ഇന്റര്‍നാഷനല്‍ എമ്മി പുരസ്‌കാരങ്ങള്‍ ഇന്നു പ്രഖ്യാപിക്കും; ഇന്ത്യന്‍ താരങ്ങളും പട്ടികയില്‍
ഇന്ന് രാത്രി 9.30ന് (യുഎസ് സമയം രാവിലെ 11.00) ഇന്റര്‍നാഷനല്‍ എമ്മി പുരസ്‌കാരങ്ങള്‍ പ്രഖ്യാപിക്കും.
മികച്ച നടനുള്ള പുരസ്‌കാരപട്ടികയില്‍ ആമസോണ്‍ പ്രൈം വിഡിയോ പരമ്പരയായ മെയ്ഡ് ഇന്‍ ഹെവനിലെ 'കല്യാണരാമന്‍' കരണ്‍ മെഹ്‌റയെ അവതരിപ്പിച്ച നടന്‍ അര്‍ജുന്‍ മാഥുര്‍, ഡ്രാമ സീരീസ് വിഭാഗത്തില്‍ നിര്‍ഭയ കേസ് പശ്ചാത്തലമായ നെറ്റ്ഫ്‌ലിക്‌സ് പരമ്പര ഡല്‍ഹി ക്രൈം, അനു മേനോനും നുപുര്‍ അസ്താനയും ചേര്‍ന്നു സംവിധാനം ചെയ്ത 'ഫോര്‍ മോര്‍ ഷോട്‌സ് പ്ലീസ്' എന്നിവയും നാമനിര്‍ദേശ പട്ടികയിലുണ്ട്.
അവാര്‍ഡ് പ്രഖ്യാപനം www.iemmys.tv വെബ്‌സൈറ്റില്‍ തത്സമയം കാണാം. പുരസ്‌കാര പ്രഖ്യാപനവും ഓണ്‍ലൈനാണ്. കോവിഡ് കൈകാര്യം ചെയ്യുന്നതില്‍ മികവു പുലര്‍ത്തിയ ന്യൂയോര്‍ക്ക് ഗവര്‍ണര്‍ ആന്‍ഡ്രൂ ക്വോമോയ്ക്കു പുരസ്‌കാരമുണ്ട്.
വിജയകരമായ ടിവി ഷോ എന്ന നിലയ്ക്കാണ് ആന്‍ഡ്രൂ ക്വോമോയുടെ പ്രതിദിന കോവിഡ് വാര്‍ത്താസമ്മേളനത്തിന് പുരസ്‌കാരമെന്ന് എമ്മി സമിതി അറിയിച്ചു. ഇതാദ്യമായാണ് ഒരു രാഷ്ട്രീയനേതാവിന് എമ്മി പുരസ്‌കാരം നല്‍കുന്നത്.
https://www.facebook.com/Malayalivartha
