കൊറോണ വൈറസിന്റെ വ്യാപനത്തോടെ ഈ വർഷത്തിന്റെ തുടക്കത്തിൽ തന്നെ രാജ്യാന്തര-ആഭ്യന്തര വിമാനയാത്രകൾ നിരോധിക്കുകയായിരുന്നു. ഇത്തരത്തിലുള്ള നിരോധനം പ്രവാസികൾക്ക് മാത്രമല്ല ഒട്ടുമിക്ക യാത്രക്കാരെയും സങ്കീര്ണതയിലാക്കിയിരുന്നു. ഒടുവിൽ സാദ്ധ്യമായ എല്ലാ മുൻകരുതലുകളോടെ ആഭ്യന്തര വിമാന സർവീസ് കഴിഞ്ഞ ജൂണിൽ ഭാഗമായി പുനരാരംഭിക്കുകയുണ്ടായി. എന്നാലിതാ കോറോണയ്ക്ക് മുൻപും, കൊറോണ കാലത്തും, കൊറോണ കാലം അവസാനിച്ചാലും ഇന്ത്യക്കാർ വിമാനത്തിൽ കയറിയാൽ ചെയ്യുന്ന കാര്യത്തെപ്പറ്റി രസകരമായി പരാമർശിക്കുകയാണ് ഒരു ഐ‌എഫ്‌എസ് ഉദ്യോഗസ്ഥൻ.

'ഒന്നാലോചിച്ചു നോക്കൂ, വിമാനത്തിൽ കയറിയ ശേഷം നിങ്ങൾ ആദ്യം എന്താണ് ചെയ്യാറുള്ളത്? അല്ലെങ്കിൽ നിങ്ങളുടെ അടുത്ത് യാത്ര ചെയ്യാനിരിക്കുന്ന വ്യക്തി? വാഷ്‌റൂം ഉപയോഗിക്കും, സെൽഫി എടുക്കാൻ ശ്രമിക്കും, സീറ്റ് ബെൽറ്റ് ധരിക്കും എന്നൊക്കെയാവും നിങ്ങളുടെ ഉത്തരങ്ങൾ'. എന്നാലിതാ ഐഎഫ്എസ് ഉദ്യോഗസ്ഥനായ പ്രവീൺ അംഗുസ്വാമിയുടെ അഭിപ്രായത്തിൽ താഴെപ്പറയുന്നതാണ് നമ്മൾ ചെയ്യാറുള്ളത്.

ലോകം മുഴുവൻ ഇങ്ങനെ; എത്രയും വേഗം ഇരിപ്പിടം കണ്ടെത്തുക. സാധനങ്ങൾ സുരക്ഷിതമായി ഓവർഹെഡ് കമ്പാർട്മെന്റിൽ സൂക്ഷിക്കുക.

എന്നാൽ ഇന്ത്യക്കാർ- നിങ്ങളുടെ അമ്മയെ വിളിച്ച് നിങ്ങൾ സുരക്ഷിതരാണെന്ന് ആദ്യം പറയും. ബാക്കിയുള്ളതെല്ലാം പിന്നീട്.

അതേസമയം പ്രവീൺ അംഗുസ്വാമി സ്വാമിയുടെ പോസ്റ്റ് 100 ശതമാനം ശരിയാണ് എന്ന് ധാരാളം പേരാണ് അംഗീകരിക്കുന്നത്. ചിലർ വിമാനത്തിൽ കയറുമ്പോൾ മാത്രമല്ല ലാൻഡ് ചെയ്ത ഉടനെ അമ്മയെ വിളിക്കാറുണ്ട് എന്ന് സമ്മതിക്കുകയാണ്. അമ്മയെ വിളിച്ചു കാര്യം പറയാതെ ഒരു ദിവസവും കടന്നുപോകില്ല എന്ന് ഭൂരിപക്ഷം പേരും ഇതിലൂടെ സമ്മതിക്കുന്നുണ്ട്. അതെ സമയം ചിലർ തങ്ങൾക്ക് ഈ പ്രവർത്തി ചെയ്യേണ്ടത് അമ്മയോടല്ല മറിച്ച് ഭർത്താവിനോടും ഭാര്യയോടും ആണ് എന്നും പ്രതികരണം ഉന്നയിക്കുന്നു.

അതോടൊപ്പം തന്നെ പ്രവീൺ അംഗുസ്വാമിയുടെ അഭിപ്രായം ശരിയല്ല എന്ന് വാദിക്കുന്നവരുമുണ്ട്. താൻ വിമാനത്തിൽ കയറിയാൽ വാഷ്‌റൂം ഉപയോഗിക്കുകയോ, സെൽഫി എടുക്കാൻ ശ്രമിക്കുകയോ, സീറ്റ് ബെൽറ്റ് ധരിക്കുകയോ എന്തിന് അമ്മയെ ഫോൺ ചെയ്‌യുകയോ അല്ല ചെയ്യാറുള്ളത്. മറിച്ച് സൗജന്യമായി കിട്ടുന്ന മിട്ടായി എവിടെ എന്നും എയർ ഹോസ്റ്റസ്സുമാർ എത്രയുണ്ട് എന്നാണ് തന്റെ അന്വേഷണം എന്നും പ്രശാന്ത് കുമാർ എന്ന് പേരുള്ള ട്വിറ്റർ ഉപഭോക്താവ് തമാശ രൂപേണ പ്രതികരിക്കുകയുണ്ടായി.