ഒരു ദിവസം സൂര്യൻ ഉദിക്കാതിരുന്നാൽ എന്താകും സംഭവിക്കുക? ചിന്തിക്കാൻ പോലും കഴിയില്ല. വടക്കേയമേരിക്കയുടെ വടക്കേ അറ്റത്ത് അലാസ്‌കന്‍ പട്ടണമായ ഉത്കിയാഗ്വിഗ് നിവാസികള്‍ക്ക് ഇനി നേരം പുലരാന്‍ 66 ദിവസം കഴിയണം എന്നതാണ്. കഴിഞ്ഞ ബുധനാഴ്ചയാണ് ഇവിടെ ഈ വര്‍ഷം അവസാനമായി സൂര്യനെ കണ്ടത് തന്നെ. ഇനി ഈ വര്‍ഷം സൂര്യനുദിക്കില്ല എന്നാണ് പറയപ്പെടുന്നത്. 2021 ജനുവരി 23 ന് ശേഷമേ ഇനി ഇവിടെ സൂര്യന്‍ ഉദിക്കൂവെന്ന് യുഎസ് കാലവാസ്ഥ നിരീക്ഷണ ഏജന്‍സി പറഞ്ഞു.

എന്നാൽ ഒറ്റനോട്ടത്തിൽ, ഉത്‌കിയാഗ്‌വിക് നഗരം മറ്റേതൊരു ആർട്ടിക് നഗരത്തെയും പോലെ തോന്നാം. എന്തെന്നാൽ അതിശയകരമാംവിധം തണുപ്പാണ്, ഒപ്പം ഇരുണ്ടതുമാണ്, ഉത്‌കിയാഗ്‌വിക് ഭൂമിയിലെ ഏറ്റവും തെളിഞ്ഞ സ്ഥലങ്ങളിൽ ഒന്നാണ് എന്നാണ് പറയപ്പെടുന്നത്. കാലാവസ്ഥ മാപ്പർഹിക്കാത്തതാണെങ്കിലും സഞ്ചാരപ്രിയർ എത്തുന്നതാണ്. ഏകദേശം 4000 ലധികം പേർ ഈ നഗരത്തിൽ ജീവിക്കുന്നത്. ഒപ്പം ഭൂരിപക്ഷം ആളുകളും അലാസ്കൻ സ്വദേശികളാണ്. ലോകത്തിലെ ഏറ്റവും വടക്കുഭാഗത്തുള്ള പൊതു സമൂഹങ്ങളിൽ ഒന്നാണ് ഇത്.