ലോകത്തിലെ ഏറ്റവും വലിയ ഭാഗ്യവാന്... 147 കോടി രൂപ ലോട്ടറിയടിച്ച വിദ്യാര്ത്ഥിയുടെ ഭാവി പ്ലാന്?
താന് എടുത്ത പവര്ബോള് ജാക്ക്പോട്ട് അടിച്ചപ്പോള് സ്വന്തം കണ്ണുകളെ വിശ്വസിക്കാനായില്ലെന്ന് ബ്രിസ്ബെയ്ന് യൂണിവേഴ്സിറ്റി വിദ്യാര്ത്ഥിയായ ഇരുപതുകാരന് പറയുന്നു. തന്റെ പേരോ മറ്റ് വിവരങ്ങളോ പുറത്തറിയുന്നതില് വിദ്യാര്ത്ഥിക്ക് താത്പര്യമില്ല. ലോകത്തിലെ ഏറ്റവും വലിയ ഭാഗ്യവാനായി സസ്പെന്സ് നിലനിര്ത്താനാണ് ഇയാള്ക്ക് താത്പര്യം.
ലോട്ടറി അടിച്ച ഭാഗ്യവാന്മാരെ കുറിച്ചുള്ള വാര്ത്തകള് കാണുമ്ബോള് താനും അവരില് ഒരാളാകുമെന്ന് ആഗ്രഹിച്ചിരുന്നതായി യുവാവ് പറയുന്നു, 'ഭാഗ്യവാന്, അടുത്ത തവണ ഒരുപക്ഷേ ഞനായിരിക്കും' എന്നായിരുന്നു ചിന്തിച്ചത്. എന്നാല് അത് യഥാര്ത്ഥത്തില് സംഭവിച്ചപ്പോള് വിശ്വസിക്കാനായില്ലെന്ന് യുവാവ് പറയുന്നു.
1,47,06,50,000 ഇന്ത്യന് രൂപയാണ് ജാക്ക്പോട്ടിലൂടെ ഇരുപതുകാരന് നേടിയത്. ചെറിയ പ്രായത്തില് ഇത്രയും വലിയ സമ്ബന്നനായതോടെ ഇനി എന്താണ് ഭാവി പരിപാടി എന്ന് ചോദിച്ചാല് ഒരു ചെറുപുഞ്ചിരിയോടെയുള്ള വിദ്യാര്ത്ഥിയുടെ മറുപടി ഇങ്ങനെയാണ്,
'ഇനി ഞാന് ഒരിക്കലും ജോലിക്ക് പോകില്ല'. ഇതാണ് വിദ്യാര്ത്ഥിയുടെ ഭാവിയെ കുറിച്ചുള്ള പ്ലാന്. തന്റെ തീരുമാനത്തിന് പിന്നിലെ കാരണത്തെ കുറിച്ചും യുവാവ് പറയുന്നു, ആളുകള് ആയുസ്സ് മുഴുവന് ജോലിക്ക് വേണ്ടിയാണ് കളയുന്നത്. താന് കുടുംബത്തിനും സുഹൃത്തുക്കള്ക്കും പ്രഥമ പരിഗണന നല്കും. അവരെ സഹായിക്കാനും സന്തോഷിപ്പിക്കാനുമാണ് തന്റെ തീരുമാനമെന്ന് യുവാവ് പറയുന്നു. കോവിഡിനെ തുടര്ന്ന് പലരും കടുത്ത പ്രതിസന്ധിയില് കൂടിയാണ് കടന്നുപോയത്. അവരെ സഹായിക്കുകയാണ് ലക്ഷ്യം. കൂടാതെ, നിലവില് തുടരുന്ന ചാരിറ്റി പ്രവര്ത്തനങ്ങള് കൂടുതല് സജീവമാക്കാനും യുവാവിന് പദ്ധതിയുണ്ട്. കൂടുതല് പണം അതിനു വേണ്ടി ചെലവഴിക്കാനാകുമെന്ന സന്തോഷത്തിലാണ് ഇയാള്. ലോട്ടറി അടിച്ചെന്ന് അറിഞ്ഞപ്പോള് എന്തു ചെയ്യണമെന്ന് അറിയാന് കഴിയാത്ത അവസ്ഥയായിരുന്നു. ഫോണില് ആരെ വിളിച്ച് വിവരം പറയണമെന്ന് പോലും പെട്ടെന്ന് ഓര്ക്കാന് പറ്റിയില്ല. പാതിരാത്രിയാണ് ലോട്ടറി അടിച്ച വിവരം അറിയുന്നത്. കുടുംബത്തെ വിളിച്ചെങ്കിലും എല്ലാവരും ഉറക്കത്തിലായിരുന്നു. അതിനാല് നേരം പുലരുന്നത് വരെ കാത്തിരിക്കേണ്ടി വന്നു. ലോട്ടറി അടിച്ച രാത്രി സന്തോഷം കാരണം ഉറങ്ങാന് പോലും സാധിച്ചിരുന്നില്ല.
https://www.facebook.com/Malayalivartha