യുഎഇയുടെ വിവിധ മേഖലകളില്‍ കനത്ത മൂടല്‍മഞ്ഞ്. വ്യാഴം രാത്രി പതിനൊന്നോടെ തുടങ്ങിയ മഞ്ഞ് ക്രമേണ ശക്തമായി. ഇന്നലെ രാവിലെ പത്തോടെയാണ് അന്തരീക്ഷം തെളിഞ്ഞത്. ഇന്നും നാളെയും മൂടല്‍മഞ്ഞിനു സാധ്യതയുണ്ടെന്നു ദേശീയകാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്‍കി.

അവധി ദിവസങ്ങള്‍ക്കു ശേഷം ഓഫിസുകള്‍ ഇന്നു പുനരാരംഭിക്കുന്നതിനാല്‍ തിരക്കു കണക്കിലെടുത്ത് വാഹനമോടിക്കുന്നവര്‍ ജാഗ്രത പാലിക്കണം. പൊലീസ് നിര്‍ദേശങ്ങള്‍ പാലിക്കണം. ദുബായ് ഷെയ്ഖ് സായിദ് റോഡ്, ദുബായ്അല്‍ ഐന്‍ റോഡ്, ഷെയ്ഖ് മുഹമ്മദ് ബിന്‍ സായിദ് റോഡ്, നസ് വ, ലഹ്ബാബ്, അല്‍ ലിസാലി, ഷാര്‍ജ മദാം, അല്‍ ഫയാഹ്, ദൈദ് എന്നിവിടങ്ങളില്‍ മഞ്ഞ് ശക്തമായിരുന്നു.