ഇണചേരാതെ 62 വയസ്സുള്ള പെരുമ്പാമ്പ് ഏഴ് മുട്ടകള്‍ ഇട്ടു. ഇരുപത് വര്‍ഷത്തോളം ഇണയെ കാണാതെ മൃഗശാലയില്‍ കഴിഞ്ഞ പാമ്ബാണ് മുട്ടയിട്ടത്. അമേരിക്കയിലെ സെന്റ് ലൂയിസ് മൃഗശാലയിലാണ് അപൂര്‍വ്വ സംഭവം.

ലൈംഗികബന്ധത്തില്‍ ഏര്‍പ്പെടാതെ മലമ്ബാമ്ബുകള്‍ പ്രത്യുത്പാദനം നടത്തുമെങ്കിലും സംഭവം അസാധാരണമാണെന്ന് മൃഗശാല അധികൃതര്‍ പറയുന്നു.

അറുപതുകളിലേക്കെത്തുന്നതിന് വളരെ മുമ്ബുതന്നെ മലമ്ബാമ്ബുകള്‍ മുട്ടയിടുന്നത് അവസാനിപ്പിക്കാറുണ്ട്. അതുകൊണ്ടുതന്നെ മുട്ടയിട്ട ഏറ്റവും പ്രായമുള്ള പാമ്ബായിരിക്കും ഇതെന്നാണ് മൃഗശാല അധികൃതര്‍ അവകാശപ്പെടുന്നത്.

ജൂലൈ 23നാണ് മലമ്ബാമ്ബ് മുട്ടയിട്ടത്. മൂന്ന് മുട്ടകള്‍ ഇന്‍ക്യുബേറ്റിലേക്കും രണ്ട് മുട്ടകള്‍ ജെനറ്റിക് സാംപ്ലിങ്ങിനുമായി ഉപയോഗിച്ചു. രണ്ട് മുട്ടകള്‍ നശിച്ചുപോയെന്നും അധികൃതര്‍ പറഞ്ഞു.

1961 ഒരു സ്വകാര്യ വ്യക്തിയാണ് പാമ്ബിനെ മൃഗശാലയ്ക്ക് നല്‍കിയത്. 1990ല്‍ ഈ പാമ്ബ് മുട്ടയിട്ടിരുന്നു. അന്ന് പാമ്ബുകളെ ഒന്നിച്ച്‌ ബക്കറ്റില്‍ ഇട്ടിരുന്നതിനാല്‍ ഇണചേര്‍ന്ന് മുട്ടയിട്ടതാകാം എന്നാണ് കരുതുന്നത്. വീണ്ടും 2009ല്‍ മുട്ടയിട്ടെങ്കിലും അവ നശിച്ചുപോയി.