ഏറ്റവും പുതിയ പദ്ധതി 'മഴമേഘ പദ്ധതി' വിപുലമാക്കാനൊരുങ്ങി യുഎഇ; പദ്ധതികൾക്ക് മികച്ച സംഭാവന ചെയ്യുന്ന ഗവേഷകർക്ക് 55 ലക്ഷം ദിർഹം സഹായം വാഗ്ദാനം ; പുതിയ സാങ്കേതിക വിദ്യകൾ വികസിപ്പിക്കാനുള്ള ശ്രമം തുടരുന്നു
യുഎഇ പുതിയൊരു പദ്ധതിയിലാണ്. അതിനെ സമ്പന്നമാക്കാൻ വിജയിപ്പിക്കാൻ വേണ്ടുന്ന എല്ലാം വഴികളും തേടുകയാണ് അധികൃതർ. യുഎഇയുടെ ഏറ്റവും പുതിയ പദ്ധതി 'മഴമേഘ പദ്ധതി വിപുലമാക്കാനൊരുങ്ങുകയാണ് . ആ സംരംഭത്തിൽ കൈ കോർത്ത് ഇന്ത്യയും മുന്നിട്ടിറങ്ങിയിരിക്കുന്നു. കൃത്രിമമഴ പെയ്യിക്കാനുള്ള യുഎഇ പദ്ധതികൾക്ക് മികച്ച സംഭാവന ചെയ്യുന്ന ഗവേഷകർക്ക് 55 ലക്ഷം ദിർഹം സഹായം വാഗ്ദാനവും നടത്തിയിരിക്കുകയാണ് . നിലവിലുള്ള പദ്ധതികൾ കൂടുതൽ എളുപ്പമാക്കാനുള്ള ഗവേഷണങ്ങൾ പ്രോത്സാഹിപ്പിക്കുകയും ചെയ്യുമെന്ന കാര്യത്തിൽ സംശയമില്ല . പ്രബന്ധങ്ങൾ അയയ്ക്കേണ്ട വിലാസം: uaerep.ae.മഴമേഘ പദ്ധതികളിൽ മുൻനിരയിലുള്ള രാജ്യമാണ് യുഎഇ. മുൻവർഷങ്ങളിൽ കൂടുതൽ മഴ ലഭിക്കുകയും ചെയ്തു.
പുതിയ സാങ്കേതിക വിദ്യകൾ വികസിപ്പിക്കാനുള്ള ശ്രമം തുടരുകയാണ്. നിർമിതബുദ്ധി (എഐ) കൂടി ഉൾപ്പെടുത്തി 'മഴമേഘ പദ്ധതി' വിപുലമാക്കാനാണ് നീക്കം. മഴമേഘങ്ങൾ സൃഷ്ടിക്കാനുള്ള പുതിയ രാസമിശ്രിതങ്ങൾ, മേഘ ശലകങ്ങൾ കണ്ടെത്താനുള്ള നൂതന സെൻസറുകൾ, അന്തരീക്ഷ പഠനം എന്നിവയിൽ ശ്രദ്ധ കേന്ദ്രീകരിക്കും. യുഎഇ പദ്ധതികളുമായി ഇന്ത്യയും സഹകരിക്കുന്നുണ്ട്.ചിതറിക്കിടക്കുന്ന മേഘങ്ങളെ ഒരിടത്തു കേന്ദ്രീകരിക്കുന്നതാണ് ആദ്യഘട്ടം. ഈ മേഘപാളികളിൽ രാസവസ്തുക്കൾ വിതറുന്നു.സിൽവർ അയഡൈഡ്, പൊട്ടാസ്യം അയഡൈഡ്, ഖര കാർബൺ ഡയോക്സൈഡ്, ദ്രവീകൃത പ്രൊപെയ്ൻ തുടങ്ങിയവയാണ് ഇതിന് ഉപയോഗിക്കുന്നത്. കുറഞ്ഞ ചെലവിൽ ചെയ്യാനുള്ള സാങ്കേതിക വിദ്യകളിലാണ് യുഎഇ പ്രധാനമായും ശ്രദ്ധ പതിപ്പിക്കുന്നത് .
https://www.facebook.com/Malayalivartha