വെറും 10 സെക്കൻഡ്; അബുദാബിയുടെ മുദ്രകളിലൊന്നായിരുന്ന മിനാ പ്ലാസ കെട്ടിട സമുച്ചയം തകർന്നുവീണു, 165 മീറ്റർ ഉയരത്തിൽ 144 നിലകൾ ഉള്ള കെട്ടിടം പൊളിച്ചതിലൂടെ ഏറ്റവും ഉയരം കൂടിയ കെട്ടിടം പൊളിച്ചതിനുള്ള ഗിന്നസ് റെക്കോർഡ് സംഘം നേടി
കണ്ണടച്ചു തുറക്കും മുൻപേയായിരുന്നു ആ സംഭവം നടന്നത്. അബുദാബിയുടെ മുദ്രകളിലൊന്നായിരുന്ന മിനാ പ്ലാസ കെട്ടിട സമുച്ചയം ഇന്നലെ രാവിലെ രാവിലെ സെക്കന്റുകൾക്കകം നിലംപൊത്തി. ഇതു കാണാൻ മലയാളി കുടുംബങ്ങളടക്കം ഒട്ടേറെ പേർ എത്തിയിരുന്നു. കണ്ണിമ ചിമ്മാതെ കാത്തിരുന്നത് കൊണ്ടാണ് വിസ്മയിപ്പിക്കുന്ന ഈ രംഗം എല്ലാവർക്കും നേരിൽ കാണാൻ കഴിഞ്ഞത് തന്നെ. എന്തെന്നാൽ സെക്കൻഡുകൾക്കകം കെട്ടിടമുണ്ടായിരുന്ന സ്ഥലത്ത് കനത്ത പൊടി മാത്രം ബാക്കിയാവുകയായിരുന്നു. പലരും ദൃശ്യങ്ങൾ മൊബൈൽ ഫോണിൽ പകർത്തുകയും ചിലർ ഫെയ്സ് ബുക്കിലും ടിക് ടോക്കിലേയ്ക്കും പകർത്തുകയും ചെയ്യുകയുണ്ടായി. നിമിഷങ്ങൾക്കകമാണ് ഇത് വൈറലായി മാറിയത്.
മൊഡോൺ റിയൽ എസ്റ്റേറ്റ് സംഘമാണ് ഈ കെട്ടിടം പൊളിക്കാൻ നേതൃത്വം നൽകിയത്. 10 സെക്കൻഡിൽ മിനാ പ്ലാസ പൊളിച്ചതിലൂടെ പുതിയ ലോക റെക്കോർഡും സംഘം നേടിയെന്ന് അബുദാബി മീഡിയ വ്യക്തമാക്കി. 165 മീറ്റർ ഉയരത്തിൽ 144 നിലകൾ ഉള്ള മിനാ പ്ലാസ പൊളിച്ചതിലൂടെ ഏറ്റവും ഉയരം കൂടിയ കെട്ടിടം പൊളിച്ചതിനുള്ള ഗിന്നസ് റെക്കോർഡാണ് സംഘത്തിന് നിലവിൽ ലഭിച്ചിരിക്കുന്നത്. തുറമുഖ വികസനത്തിന്റെ ഭാഗമായാണ് 2007ൽ നിർമിച്ച മൂന്ന് ബഹുനില കെട്ടിടങ്ങൾ ഫ്ലാഷ് എക്സ്പ്ലോസീവ് ചാർജിലൂടെ തകർത്തത്.
ഇതേതുടർന്ന് ഈ സ്ഥലത്ത് വിനോദത്തിനും ഷോപ്പിങ്ങിനും കൂടി ഉപയോഗപ്പെടുത്താവുന്ന വിപണി നിർമിക്കുകയാണ് അധികൃതരുടെ ലക്ഷ്യം എന്നത്. കെട്ടിടത്തിലുണ്ടായിരുന്ന വ്യാപാരികൾക്ക് 18 മാസം മുൻപ് ഒഴിയാൻ അധികൃതർ നോട്ടീസ് നൽകുകയും ചെയ്തു. ഇതേതുടർന്ന് കുറഞ്ഞ വിലയ്ക്ക് പലരും ഉത്പന്നങ്ങൾ വിറ്റഴിച്ചു സ്ഥലം കാലിയാക്കുകയാണ് ചെയ്തത്.
https://www.facebook.com/Malayalivartha