നേപ്പാളിലുണ്ടായ ഭൂകമ്പത്തില്‍ മരിച്ചവരുടെ എണ്ണം 6,204 ആയി ഉയര്‍ന്നു. എന്നാല്‍, മരണസംഖ്യ 15,000 കവിഞ്ഞേക്കുമെന്ന് സൈനിക മേധാവി ജി.എസ്. സന്ധു അറിയിച്ചു. 13,000 ത്തില്‍ അധികം പേര്‍ക്ക് പരുക്കേറ്റിട്ടുണ്ട്. കഴിഞ്ഞ മാസം 25നാണ് നേപ്പാളിനെ തകര്‍ത്തെറിഞ്ഞ ഭൂകമ്പം ഉണ്ടായത്. ചരിത്ര സ്മാരകങ്ങളടക്കം നിരവധി കെട്ടിടങ്ങളാണ് തകര്‍ന്നത്.
അതേസമയം, ദുരന്തമേഖലകളില്‍ സഹായമെത്തിക്കാനുള്ള തീവ്രശ്രമത്തിലാണ് ഇന്ത്യന്‍ വ്യോമസേന. വിദേശകാര്യ സെക്രട്ടറി എസ്.ജയ്ശങ്കറും ദേശീയ സുരക്ഷാ ഉപദേഷ്ടാവ് അജിത് ദോവലും ദുരിതാശ്വാസ പ്രവര്‍ത്തനങ്ങള്‍ വിലയിരുത്താന്‍ ഇന്ന് കാഠ്മണ്ഡുവിലെത്തും.

ഭൂകമ്പത്തില്‍ ഒറ്റപ്പെട്ട നേപ്പാളിലെ ഉള്‍ഗ്രാമങ്ങളില്‍ ദുരിതാശ്വാസ സാമഗ്രികള്‍ എത്തിക്കുന്ന ദൗത്യമാണ് ഇന്ത്യന്‍ വ്യോമസേന ഇപ്പോള്‍ ഏറ്റെടുത്തിരിക്കുന്നത്. എന്നാല്‍ രക്ഷാപ്രവര്‍ത്തനം ഫലപ്രദമല്ലെന്നാണ് ജനങ്ങളുടെ ആരോപണം. ഇതില്‍ പ്രതിഷേധിച്ച് ജനങ്ങള്‍ റോഡ് ഉപരോധിച്ചു. രോഷാകുലരായ ജനങ്ങളെ നിയന്ത്രിക്കുന്നതിനായി രാജ്യത്തിന്റെ വിവിധ മേഖലകളില്‍ സൈന്യത്തെ വിന്യസിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha