സോവിയറ്റ്, താലിബാന്‍ അധിനിവേശങ്ങള്‍ക്കെതിരെ ചെറുത്തുനില്‍പ്പ് നടത്തിയ വനിതാ പോരാളി ബീബി ആയിഷ കീഴടങ്ങിയെന്ന് താലിബാന്‍
21 OCTOBER 2020 08:23 AM IST
മലയാളി വാര്‍ത്ത
സോവിയറ്റ്, താലിബാന്‍ അധിനിവേശങ്ങള്‍ക്കെതിരെ സ്വന്തം സായുധ സൈന്യത്തെ നയിച്ച അഫ്ഗാനിലെ വനിതാ പോരാളി ബീബി ആയിഷ (70) താലിബാനു കീഴടങ്ങിയതായി റിപ്പോര്‍ട്ടുകള്‍. ബീബി ആയിഷ വടക്കന്‍ പ്രവിശ്യയായ ബഗ്ലാനില്‍ നടത്തിയ പതിറ്റാണ്ടുകള്‍ നീണ്ട ചെറുത്തുനില്‍പ് സമാനതകളില്ലാത്തതാണ്.
താലിബാന്‍ തന്നെയാണ് കമാന്‍ഡര്‍ കഫ്താര്‍ എന്നറിയപ്പെടുന്ന അവര്‍ അനുയായികള്‍ക്കൊപ്പം ബഗ്ലാനില്‍ കീഴടങ്ങിയതായി വാര്‍ത്താക്കുറിപ്പിലൂടെ വ്യക്തമാക്കിയത്. താഴ്വര താലിബാന്‍ പിടിക്കുകയും സംഘാംഗങ്ങളില്‍ പലരും കൂറുമാറുകയും ചെയ്തതോടെയാണ് കീഴടങ്ങലെന്നാണു സൂചന.
അതേസമയം മാതാവ് രോഗശയ്യയിലാണെന്നും ധാരണ പ്രകാരമുള്ള സഹകരണത്തിനാണ് സന്നദ്ധമായതെന്നും അവരുടെ മകന്‍ റാസ് മുഹമ്മദ് അറിയിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
