സൂയസ് കനാലിന് കുറുകെ കുടുങ്ങിക്കിടന്ന ഭീമന്‍ ചരക്കുകപ്പല്‍ എവര്‍ ഗിവണ്‍ നീക്കാനുള്ള ആറു ദിവസത്തെ കഠിന പ്രയത്‌നത്തിന് ഫലം കണ്ടു. ഇന്നലെ ഉച്ചയ്ക്ക് മൂന്നോടെ തടസങ്ങളെല്ലാം നീക്കി കപ്പല്‍ യാത്ര തുടങ്ങി. 1.5 നോട്ടിക്കല്‍ മൈല്‍ വേഗത്തിലാണ് നെതര്‍ലാന്റിലേക്ക് നീങ്ങുന്നത്.

ചൈനയില്‍ നിന്നു പുറപ്പെട്ട കപ്പലിലെ 25 ക്രൂ അംഗങ്ങളും ഇന്ത്യക്കാരാണ്. കനാലിലൂടെയുള്ള ഗതാഗതം പുനഃസ്ഥാപിച്ചു. ചരിത്രത്തിലെ ഏറ്റവും വലിയ രക്ഷാപ്രവര്‍ത്തനങ്ങളിലൊന്നായിരുന്നു ഇത്.

മാര്‍ച്ച് 23ന് കനാലിനു കുറുകേ, കിഴക്കന്‍ തീരത്തെ മണല്‍ത്തിട്ടയില്‍ ഇടിച്ചുകയറിയ കപ്പല്‍ ഇന്നലെ പ്രാദേശിക സമയം പുലര്‍ച്ചെ 4.30നാണ് അനങ്ങി തുടങ്ങിയത്.

സൂയസ് കനാല്‍ അതോറിട്ടിയും ഡച്ച് സ്ഥാപനമായ സ്മിത് സാവേജും സംയുക്തമായാണ് കപ്പല്‍ നീക്കാനുള്ള ദൗത്യം ഏറ്റെടുത്തത്. കനാലിലൂടെയുള്ള കപ്പല്‍ യാത്ര പതിവുപോലാകാന്‍ രണ്ടുദിവസം വേണ്ടിവന്നേക്കും.

പ്രതിദിനം 100 കപ്പലുകള്‍ക്ക് കനാലിലൂടെ കടന്നുപോകാം.രക്ഷാ പ്രവര്‍ത്തനം കപ്പലിന് ഇരുവശവും ഡ്രഡ്ജിംഗ് നടത്തി ആഴംകൂട്ടി 60 അടി താഴ്ചയില്‍ 30,000 ക്യു. അടി മണല്‍ മാറ്റി 20000 കണ്ടെയ്നറുകളില്‍ 18000 എണ്ണം മാറ്റി കപ്പലിന്റെ ഭാരം കുറച്ചു. 14 ടഗ് ബോട്ടുകള്‍ ഉപയോഗിച്ച് വലിച്ചു നീക്കി.

രക്ഷാദൗത്യം നീളാന്‍ കാരണം അടിത്തട്ടിലെ പാറ വേലിയേറ്റവേളയില്‍ കപ്പല്‍ ചലിപ്പിക്കാന്‍ നടത്തിയ ശ്രമം പരാജയപ്പെട്ടിരുന്നു. 400 മീറ്റര്‍ നീളവും 59 മീറ്റര്‍ വീതിയുമുള്ളതാണ് തായ്വാന്‍ കമ്പനിയുടെ എവര്‍ ഗിവണ്‍ എന്ന കൂറ്റന്‍ ചരക്കു കപ്പല്‍.

369 കപ്പലുകള്‍ കുടുങ്ങി ഏഷ്യയില്‍ നിന്ന് യൂറോപ്പിലേക്കും വടക്കേ അമേരിക്കയിലേക്കും തിരിച്ചുമുള്ള കപ്പല്‍ പാതയിലൂടെ കടന്നുപോകാന്‍ കാത്തുകിടക്കുന്നത് 369 കപ്പലുകള്‍. എല്‍.എന്‍.ജി, എല്‍.പി.ജി ഉത്പന്നങ്ങള്‍, വസ്ത്രം, ഫര്‍ണിച്ചര്‍, നിര്‍മാണ സാമഗ്രികള്‍ തുടങ്ങിയവയാണ് കപ്പലുകളില്‍.