ശ്രീലങ്കന്‍ തീരത്തു വച്ച് തീപിടിച്ച എണ്ണക്കപ്പലില്‍ തീ അണച്ചു. ഇന്ത്യന്‍ നേവിയാണ് ഇക്കാര്യം അറിയിച്ചത്. ബുധനാഴ്ചയാണ് കപ്പലിലെ തീ നിയന്ത്രണ വിധേയമാക്കിയത്. കുവൈറ്റില്‍നിന്ന് ഇന്ത്യന്‍ ഓയില്‍ കോര്‍പറേഷന് എണ്ണയുമായി എത്തിയ കപ്പലില്‍ കഴിഞ്ഞ വ്യാഴാഴ്ചയാണ് തീപിടിച്ചത്. ഞായറാഴ്ചയോടെ തീ അണയ്ക്കുകയും ചെയ്തു.

എന്നാല്‍ തിങ്കളാഴ്ച കപ്പലില്‍ വീണ്ടും തീപിടിക്കുകയായിരുന്നു. ഇതാണ് ബുധനാഴ്ച നിയന്ത്രണവിധേയമാക്കിയത്. പനാമ രജിസ്‌ട്രേഷനിലുള്ള ന്യൂഡയമണ്ട് കപ്പലില്‍ 2,70,000 മെട്രിക്ക് ടണ്‍ എണ്ണയാണുള്ളത്. ഈ എണ്ണ ചോര്‍ന്നൊലിക്കുകയോ പൊട്ടിത്തെറിക്കുകയോ ചെയ്താല്‍ ശ്രീലങ്കയുടെ തീരത്ത് വന്‍ പാരിസ്ഥിതിക നാശമുണ്ടാകുമെന്ന് അധികൃതരുടെ മുന്നറിയിപ്പ് .