അമേരിക്കയില് പോലീസ് സേനയില് ജോലി ചെയ്യുന്ന മലയാളികളുടെ കൂട്ടായ്മ നിലവില് വന്നു
വടക്കേ അമേരിക്കയിലെ പോലീസ് സേനയിലെ മലയാളികള്ക്ക് സംഘടന. പോലീസ് സേനയിലെ മലയാളികളുടെ കൂട്ടായ്മയായ 'അമേരിക്കന് മലയാളി ലോ എന്ഫോഴ്സ്മെന്റ് യുണൈറ്റഡ്' (അംലീയു) എന്ന പേരിലാണ് സംഘടന നിലവില് വന്നത്.
അമേരിക്കന് മലയാളി പോലീസ് ഓഫീസര്മാരുടെ സംഘടനയ്ക്ക് രൂപംനല്കിയത്, അമേരിക്കയിലെത്തുന്ന മലയാളികള്ക്ക് പോലീസ് സേനയില്നിന്നുള്ള നിയമസഹായവും അറിവും നല്കുക എന്ന ലക്ഷ്യത്തോടെയാണ്. ആദ്യമായാണ് അമേരിക്കന് പോലീസ് സേനയില് ഒരു എത്തിനിക് സംഘടന രൂപം കൊള്ളുന്നത്. ഷിക്കാഗോ, ഹൂസ്റ്റണ് പോലീസ് ഡിപ്പാര്ട്മെന്റുകള്, എഫ്.ബി.ഐ, ഡിപ്പാര്ട്മെന്റ് ഓഫ് ജസ്റ്റിസ്, സ്റ്റേറ്റ് ട്രൂപേഴ്സ്, കറക്ഷന് ഓഫീസേഴ്സ് എന്നീ വിഭാഗങ്ങളിലെ മലയാളി ഉദ്യോഗസ്ഥര് സംഘടനയില് അംഗങ്ങളായി ചേര്ന്നിട്ടുണ്ട്.
23 വര്ഷത്തെ അമേരിക്കന് ആര്മി സേവനത്തിനുശേഷമാണ് അദ്ദേഹം എന്.വൈ.പി.ഡിയുടെ ഭാഗമായ തോമസ് ജോയി സംഘടനയുടെ പ്രസിഡന്റായി തെരഞ്ഞെടുക്കപ്പെട്ടു.സഫൊക്ക് കൗണ്ടി പോലീസ് ഓഫീസറായ അദ്ദേഹം നിലവില് ഹ്യൂമന് റിസോഴ്സ് റിക്രൂട്ട്മെന്റ് ഓഫീസറാണ്. പ്രമുഖ വ്യവസായി മോനിപ്പിള്ളി ജോയിയുടെ പുത്രനാണ്.
രക്ഷാധികാരി: ഉമ്മന് സ്ലീബാ (സെര്ജന്റ്, ഷിക്കാഗോ പോലീസ് ഡിപ്പാര്ട്ടമെന്റ്), വൈസ് പ്രസിഡന്റ്: ഷിബു ഫിലിപ്പോസ് (ക്യാപ്റ്റന്, മേരിലാന്ഡ് പോലീസ് ഡിപ്പാര്ട്ട്മെന്റ്), സെക്രട്ടറി: നിതിന് ഏബ്രഹാം (സെര്ജന്റ്, എന്.വൈ.പി.ഡി), ട്രഷറര്: നോബിള് വര്ഗീസ് (സെര്ജന്റ്, ന്യൂയോര്ക്ക്/ന്യൂജേഴ്സി പോര്ട്ട് അതോറിറ്റി) എന്നിവരാണു മറ്റു ഭാരവാഹികള്.
https://www.facebook.com/Malayalivartha