ലോകത്തെ ആശങ്കയിലാഴ്ത്തി കോവിഡ് വ്യാപനം.... കോവിഡ് ബാധിതരുടെ എണ്ണം കുതിച്ചുയരുന്നു, ബ്രസീലിനെ പിന്നിലാക്കി ഇന്ത്യ രണ്ടാമതായി . 27,721,036 പേര്‍ക്കാണ് ലോകത്ത് ആകെ കൊവിഡ് ബാധിച്ചത്. 900,845 പേര്‍ ഇതുവരെ രോഗം ബാധിച്ച് മരിച്ചു. 19,808,601 പേര്‍ രോഗമുക്തി നേടി. രോഗികളുടെ എണ്ണത്തില്‍ മൂന്നാം സ്ഥാനത്തുള്ള ഇന്ത്യ ബ്രസീലിനെ പിന്നിലാക്കി രണ്ടാമതായി.
ഇന്ത്യയെ കൂടാതെ അമേരിക്കയിലും ബ്രസീലിലും രോഗബാധിതരുടെ എണ്ണം കുതിച്ചുയരുകയാണ്. യു എസിലാണ് ഏറ്റവും കൂടുതല്‍ രോഗികള്‍. 6,513,277 പേര്‍ക്കാണ് ഇവിടെ രോഗം സ്ഥിരീകരിച്ചത്. കൊവിഡ് ബാധിച്ച് 194,013 പേര്‍ ഇതുവരെ അമേരിക്കയില്‍ മരിച്ചു. 3,792,086 പേര്‍ രോഗമുക്തി നേടി.ഇന്ത്യയില്‍ കൊവിഡ് രോഗികളുടെ എണ്ണത്തില്‍ വന്‍ വര്‍ദ്ധനവാണ് ഉണ്ടായിരിക്കുന്നത്.

4,367,436 പേര്‍ക്കാണ് ഇതുവരെ രോഗം സ്ഥിരീകരിച്ചത്. 89,852 പുതിയ കേസുകളും 1,107 മരണങ്ങളുമുണ്ടായി. 73,923 പേരാണ് കൊവിഡ് ബാധിച്ച് ആകെ മരിച്ചത്. 3,396,027 പേര്‍ രോഗമുക്തി നേടി.