സുപ്രധാന അറിയിപ്പുമായി ഇന്ത്യ; രാജ്യാന്തര യാത്രകൾ ഘട്ടം ഘട്ടമായി ആരംഭിക്കുന്നതിനു മുന്നോടിയായി ഇളവുകൾ, ക്വാറന്റീന് ഉള്പ്പെടെ കോവിഡ് സുരക്ഷാ മാനദണ്ഡങ്ങള് ബാധകമാണ്, ഇളവുകൾ ഇപ്രകാരം
രാജ്യാന്തര യാത്രകൾ ഘട്ടം ഘട്ടമായി ആരംഭിക്കുന്നതിനു മുന്നോടിയായി ഇളവുകൾ നൽകി ഇന്ത്യ. ഇപ്പോഴിതാ ഇന്ത്യയിലേക്കുള്ള യാത്രാനിയന്ത്രണങ്ങള് ഒഴിവാക്കി. ഇ-വീസയും ടൂറിസ്റ്റ്, മെഡിക്കല് വീസകളും ഒഴികെയുള്ളയാണ് ഈ ഘട്ടത്തില് അനുവദിക്കുകയെന്നു ആഭ്യന്തര മന്ത്രാലയം അറിയിച്ചു. എന്നാൽ തന്നെയും യാത്ര ചെയ്യുന്നവര്ക്ക് ക്വാറന്റീന് ഉള്പ്പെടെ കോവിഡ് സുരക്ഷാ മാനദണ്ഡങ്ങള് ബാധകമാണ്. ഇതിലൂടെ രാജ്യത്തേക്ക് വിവിധ ആവശ്യങ്ങള്ക്ക് എത്തുന്നവര്ക്ക് സഹായികളെയും ഒപ്പം കൂട്ടാന് അനുവാദം ഉണ്ടായിരിക്കും. ഇത്തരത്തിൽ നിയന്ത്രങ്ങള്ക്ക് അയവു വരുത്തുന്നതിന്റെ ഭാഗമായി വിമാന സര്വീസ് പുനരാരംഭിക്കാന് ഇന്ത്യയും ജര്മനിയും ധാരണയിലെത്തിയിട്ടുണ്ട്. കരാർ പ്രകാരം എയര് ഇന്ത്യയും ജര്മനിയുടെ ലുഫ്താന്സയും സര്വീസ് ആരംഭിക്കുകയും ചെയ്തു.
അതേസമയം ഇന്ത്യയിലേക്ക് വരാനും പോകാനും ആഗ്രഹിക്കുന്ന വിദേശികള്ക്കും ഇന്ത്യന് വംശജര്ക്കും കൂടുതല് വിഭാഗങ്ങളിലെ വിസ,യാത്ര നിയന്ത്രണങ്ങളില് ഘട്ടംഘട്ടമായി ഇളവുകള് നല്കാന് തീരുമാനിച്ചതായി കേന്ദ്ര ആഭ്യന്തര മന്ത്രാലയം അറിയിക്കുകയുണ്ടായി. ഘട്ടം ഘട്ടമായി ഇളവുകള് നല്കുന്നതിന്റെ ഭാഗമായി ഇലക്ട്രോണിക് വിസ, ടൂറിസ്റ്റ് വിസ, മെഡിക്കല് വിസ എന്നിവ ഒഴികെയുള്ള എല്ലാ വിസകളും പുനഃസ്ഥാപിക്കാനും സര്ക്കാര് തീരുമാനിച്ചതായാണ് റിപ്പോർട്ട്.
വീസ കാലാവധി കഴിഞ്ഞെങ്കില് പുതിയതിന് അപേക്ഷിക്കാൻ സാധിക്കും. ഓവര്സീസ് സിറ്റിസന് ഓഫ് ഇന്ത്യ (ഒസിഐ), പഴ്സന് ഓഫ് ഇന്ത്യന് ഒറിജിന് (പിഐഒ) കാര്ഡുകളുള്ളവര്ക്കും വിദേശികള്ക്കും ടൂറിസം
ഒഴികെയുള്ള ആവശ്യങ്ങള്ക്ക് രാജ്യത്തേക്ക് വരാൻ സാധിക്കുന്നതാണ്.
https://www.facebook.com/Malayalivartha
