ലോകത്ത് കോവിഡ് ബാധിതര്‍ നാല് കോടിയും കവിഞ്ഞു. വേള്‍ഡോമീറ്റര്‍ കണക്കുപ്രകാരം 4 കോടി 25 ലക്ഷം പേരാണ് വൈറസ് ബാധിതരായത്. അമേരിക്ക, ഇന്ത്യ, ബ്രസീല്‍, റഷ്യ, സ്‌പെയിന്‍, അര്‍ജന്‍റീന, ഫ്രാന്‍സ്, കൊളംബിയ, പെറു, മെക്‌സിക്കോ, ബ്രിട്ടന്‍, ദക്ഷിണാഫ്രിക്ക, ഇറാന്‍, ചിലി, ഇറ്റലി എന്നീ രാജ്യങ്ങളാണ് കൊവിഡ് ബാധിതരുടെ എണ്ണത്തില്‍ മുന്നിലുള്ളത്.

ലോകത്ത് ഇതുവരെ 42,52,394 പേര്‍ക്ക് കോവിഡ് പോസിറ്റീവായെന്നാണ് കണക്കുകള്‍ സൂചിപ്പിക്കുന്നത്.1,149,33 പേരാണ് രോഗം ബാധിച്ച്‌ മരിച്ചത്. 31,450,223 പേര്‍ രോഗമുക്തി നേടി. നിലവില്‍ 9,92,33 പേരാണ് ചികിത്സയിലുള്ളത്. ഇതില്‍ 76,613 പേരുടെ നില അതീവ ഗുരുതരമാണെന്നാണ് വിവരം. അമേരിക്ക, ഇന്ത്യ, ബ്രസീല്‍ എന്നീ രാജ്യങ്ങളിലാണ് കോവിഡ് അതിവേഗം പടരുന്നത്.അതേസമയം കോവിഡ് വാക്‌സിന്‍ വിതരണവുമായി ബന്ധപ്പെട്ട് ആരോഗ്യ പ്രവര്‍ത്തകരുടെ വിവരങ്ങള്‍ കൈമാറാന്‍ സംസ്ഥാനങ്ങളോട് കേന്ദ്രസര്‍ക്കാര്‍ ആവശ്യപ്പെട്ടു. സര്‍ക്കാര്‍- സ്വകാര്യ മേഖലകളില്‍ ജോലിചെയ്യുന്ന മുഴുവന്‍ ആരോഗ്യ പ്രവര്‍ത്തകരുടെയും വിവരങ്ങള്‍ കേന്ദ്ര സര്‍ക്കാര്‍ ശേഖരിച്ചു തുടങ്ങിയതായാണ് റിപ്പോര്‍ട്ട്. വാര്‍ത്താ ഏജന്‍സിയായ റോയിട്ടേഴ്സാണ് ഇക്കാര്യം റിപ്പോര്‍ട്ടു ചെയ്തത്.