കോവിഡ് നിയന്ത്രണങ്ങള്ക്കെതിരേ ബിട്ടനില് നടന്ന സമരം അക്രമാസക്തം; നിരവധിപേര്ക്ക് പരുക്ക്
കോവിഡ് നിയന്ത്രണങ്ങളില് പ്രതിഷേധിച്ച് ബ്രിട്ടനില് തെരുവിലിറങ്ങിയവര് പോലീസുമായി ഏറ്റുമുട്ടി. നിരവധിപേര്ക്ക് പരുക്കേറ്റു. സാമൂഹിക അകലം പാലിക്കാതെ തടിച്ചുകൂടിയവരെ പിരിച്ചുവിടാന് പോലീസ് ശ്രമിച്ചതോടെയാണ് സംഘര്ഷമുണ്ടായത്.
ഒമ്പത് ഉദ്യോഗസ്ഥര്ക്കു പരുക്കേറ്റതായും 16 പേരെ അറസ്റ്റ് ചെയ്തതായും മെട്രോപൊളിറ്റന് പോലീസ് അറിയിച്ചു. തലയ്ക്ക് പരുക്കേറ്റ രണ്ട് ഉദ്യോഗസ്ഥരെ ആശുപത്രിയില് പ്രവേശിപ്പിച്ചു.
ലോക്ക്ഡൗണ് വിരുദ്ധ സമരക്കാര് ട്രഫാല്ഗര് സ്ക്വയറില് ഒത്തുകൂടിയ ശേഷം മധ്യലണ്ടനിലെ ഹൈഡ് പാര്ക്കിലേക്കു നീങ്ങുകയായിരുന്നു.
അടുത്തിടെ നടപ്പാക്കിയ കടുത്ത നിയന്ത്രണങ്ങളില് പ്രതിഷേധിച്ചാണ് ഒരു വിഭാഗം തെരുവിലിറങ്ങിയത്.
കോവിഡ് പടരുന്നത് തടയാന് പൊതുസ്ഥലങ്ങളില് ആറു പേരില്കൂടുതല് ആളുകള് കൂട്ടംകൂടരുത് എന്നതുള്പ്പെടെയുള്ള നിയന്ത്രണങ്ങളാണ് ഇവരെ പ്രകോപിപ്പിച്ചത്.
https://www.facebook.com/Malayalivartha