അസാധ്യമായതൊന്നുമില്ലെന്ന് ഒരിക്കല്കൂടി തെളിയിക്കാന് കൈകാലുകളില്ലാത്ത ഫ്രഞ്ച് സാഹസികനെ ബഹിരാകാശത്തേക്ക് അയയ്ക്കാന് മസ്ക്
യുഎസിലെ സ്വകാര്യ ബഹിരാകാശ ഏജന്സിയായ സ്പേസ്എക്സ് സ്ഥാപകനായ മസ്കിനോട് , അപകടത്തെത്തുടര്ന്ന് കൈകളും കാലുകളും നഷ്ടപ്പെട്ട ഫ്രഞ്ച് സാഹസികന് ഫിലിപ് കൊസോനെ ട്വീറ്റീലൂടെ ഉന്നയിച്ച ആവശ്യം നടത്തിക്കൊടുക്കുമെന്ന് ഇലന് മസ്ക്.
'എന്നെ ബഹിരാകാശത്തേക്ക് അയച്ച് അസാധ്യമായതൊന്നുമില്ലെന്ന് ഒരിക്കല്കൂടി തെളിയിക്കാന്' ആണ് കൊസോന് ആവശ്യപ്പെട്ടത്. പിന്നാലെയെത്തി മസ്കിന്റെ ഉറപ്പ്: 'ഒരു ദിവസം ഞങ്ങള് താങ്കളെ സ്റ്റാര്ഷിപ്പില് അയയ്ക്കും'. സ്പേസ്എക്സിന്റെ ബഹിരാകാശവാഹനത്തിന്റെ പേരാണു സ്റ്റാര്ഷിപ്.
ഫിലിപ് കൊസോന്റെ കൈകാലുകള് 1994-ലുണ്ടായ അപകടത്തെത്തുടര്ന്നാണ് മുറിച്ചത്. തുടര്ന്ന് കഠിനപരിശീലനത്തിലൂടെ തന്റെ സാഹസികയജ്ഞങ്ങള് ഓരോന്നായി അദ്ദേഹം പൂര്ത്തിയാക്കി. 8 വര്ഷം മുന്പ് ഇംഗ്ലിഷ് ചാനല് നീന്തിക്കടന്ന കൊസോന് 2017-ല് ഡകാര് റാലിയില് കാറോടിക്കുകയും ചെയ്തു.
https://www.facebook.com/Malayalivartha
