പടിഞ്ഞാറന്‍ മെക്‌സിക്കോയില്‍ 43 മയക്കുമരുന്നു കടത്തുകാരെ സുരക്ഷാ സേന വെടിവച്ചു കൊന്നു. മൂന്നു മണിക്കൂറോളം നീണ്ടു നിന്ന വെടിവയ്പില്‍ 36 റൈഫിള്‍, റോക്കറ്റ് ലോഞ്ചര്‍, .50 കാലിബര്‍ റൈഫിള്‍, തിരകള്‍ എന്നിവ പിടിച്ചെടുത്തു. വെടിവയ്പിനിടെ ഒരു പൊലീസുകാരന്‍ കൊല്ലപ്പെട്ടു. മറ്റൊരാള്‍ക്ക് പരുക്കേറ്റു. മയക്കുമരുന്നു സംഘത്തിലെ മൂന്നു പേര്‍ പിടിയിലായിട്ടുണ്ട്. മയക്കുമരുന്നു കടത്തുകാരുടെ കേന്ദ്രമായ മിചോകാന്‍ പ്രവിശ്യയിലാണ് സംഭവം.

ഇവിടേയ്ക്ക് പൊലീസും സൈന്യവും ഇരച്ചുകയറി ആക്രമണം നടത്തുകയായിരുന്നു. ഇവിടെ വന്‍ തോതില്‍ മയക്കുമരുന്ന് കച്ചവടം നടക്കുന്നതായി പൊലീസിന് നേരത്തെ വിവരം ലഭിച്ചിരുന്നു. ഇതേത്തുടര്‍ന്നാണ് പൊലീസിന്റെ സഹായത്തോടെ സൈന്യം റെയ്ഡ് നടത്തിയത്. ലോകത്ത് ഏറ്റവും കൂടുതല്‍ മയക്കുമരുന്ന് ഇടപാടുകള്‍ നടത്തുന്ന രാജ്യമാണ് മെക്‌സിക്കോ. മയക്കു മരുന്ന് സംഘങ്ങള്‍ തമ്മില്‍ നടത്തുന്ന ആക്രണണത്തില്‍ ഓരോ വര്‍ഷവും നൂറുകണക്കിന് ആളുകളാണ് ഇവിടെ കൊല്ലപ്പെടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha