന്നിന് നടക്കുന്ന യു.എസ് പ്രസിഡന്റ് തിരഞ്ഞെടുപ്പിന് തലേ ദിവസം ഒരു ഛിന്നഗ്രഹം ഭൂമിയില്‍ പതിച്ചേക്കാമെന്നാണ് റിപ്പോർട്ട്. നാസയാണ് ഇപ്പോള്‍ ഭൂമിയുടെ ദിശയിലേക്ക് നീങ്ങിക്കൊണ്ടിരിക്കുന്ന ' 2018VP1 ' എന്ന് പേരിട്ടിരിക്കുന്ന ചെറിയ ഛിന്നഗ്രഹം ഭൂമിയില്‍ പതിക്കാന്‍ സാദ്ധ്യതയുണ്ടെന്ന് പ്രവചിച്ചിരിക്കുന്നത്. അന്തരീക്ഷത്തില്‍ കടക്കുന്നതോടെ ഛിന്നഗ്രഹത്തിന്റെ ഭൂരിഭാഗവും കത്തി നശിച്ചേക്കും. 0.41 ശതമാനമാണ് ഭൂമിയില്‍ പതിയ്ക്കാനുള്ള സാദ്ധ്യതയെന്ന് നാസ പറയുന്നു. ഏകദേശം 6.5 അടിയാണ് ഈ ഛിന്നഗ്രഹത്തിന്റെ വ്യാസം.

2018ല്‍ കാലിഫോര്‍ണിയയിലെ പലോമര്‍ നിരീക്ഷണകേന്ദ്രത്തില്‍ വച്ചാണ് ' 2018VP1 ' നെ ആദ്യമായി കണ്ടെത്തിയത്. ഭൂമിയില്‍ പതിച്ചാലും ഗുരുതരമായ ആഘാതം ഉണ്ടായേക്കില്ലെന്നാണ് യു.എസ് സ്പെയ്സ് ഏജന്‍സിയുടെ വിലയിരുത്തല്‍.