യുഎസില് ടിക് ടോക്ക് നിരോധന നീക്കം ഒരാഴ്ചത്തേക്ക് നീട്ടി; ഞായറാഴ്ച മുതല് നടപ്പാക്കാനിരുന്ന നിരോധനം സെപ്തംബര് 27ലേക്കാണ് മാറ്റിയത്
യുഎസില് ടിക് ടോക്കിന് നിരോധനം ഏര്പെടുത്താനുള്ള തീരുമാനം നടപ്പാക്കുന്നത് ഒരാാഴ്ചത്തേക്ക് കൂടി നീട്ടി. ഞായറാഴ്ച മുതല് നടപ്പാക്കാനിരുന്ന നിരോധനം സെപ്തംബര് 27ലേക്കാണ് മാറ്റിയത്. ടിക് ടോക്കില് അമേരിക്കന് കമ്ബനികളായ ഒറാക്കിളിനെ ടെക്നോളജി പാര്ട്ണറായും വാള്മാര്ട്ടിനെ ബിസിനസ് പാര്ട്ണറായും ഉള്പെടുത്തുന്നതിന് സംബന്ധിച്ച് ടിക് ടോക്കുമായി ചര്ച്ചകള് തുടരുന്ന സാഹചര്യത്തിലാണ് നിരോധനം നീട്ടിയത്.
നേരത്തേ, അമേരിക്കയില് ആപ്പ് നിരോധനം നടപ്പാക്കുന്നതില് നിന്ന് ട്രംപ് സര്ക്കാരിനെ തടയണമെന്ന് ആവശ്യപ്പെട്ട് ടിക് ടോക് കോടതിയെ സമീപിച്ചിരുന്നു. ഞായറാഴ്ച്ച ഏര്പ്പെടുത്താന് പോകുന്ന വിലക്ക് ചോദ്യം ചെയ്താണ് ടിക് ടോക്കും മാതൃ കമ്ബനിയായ ബൈറ്റ്ഡാന്സ് ലിമിറ്റഡും വാഷിങ്ടണ് ഫെഡറല് കോടതിയില് പരാതി നല്കിയത്. സെപ്റ്റംബര് 20 മുതല് ചൈനീസ് ഉടമസ്ഥതയിലുള്ള മെസേജിംഗ് ആപ്ലിക്കേഷനായ വി ചാറ്റ്, ടിക് ടോക്ക് എന്നി ആപ്പുകള് ഡൗണ്ലോഡ് ചെയ്യുന്നതിന് യുഎസ് വാണിജ്യ വകുപ്പ് വെള്ളിയാഴ്ചയാണ് നിരോധനം പ്രഖ്യാപിച്ചത്.
https://www.facebook.com/Malayalivartha
