ടൈം കിഡ് ഓഫ് ദ ഇയര് ആയി തെരഞ്ഞെടുക്കപ്പെട്ടത് ഇന്ത്യന് വംശജ ഗീതാഞ്ജലി റാവു
അയ്യായിരത്തിലേറെ നാമനിര്ദേശങ്ങളില്നിന്നും ടൈം മാഗസിന്റെ പ്രഥമ കിഡ് ഓഫ് ദി ഇയര് പുരസ്കാരത്തിനായി കൊളറാഡോ സ്വദേശിനി ഗീതാഞ്ജലിയെ തെരഞ്ഞെടുത്തു.
യുവശാസ്ത്രജ്ഞയും ഇന്ത്യന് വംശജയുമായ ഗീതാഞ്ജലി റാവു(15) കുടിവെള്ളത്തിലെ മാലിന്യം, ലഹരിമരുന്ന് ആസക്തി, സൈബര് ആക്രമണം തുടങ്ങി നിരവധി പ്രശ്നങ്ങള്ക്ക് സാങ്കേതികവിദ്യയിലൂടെ പരിഹാരം കണ്ടെത്തിയാണ് ശ്രദ്ധേയയായത്.
ടൈം പ്രത്യേക പതിപ്പിനുവേണ്ടി ഹോളിവുഡ് നടി ആഞ്ജലീന ജോളിയാണ് ഗീതാഞ്ജലിയെ ഇന്റര്വ്യൂ നടത്തിയത്. ഗീതാഞ്ജലിയുടെ കവര്ഫോട്ടോ ഉള്പ്പെടുന്ന പുതിയ പതിപ്പില് ഈ അഭിമുഖവും പ്രസിദ്ധീകരിച്ചിട്ടുണ്ട്.
സൂക്ഷ്മനിരീക്ഷണം, മസ്തിഷ്കോദ്ദീപനം, ഗവേഷണം, നിര്മാണം, വിവരകൈമാറ്റം എന്നിങ്ങനെയാണു തന്റെ പ്രവര്ത്തനരീതിയെന്നും അഭിമുഖത്തില് ഗീതാഞ്ജലി പറഞ്ഞു. തനിക്ക് ഇതു സാധിക്കുമെങ്കില് ആര്ക്കും സാധിക്കുമെന്നു ഗീതാഞ്ജലി പ്രതികരിച്ചു. ലോകത്തിലെ പ്രശ്നങ്ങള് പരിഹരിക്കാന് കൂടുതല് ആശയങ്ങള്ക്കായി സ്വപ്നം കാണാന് മറ്റുള്ളവരെ പ്രേരിപ്പിക്കാന് ഈ നേട്ടത്തിനു സാധിക്കുമെന്നാണു പ്രതീക്ഷിക്കുന്നതെന്നു ഗീതാഞ്ജലി പറഞ്ഞു. എല്ലാ പ്രശ്നങ്ങളും പരിഹരിക്കാന് ശ്രമിക്കുന്നതിനു പകരം നമ്മെ ആകര്ഷിക്കുന്ന ഏതെങ്കിലും ഒരു പ്രശ്നത്തില് ശ്രദ്ധയൂന്നുകയാണു വേണ്ടത്.
https://www.facebook.com/Malayalivartha
