വിമാന സര്വീസുകള് റദ്ദാക്കി കേന്ദ്ര സര്ക്കാര്; ബ്രിട്ടണില് നിന്നുള്ള വിമാന സര്വീസുകള് അടിയന്തരമായി റദ്ദാക്കി ഇന്ത്യ, അനാവശ്യമായി ഭയപ്പെടേണ്ട ആവശ്യമില്ലെന്ന് കേന്ദ്ര ആഭ്യന്തര മന്ത്രി ഹര്ഷവര്ധന്
കൊറോണ വൈറസിന്റെ ജനിതകമാറ്റം സംഭവിച്ച പുതിയ സ്ട്രെയ്ന് യൂറോപ്യന് രാജ്യങ്ങളില് വ്യാപകമായി പടരുന്നതിനെ തുടര്ന്ന് ബ്രിട്ടണില് നിന്നുള്ള വിമാന സര്വീസുകള് അടിയന്തരമായി റദ്ദാക്കി കേന്ദ്ര സര്ക്കാര്. രോഗവ്യാപനം തടയുന്നതിനായി എത്രയും വേഗം സര്വീസുകള് റദ്ദാക്കണമെന്നാവശ്യപ്പെട്ട് ദല്ഹി മുഖ്യമന്ത്രി അരവിന്ദ് കെജ് രിവാള് ഉള്പ്പെടെയുള്ളവര് രംഗത്തെത്തിയതിനു പിന്നാലെയാണ് കേന്ദ്രം ഇത്തരത്തിൽ തീരുമാനം കൈകൊണ്ടത്.
പുതിയ കൊറോണ വൈറസിനെ പ്രതിരോധിക്കാനുള്ള എല്ലാ നടപടികളും കേന്ദ്രം സ്വീകരിച്ചിട്ടുണ്ടെന്നും അനാവശ്യമായി ഭയപ്പെടേണ്ട ആവശ്യമില്ലെന്നും കേന്ദ്ര ആഭ്യന്തര മന്ത്രി ഹര്ഷവര്ധന് അറിയിക്കുകയുണ്ടായി. വൈറസ് വ്യാപനം നിയന്ത്രണാതീതമാണെന്ന വിലയിരുത്തലിനെ തുടര്ന്ന് ബ്രിട്ടനിലേക്കുള്ള വിമാന സര്വ്വീസുകള് യൂറോപ്യന് രാജ്യങ്ങള് ഇതിനോടകം തന്നെ നിര്ത്തിവെച്ചിരുന്നു.
അതോടൊപ്പം തന്നെ ബ്രിട്ടനില് അതിവേഗം പടരുന്ന പുതിയ വൈറസ് ഉണ്ടെന്ന് കഴിഞ്ഞദിവസമാണ് ചീഫ് മെഡിക്കല് ഓഫിസര് ക്രിസ് വിറ്റി സ്ഥിരീകരിച്ചത്. കണ്ടെത്തലുകള് ലോകാരോഗ്യ സംഘടനയെ അറിയിക്കുകയും ചെയ്തു. യു.കെയില് നിന്നുള്ള എല്ലാ പാസഞ്ചര് വിമാനങ്ങള്ക്കും ഞായറാഴ്ച മുതല് നെതര്ലാന്ഡ് നിരോധനം ഏര്പ്പെടുത്തിയതായാണ് റിപ്പോര്ട്ട് ലഭ്യമാകുന്നത്. ജനുവരി 1 വരെയാണു നെതര്ലന്ഡ് വിമാന നിരോധനം ഏർപ്പെടുത്തിയിട്ടുള്ളത്. ബ്രിട്ടനില്നിന്നുള്ള വിമാന, ട്രെയിന് സര്വീസുകള് അര്ധരാത്രി മുതല് നിര്ത്തിവയ്ക്കുമെന്ന് അയല്രാജ്യമായ ബെല്ജിയം അറിയിക്കുകയുണ്ടായി..
https://www.facebook.com/Malayalivartha
