അന്താരാഷ്ട്ര മാധ്യമങ്ങൾ ഏറെ ചർച്ച ചെയ്ത വിഷയമായിരുന്നു ദുബായ് ഭരണാധികാരി ഷെയ്ഖ് മൊഹമ്മദ് ബിന്‍ റഷീദ് അല്‍ മഖ്തൂമുമായി പിണങ്ങി ലണ്ടനില്‍ കഴിയുന്ന മുന്‍ഭാര്യയും ജോര്‍ദ്ദാന്‍ രാജകുമാരിയുമായ ഹയാ ബിന്റ് അല്‍ ഹുസൈനും തമ്മിലുള്ള അസ്വാരസ്യങ്ങൾ. ഇതിനെതിരെ യാതൊരുവിധ പ്രതികരണവും നല്കാൻ ഭരണാധികാരി തയ്യാറായിരുന്നില്ല. എന്നാൽ ഇപ്പോഴിതാ ഹയാ ബിന്റ് അല്‍ ഹുസൈന്റെ രഹസ്യബന്ധം പുറത്ത്. ടൈംസ് നൗ ഉൾപ്പടെയുള്ള അന്താരാഷ്ട്ര മാധ്യമങ്ങളാണ് ഇത്തരത്തിൽ റിപ്പോർട്ട് പുറത്തുവിട്ടിട്ടത്. മാത്രമല്ല തന്റെ സ്വന്തം കാവല്‍ഭടന്മാരില്‍ ഒരാളുമായി പുലര്‍ത്തിയിരുന്ന രഹസ്യബന്ധം പുറത്തു വിടാതിരിക്കാന്‍ ഇയാള്‍ക്ക് ഹയാ 1.6 ദശലക്ഷം ഡോളര്‍ നല്‍കിയതായുള്ള റിപ്പോര്‍ട്ടും ഡെയ്‌ലി മെയിൽ പുറത്തുവിടുകയുണ്ടായി.

വന്‍തുക പ്രതിഫലം നല്‍കിയതിന് പുറമേ 21,353 ഡോളര്‍ വില വരുന്ന ആഡംബര വാച്ചുകളും വിന്റേജ് ഷോട്ട്ഗണ്ണുമെല്ലാം സമ്മാനമായി നല്‍കിയിരുന്നതായി റിപോർട്ടുകൾ വ്യക്തമാക്കുന്നു. ബ്രിട്ടീഷ് അംഗരക്ഷകനായ റസല്‍ ഫ്ളവേഴ്‌സാണ് ഹയാ രാജകുമാരിയുടെ കാമുകന്‍. ഫ്ളവേഴ്‌സുമായുള്ള ബന്ധം അറിയാവുന്ന തന്റെ മൂന്ന് സേവകര്‍ക്കും ഈ വിവരം മറച്ചു വെയ്ക്കാന്‍ ഹയാ ഇതേ തുക തന്നെ നല്‍കുകയുംചെയ്തിരുന്നു . 70 കാരനായ ദുബായ് ഭരണാധികാരിയുമായി ഹയാ ബന്ധം വേര്‍പെടുത്തിയെന്ന വാർത്തകൾ വന്നത് അടുത്തിടെയാണ് . മക്കളുടെ അവകാശവുമായി ബന്ധപ്പെട്ടുള്ള കേസില്‍ ലണ്ടനിലെ ഹൈക്കോടതിയില്‍ വാദം കേള്‍ക്കുന്നതിനിടെയാണ് ഹയ രാജകുമാരിയുടെ ബോഡിഗാര്‍ഡുമായുള്ള രഹസ്യ ബന്ധം പുറത്തായത്.

മക്കള്‍ രണ്ടുപേരും ഹയായോടൊപ്പം ഇപ്പോള്‍ പടിഞ്ഞാറന്‍ ലണ്ടനിലെ കെന്‍സിംഗ്ടൺ കൊട്ടാരത്തിലാണ് കഴിയുന്നത്. ഹയാരാജകുമാരിയുമായുള്ള ബന്ധം പുറത്തായതോടെ ഫ്ളവേഴ്‌സിന്റെ കുടുംബവും കലഹത്തിൽ അവസാനിച്ചു. നാലു വര്‍ഷം മുമ്പ് വിവാഹം കഴിച്ച ഭാര്യ ഇയാളെ വേണ്ടെന്നുവച്ചു. 46 കാരിയായ രാജകുമാരി തന്റെ ഭര്‍ത്താവിനെ വശീകരിച്ച് എടുത്തതായി അവര്‍ കൂട്ടുകാരോട് പറയുകയും ചെയ്തിരുന്നു. പ്രിന്‍സസ് ഓഫ് വെയ്ല്‍ സിലെ മറായാ റെജിമെന്റിനൊപ്പം അഞ്ചു വര്‍ഷമായി സേവനം നടത്തിയിരുന്ന 37 കാരന്‍ ഫ്ളവേഴ്‌സ് അതിന് ശേഷം 2016 ലാണ് ഹയയുടെ ബോഡിഗാര്‍ഡ് ആയി എത്തിയത്. മുഴുവൻ സമയ ജോലിയായതോടെ ഹയായ്‌ക്കൊപ്പം അനേകം വിദേശയാത്രകളിലും ഫ്ളവേഴ്‌സ് ഒപ്പം പോയിരുന്നു. വിദേശത്ത് പോകുമ്പോള്‍ തനിക്കും ബോഡിഗാര്‍ഡിനും കണക്ടിംഗ് റൂമുകള്‍ തരപ്പെടുത്താന്‍ ഹയാ നിര്‍ബ്ബന്ധം പിടിക്കുകയും ചെയ്തിരുന്നു. ഇവര്‍ യുകെയില്‍ ആയിരിക്കുമ്പോള്‍ തന്നെ മിക്ക രാത്രികളിലും പുറത്തായിരിക്കും.

ചിലപ്പോഴെല്ലാം അടുത്ത പുലര്‍ച്ചെ വരെ പോലും വീട്ടില്‍ തിരിച്ചെത്താറില്ലെന്നാണ് ഫ്ളവേഴ്‌സിന്റെ ഭാര്യ ആരോപണം ഉന്നയിച്ചത്. 2004 ലായിരുന്നു ജോര്‍ദ്ദാന്‍ രാജാവിന്റെ മകളായ ഹയാ രാജകുമാരിയെ ദുബായ് ഷെയ്ഖ് വിവാഹം കഴിച്ചത്. മഖ്തൂമിന്റെ ആറാം വിവാഹമായിരുന്നു ഇത. ഷെയ്ഖിന്റെ ഏറ്റവും പ്രായം കുറഞ്ഞ ഭാര്യയും ഹയാ തന്നെയായിരുന്നു. പിന്നീട് തന്റെ രണ്ടു കുട്ടികളെയുമെടുത്ത് രാജ്യം വിട്ട ഹയാ ജര്‍മ്മനിയിലും ഒടുവില്‍ ലണ്ടനിലും സ്ഥിരതാമസമാക്കുകയുണ്ടായി. ലണ്ടനിലെ കെന്‍സിംഗ്ടണിലെ 850 കോടി രൂപ വിലമതിപ്പുള്ള വീട്ടിലാണ് ഇവരുടെ താമസം. ഇവര്‍ക്ക് 11 വയസ്സുള്ള ഒരു മകളും ഏഴു വയസ്സുള്ള ഒരു മകനുമുണ്ട്.