എച്ച്‌ഐവിയില്‍ നിന്ന് മോചനം നേടിയ തിമോത്തി റേ ബ്രൗണ്‍, അപൂര്‍വ രക്താര്‍ബുദത്തിനു കീഴടങ്ങി വിടപറഞ്ഞു. കലിഫോര്‍ണിയയിലെ ആശുപത്രിയില്‍ 5 മാസമായി രക്താര്‍ബുദത്തോടു പൊരുതിയ ബ്രൗണ്‍ വ്യത്യസ്തമായ മജ്ജ മാറ്റിവയ്ക്കല്‍ ശസ്ത്രക്രിയയ്ക്കു വിധേയനായെങ്കിലും രോഗത്തെ അതിജീവിക്കാനായില്ല.

ബെര്‍ലിനിലായിരുന്നപ്പോള്‍ 1995-ല്‍ ബ്രൗണിന് എച്ച്‌ഐവി ബാധിച്ചു. 'ബെര്‍ലിന്‍ രോഗി' എന്നറിയപ്പെട്ടിരുന്ന ബ്രൗണ്‍ 2007-ല്‍ ഡോക്ടര്‍ ജെറോ ഹ്യൂട്ടറിന്റെ ചികിത്സയിലൂടെ എച്ച്‌ഐവി മുക്തനായത് എയ്ഡ്‌സ് എന്ന മഹാമാരിക്കെതിരായ പോരാട്ടത്തിലെ നാഴികക്കല്ലാണ്.

1966 മാര്‍ച്ച് 11-ന് ജനിച്ച ബ്രൗണാണ് എച്ച്‌ഐവി ചികിത്സയില്‍ വിജയം കണ്ട ലോകത്തെ ആദ്യ എയ്ഡ്‌സ് രോഗി. 2006-ല്‍ ബ്രൗണിന് രക്താര്‍ബുദം ബാധിച്ചു.