അടിക്കടിയുണ്ടാകുന്ന പീഡനവാർത്തകൾ... നിയമത്തിനു മുന്നിൽ കൊണ്ടു വന്നാലും പ്രതികൾ വേണ്ടുന്ന രീതിയിൽ ശിക്ഷിക്കപ്പെടാതെ അവസ്ഥ... നിയമങ്ങൾ പൊളിച്ച് എഴുതപ്പെടേണ്ട കാലം കടന്നുവെന്ന് ആഗ്രഹിക്കുന്നവരും ആ അഭിപ്രായം ഉള്ളവരുമാണ് നമ്മിൽ പലരും.. പ്രത്യേകിച്ചും പീഡനം പോലുള്ള അതിക്രൂര കൃത്യങ്ങൾ നടക്കുമ്പോൾ അതിന് നൽകേണ്ടുന്ന ശിക്ഷാ നടപടികളെ പറ്റി അതിനിർണ്ണായാകമായ മാറ്റം വരാൻ ആഗ്രഹിക്കുന്നവരാണ് ഓരോരുത്തരും.... എന്നാൽ ഇപ്പോൾ നൈജീരിയ അതി നിർണായകമായ ചുവടു വയ്പ്പാണ് നടത്തിയിരിക്കുന്നത്. നൈജീരിയുടെ തീരുമാനത്തെ ലോകം മുഴുവൻ ഇരുകൈയും നീട്ടി സ്വീകരിച്ചിരിക്കുകയാണ്... ബലാത്സംഗം ചെയ്താൽ ഇനി കുറഞ്ഞ ശിക്ഷ ഒന്നും അല്ല ഉള്ളത്.... വലിയ ശിക്ഷ തന്നെ കൊടുക്കാൻ ഒരുങ്ങുകയാണ് നൈജീരിയ...ബലാൽസംഗക്കേസിൽ കുറ്റക്കാരനെന്ന് കണ്ടെത്തിയാൽ പ്രതിയുടെ ലൈംഗിക അവയവം ഛേദിക്കാനുള്ള നിയമം കൊണ്ടുവന്ന് നൈജീരിയൻ സംസ്ഥാനം. കാഡുന സംസ്ഥാനത്താണ് ജനരോഷം ഉയർന്നതിന് പിന്നാലെ പുതിയ നിയമം കൊണ്ടുവന്നത്.

14 വയസിൽ താഴെയുള്ള കുട്ടികളെ പീഡനത്തിന് ഇരയാക്കിയാൽ വധശിക്ഷ നൽകാനുള്ള നിയമത്തിലും കാഡുന ഗവർണർ ഒപ്പിട്ടു. സ്ത്രീകൾക്കെതിരായ അക്രമങ്ങൾ വർധിച്ച സാഹചര്യത്തിലാണ് ഇത്തരം തീരുമാനത്തിലേക്ക് അധികൃതർ കടന്നത്. മുൻപ് 21 വർഷം വരെ തടവുശിക്ഷ ലഭിക്കാവുന്ന കുറ്റമായിരുന്നു ബലാൽസംഗം. എന്നിട്ടും കുറ്റകൃത്യങ്ങൾക്ക് കുറവു വരാത്തതോടെയാണ് കടുത്ത ശിക്ഷാ നടപടികളിലേക്ക് അധികൃതർ കടന്നത്. കുട്ടികളെ ലൈംഗികമായി പീഡിപ്പിക്കുന്ന സ്ത്രീകളുടെ ഫലോപിയന്‍ ട്യൂബുകള്‍ നീക്കം ചെയ്യാനും സംസ്ഥാനത്ത് പ്രാബല്യത്തില്‍ വന്ന പുതിയ നിയമത്തില്‍ നിര്‍ദേശിക്കുന്നു.

സ്വന്തം അമ്മയെ,സഹോദരിയെ ,ഭാര്യയെ ,മകളെ പച്ചയ്ക്ക് സമൂഹത്തില്‍ പിച്ചി ചീന്തുന്ന നരഭോജികളോടു പ്രതികരിക്കാൻ മാത്രമേ നമുക്ക് സാധിക്കുന്നുള്ളൂ... പിറന്ന മണ്ണില്‍ അന്തസോടെ ജീവിക്കാനുള്ള സുരക്ഷ നല്‍കാന്‍ കഴിയാത്ത സര്‍ക്കാരിനോടും നിയമത്തോടുമുള്ള പ്രതിക്ഷേധം നമ്മുടെ ഓരോത്തരുടേയും മനസ്സിൽ നടക്കുന്നുണ്ട്. നമ്മുടെ പൊതുസമൂഹത്തില്‍ ഇന്നു നിലനില്‍ക്കുന്ന ലൈഗീക നിരക്ഷരതയും ശക്തമായ നിയമത്തിന്‍റെ അപര്യാപതതയും അത് നടപ്പിലാക്കാന്‍ പറ്റാത്ത കെടുകാര്യസ്ഥതയും കൊടി കുത്തി വാഴുന്നുണ്ട്..നൈജീരിയ എന്ന രാജ്യം എടുത്തിരിക്കുന്ന ഈ നിർണായക തീരുമാനം സ്വന്തം നാട്ടിലും വേണമെന്നാഗ്രഹിക്കുന്ന പലരും ഉണ്ട്. ഓരോ പെൺകുട്ടികളും പീഡിപ്പിക്കപ്പെടുമ്പോൾ പീഡിപ്പിക്കപ്പെട്ട പെൺകുട്ടിക്ക് നീതി കിട്ടണമെന്ന പ്രതിഷേധസമരങ്ങൾ ഉയർത്താൻ അല്ലാതെ നമുക്ക് മറ്റൊന്നിനും സാധിക്കുന്നില്ല . അതിന് കാരണം നമ്മുടെ നാട്ടിലെ നിയമങ്ങളും നിയമവ്യവസ്ഥകളും ആണ്... എന്നാൽ നൈജീരിയ എടുത്ത ഈ പുതിയ തീരുമാനം എല്ലാ രാജ്യങ്ങളിലും നടപ്പിലാക്കണമെന്ന ആഗ്രഹം പലയിടത്തും ഉയരുന്നുണ്ട്... കാരണം പീഡനശേഷം പുരുഷന് നഷ്ടപ്പെടാൻ ഒന്നുമില്ല. പക്ഷേ നഷ്ടം മുഴുവൻ സ്ത്രീക്ക് മാത്രമാണ്.. അതുകൊണ്ട് തന്നെ ഇത്തരത്തിലുള്ള നിയമങ്ങൾ വളരെ അത്യാവശ്യമായിരിക്കുന്നു.. അത്തരത്തിൽ നിയമങ്ങൾ നമ്മുടെ നാട്ടിലും പ്രാബല്യം ആകേണ്ട കാലം അതിക്രമിച്ചിരിക്കുന്നു.