ടിക് ടോക് താരം മരണമടഞ്ഞെന്ന് ഭാര്യയുടെ ട്വീറ്റ്, താരം ജീവനോടെയുണ്ടെന്നുള്ള വാര്ത്തയുമായി ഭാര്യ വീണ്ടുമെത്തി, പ്രശസ്തി നേടേണ്ടത് ഇങ്ങനെയല്ലെന്ന് വിമര്ശനം
ടിക് ടോകില് ഏകദേശം 2.5 മില്യണ് ഫോളോവേഴ്സുള്ള പാകിസ്ഥാന് ടിക് ടോക് താരം ആദില് രാജ്പുത് മരണമടഞ്ഞതായി ഭാര്യ ഫറ ടിക് ടോക് വീഡിയോയിലൂടെ ആരാധകരെ അറിയിച്ചതോടെ അനുശോചനപ്രവാഹമായി.
തനിക്കൊരു ഫോണ്കോള് ലഭിച്ചെന്നും ആദിലിന് അപകടം സംഭവിച്ചെന്നും അദ്ദേഹം മരിച്ചെന്നുമാണ് ഭാര്യ ടിക് ടോക്കിലൂടെ അറിയിച്ചത്. ഇതോടെ വിഡിയോ വൈറലായി. പ്രാദേശിക മോസ്കില് ആദിലിന്റെ മരണവാര്ത്ത ആചാരപരമായി അനൗണ്സ് ചെയ്യുകയും ചെയ്തു. തുടര്ന്ന് നിരവധി ആരാധകര് ആദിലിന്റെ വീട്ടിലെത്തുകയും ചെയ്തു. ആദില് രാജ്പുതിന്റെ ഭാര്യ ഫറ 'ആദില് ഇനി നമുക്കൊപ്പമില്ല' എന്നാണ് ടിക് ടോക് വീഡിയോയിലൂടെ ആരാധകരെ അറിയിച്ചത്.
എന്നാല്, ഇതിനു പിന്നാലെ താരം ജീവനോടെയുണ്ടെന്നുള്ള വാര്ത്തയുമായി ഫറ വീണ്ടുമെത്തി. മറ്റൊരു വീഡിയോയും സോഷ്യല് മീഡിയയില് പ്രചരിച്ചു. തലയില് ബാന്ഡേജോടു കൂടി ആദില് ഇരിക്കുന്ന വീഡിയോയാണ് പ്രചരിച്ചത്. എന്നാല്, ആരാധകര് ഇതിനെതിരെ ശക്തമായി രംഗത്തെത്തി. പ്രശസ്തി നേടേണ്ടത് ഇങ്ങനെയല്ലെന്ന് അവര് പറഞ്ഞു.
'ആദിക്ക് അള്ളാ മറ്റൊരു ജീവിതം കൂടി നല്കിയിരിക്കുന്നു. ആദില് തല കറങ്ങി വീണെന്നും അപ്പോള് മരിച്ചെന്ന് വിചാരിക്കുകയായിരുന്നെന്നുമാണ് ഫറ രണ്ടാമത് അപ് ലോഡ് ചെയ്ത വീഡിയോയില് പറഞ്ഞത്. താരത്തിന്റെ മരണവാര്ത്ത ഒരു പബ്ലിസിറ്റി സ്റ്റണ്ടായിരുന്നുവെന്നാണ് ട്വിറ്റര് ഉപയോക്താക്കള് പറയുന്നത്.
https://www.facebook.com/Malayalivartha