വീട് ഒന്ന് പുതുക്കിപ്പണിയാന് തീരുമാനിച്ച ദമ്പതികൾ ആ കാഴ്ച്ച കണ്ട് അന്ധാളിച്ചു; 100 വര്ഷം പഴക്കമുള്ള മദ്യക്കുപ്പികൾ ചുവരിനുള്ളില് നിന്ന് കണ്ടെത്തി; അത് എങ്ങനെ വന്നുവെന്ന രഹസ്യം കേട്ട് അന്തം വിട്ട് ലോകം
വീട് ഒന്ന് പുതുക്കിപ്പണിയാന് തീരുമാനിച്ച ദമ്പതികൾ ഒരിക്കലും ഇത്രയും പ്രതീക്ഷിച്ചില്ല . മരം കൊണ്ടുള്ള പുറംഭിത്തി പൊളിച്ചപ്പോള് ദമ്ബമ്പതികളുടെ കണ്ണിലൂടെ പൊന്നീച്ച പറന്നു. 100 വര്ഷം പഴക്കമുള്ള മദ്യക്കുപ്പികൾ ആയിരുന്നു ചുവരിനുള്ളില് നിന്ന് കിട്ടിയത്. 66 കുപ്പി വിസ്കികൾ ആയിരുന്നു കണ്ടെത്തിയത് .ഒരു വര്ഷം മുന്പായിരുന്നു ആമിസിലെ ഈ പഴയ വീട് നിക്ക് ഡ്രമ്മണ്ഡും പാട്രിക് ബക്കറും വാങ്ങിയത്. പണ്ട് ഈ വീടിന്റെ ഉടമ കുപ്രസിദ്ധനായ ഒരു മദ്യക്കടത്തുകാരനായിരുന്നു അത്രേ . എന്നാല് ഇത്രയും വലിയൊരു അത്ഭുതം ആ വീടിന്റെ ചുമരുകള്ക്കുള്ളില് പഴയ ഉടമ ഒളിപ്പിച്ചുവെച്ചിട്ടുണ്ടെന്ന് ആരും വിചാരിച്ചില്ല. ഒരു ഇന്സ്റ്റഗ്രാം പോസ്റ്റിലാണ് ഡ്രമ്മണ്ഡ് തന്റെ വീട്ടില് നിന്ന് മദ്യക്കുപ്പികളുടെ കാര്യം അറിയിച്ചത് . വീട് പുത്തുക്കിപ്പണിയുന്നതിനിടയില് ഞങ്ങള്ക്ക് ലഭിച്ച വിചിത്രമായ സംഗതി എന്ന അടിക്കുറിപ്പോടെയായിരുന്നു മദ്യക്കുപ്പികളുടെ ചിത്രം അദ്ദേഹം പങ്കുവെച്ചത് . പിന്നീട് ചുവര് പൊളിച്ച് മദ്യക്കുപ്പികള് പുറത്തെടുക്കുന്നതിന്റെ വീഡിയോയും പങ്കുവെച്ചു.
1915ല് ആണ് ഈ വീട് നിര്മിച്ചതെന്നാണ് ഡ്രമ്മണ്ഡ് വ്യക്തമാക്കി . അക്കാലത്ത് ഇവിടെ മദ്യ നിരോധനമുണ്ടായിരുന്നു. ആ സമയത്ത് വീട്ടുടമസ്ഥന് ഒളിപ്പിച്ചുവെച്ചതാണ് മദ്യക്കുപ്പികള് എന്നാണ് കരുതപ്പെടുന്നത്. വീട്ടുടമസ്ഥനെക്കുറിച്ച് കേട്ടിരുന്ന കഥകള് സത്യമാണെന്ന് വിചാരിച്ചില്ല. എന്നാല് ഇപ്പോള് വിശ്വാസമായി. അയാള് ശരിക്കുമൊരു ഗംഭീര മദ്യക്കടത്തുകാരന് തന്നെയായിരുന്നു. ഈ വീട് നിര്മിച്ചിരിക്കുന്നതു തന്നെ മദ്യം കൊണ്ടാണ് എന്ന് ഡ്രമ്മണ്ഡ് പറഞ്ഞു. നൂറു വര്ഷം പഴക്കമുള്ള 66 കുപ്പികളാണ് ആകെകിട്ടിയത് . ഇതില് 13 കുപ്പികള് ഫുള് ബോട്ടിലുകളായിരുന്നു . ഇവയില് നാലെണ്ണത്തിലെ മദ്യം പഴക്കംമൂലം കേടാകുകയും ചെയ്തു. എന്നാൽ ഇത് ഉപയോഗിക്കാന് പറ്റാത്ത വിധത്തിലായിരുന്നു ഉണ്ടായിരുന്നത്. എന്നാല് ബാക്കി ഒമ്ബത് കുപ്പികളിലേത് ഉപയോഗ യോഗ്യമായിരുന്നു . ബാക്കിയുള്ളത് ഹാഫ് ബോട്ടിലുകളായിരുന്നു . ഇവയില് മിക്കതിലെയും മദ്യം ബാഷ്പീകരണം സംഭവിച്ച് നഷ്ടപ്പെട്ടുപോയി.
https://www.facebook.com/Malayalivartha