ഓണ്ലൈന് ക്ലാസിനിടെ പതിനൊന്നുകാരന് സ്വയം വെടിവെച്ച് ആത്മഹത്യ ചെയ്തു
ഓണ്ലൈന് ക്ലാസ്സിനിടെ പതിനൊന്നുകാരന് ആത്മഹത്യ ചെയ്തു. നോര്ത്തേണ് കാലിഫോര്ണിയ സെന്ട്രല് വാലിയിലെ വുഡ്ബ്രിഡ്ജിലാണ് സംഭവം. ഓഡിയോയും വീഡിയോയും ഓഫ് ചെയ്തു വച്ചതിനു ശേഷമാണ് കൃത്യം നടത്തിയിരിക്കുന്നത്. തലയ്ക്ക് വെടിയേറ്റാണ് വിദ്യാര്ത്ഥി മരിച്ചത്. അദന് ലിയാനോസ് എന്ന് ആറാം ഗ്രേഡ് വിദ്യാര്ത്ഥിയാണ് സ്വയം വെടിയുതിര്ത്ത് മരിച്ചത്.
സഹോദരന് വെടിയുതിര്ക്കുന്ന ശബ്ദം കേട്ട് മറ്റൊരു മുറിയില് ഓണ്ലൈന് ക്ലാസില് ആയിരുന്ന അദന്റെ സഹോദരി ഓടിയെത്തുകയും അയല്ക്കാരെയും അധ്യാപികയെയും വിവരം അറിയിക്കുകയുമായിരുന്നു. പൊലീസ് ഉടന് തന്നെ സംഭവ സ്ഥലത്ത് എത്തുകയും വെടിയേറ്റ വിദ്യാര്ത്ഥിയെ ആശുപത്രിയില് എത്തിക്കുകയും ചെയ്തെങ്കിലും മരണം സംഭവിക്കുകയായിരുന്നു. എന്നാല് കുട്ടിക്ക് എവിടെ നിന്നാണ് തോക്ക് ലഭിച്ചതെന്ന് വ്യക്തമല്ല. ഉദ്യോഗസ്ഥര് ഇത് സംബന്ധിച്ച് അന്വേഷണം ആരംഭിച്ചു കഴിഞ്ഞു. അതേസമയം, ഇത്തരത്തില് ആത്മഹത്യാ പ്രവണത കുട്ടി പ്രകടിപ്പിച്ചിട്ടില്ലെന്ന് കുടുംബാംഗങ്ങള് വ്യക്തമാക്കി.വുഡ് ബ്രിഡ്ജ് എലെമെന്ററി സ്കൂളിലെ വിദ്യാര്ത്ഥിയായിരുന്നു അദന്.
അതേസമയം, കൊറോണ കാരണം ലോക്ക് ഡൗണ് പ്രഖ്യാപിച്ചിരിക്കുന്നതിനാല് കുട്ടികള് വീട്ടില് തന്നെ കഴിയേണ്ട അവസ്ഥയിലാണ്. ഓണ്ലൈന് ക്ലാസുകള് വഴിയാണ് കുട്ടികളുടെ പഠനം പുരോഗമിക്കുന്നത്. ഓണ്ലൈന് ക്ലാസ് ആരംഭിച്ചതിനു ശേഷം നിരാശയും മാനസിക തകര്ച്ചയും നേരിടുന്ന നിരവധി കുട്ടികളെ കണ്ടെത്താന് കഴിഞ്ഞെന്ന് വിദ്യാര്ത്ഥിയുടെ സ്കൂള് സപ്പോര്ട്ട് ഡയറക്ടര് പോള് വാറന് പറഞ്ഞു.
കൂട്ടുകാരുമായി സംസാരിക്കാനോ കളിക്കാനോ ഒന്നും കഴിയാത്തതിനാല് വളരെ അപകടകരമായ സാഹചര്യത്തിലൂടെയാണ് വിദ്യാര്ത്ഥികള് കടന്നുപോകുന്നതെന്നും അദ്ദേഹം പറഞ്ഞു.
https://www.facebook.com/Malayalivartha