സൂയസ് കനാലിന് കുറുകെ ദിവസങ്ങളോളം കുടുങ്ങിക്കിടന്ന ഭീമൻ കപ്പൽ എവർ ഗിവണിലെ ഇന്ത്യക്കാരായ ജീവനക്കാർക്ക് അഭിന്ദന പ്രവാഹം ഒഴുകുന്നു. രക്ഷാപ്രവർത്തനത്തിന് നേതൃത്വം നൽകിയ ഡച്ച് സ്ഥാപനമായ സ്മിത്ത് സാവേജും കപ്പലിന്റെ ഉടമസ്ഥാവകാശമുള്ള കമ്പനിയും ജീവനക്കാരുടെ പ്രവൃത്തിയെ പുകഴ്ത്തിയിട്ടുണ്ട്.

ചൈ​ന​യി​ൽ​ ​നി​ന്നു​ ​പു​റ​പ്പെ​ട്ട​ ​ക​പ്പ​ലി​ലെ​ 25​ ​ക്രൂ​ ​അം​ഗ​ങ്ങ​ളും​ ​ഇ​ന്ത്യ​ക്കാ​രാ​ണ്. ഇവർ രക്ഷാപ്രവർത്തനങ്ങൾക്ക് പരമാവധി സഹകരിച്ചുവെന്നാണ് കപ്പലി​ന്റെ സാങ്കേതിക മാനേജ്മെന്റ് വിഭാഗത്തിന്റെ ചുമതലയുള്ള ബെർണാഡ് ഷുൾട്ട് ഷിപ്പ് മാനേജ്മെന്റ് (ബി എസ് എം) പറയുന്നത്.

ഇന്ത്യക്കാരായ ജീവനക്കാർ ഇപ്പോഴും കപ്പലി​ൽ തന്നെ തുടരുകയാണെന്നും ബി എസ് എം വ്യക്തമാക്കി​. 'ജീവനക്കാർ സുരക്ഷി​തരും ആരോഗ്യവാന്മാരുമാണ്. കപ്പൽ നീക്കാനുള്ള ശ്രമങ്ങൾക്ക് അവർ കഴി​വി​ന്റെ പരമാവധി കാര്യങ്ങൾ ചെയ്തു.

അവരുടെ അശ്രാന്തമായ കഠിനാദ്ധ്വാനവും പ്രൊഫഷണലിസവും വളരെയധികം വിലമതിക്കപ്പെടുന്നു. ഇത് ലോകത്തിന് തന്നെ മാതൃകയാണ്'- എന്നും ബി എസ് എം വ്യക്തമാക്കി.

ഒരു ഭാഗത്ത് അഭിന്ദന പ്രവാഹമാണെങ്കിൽ മറുഭാഗത്ത് ആശങ്കയും അവരെ വേട്ടയാടുന്നുണ്ട്. കപ്പലിലെ ജീവനക്കാർക്കെതിരെ സൂയസ് കനാൽ അതോറിറ്റി നടപടിയെടുക്കുമോ എന്നതാണ് ആശങ്കയ്ക്ക് കാരണം. ജീവനക്കാർക്കെതിരെ ക്രിമിനൽ കുറ്റം അടക്കം ചുമത്താൻ സാദ്ധ്യതയുണ്ടെന്നാണ് വരുന്ന റിപ്പോർട്ട്.

കപ്പലിന്റെ ക്യാപ്റ്റനും ചില ജീവനക്കാർക്കും യാത്രാനിയന്ത്രണം ഏർപ്പെടുത്തിയേക്കുമെന്നും സംഭവത്തിൽ അന്വേഷണം പൂർത്തിയാകുന്നതുവരെ ജീവനക്കാരെ വീട്ടുതടങ്കലിലാക്കിയേക്കുമെന്നും ചില റിപ്പോർട്ടുകൾ സൂചിപ്പിക്കുന്നു.

കപ്പൽ എങ്ങനെയാണ് കനാലിൽ കുടുങ്ങിയെന്നത് സംബന്ധിച്ച് അന്വേഷണവും ഉടൻ തുട‌ങ്ങും. ഇതിനായി ഡാറ്റാ റെക്കോർഡ്സ് അടക്കം പരിശോധിക്കുമെന്നാണ് റിപ്പോർട്ടുകൾ വരുന്നത്.

ലോ​ക​വ്യാ​പ​ക​മാ​യി​ ​ച​ര​ക്കു​നീ​ക്കം​ ​പ്ര​തി​സ​ന്ധി​യി​ലാ​ക്കി ​കു​റു​കെ​ ​കു​ടു​ങ്ങി​ക്കി​ട​ന്ന​ ​ ​എ​വ​‌​ർ​ ​ഗി​വ​ണി​നെ ​​ആ​റു​ ​ദി​വ​സ​ത്തെ​ കഠിന ​ പ്രയത്നത്തിലൊടുവിലായിരുന്നു ഇന്നലെ കപ്പൽ ചലി​പ്പി​ച്ചു തുടങ്ങി​യത്.

മാ​ർ​ച്ച് 23 ​നാണ് ​ക​നാ​ലി​നു​ ​കു​റു​കേ,​ ​കി​ഴ​ക്ക​ൻ​ ​തീ​ര​ത്തെ​ ​മ​ണ​ൽ​ത്തി​ട്ട​യി​ൽ​ ​കപ്പൽ ഇ​ടി​ച്ചു​ ക​യ​റി​യയത്. ​​

​ഇന്നലെ ഉ​ച്ച​യ്ക്ക് ​മൂ​ന്നോ​ടെയാണ് ​ ​ത​ട​സ​ങ്ങ​ളെ​ല്ലാം​ ​നീ​ക്കി​ ​ക​പ്പ​ൽ​ ​യാ​ത്ര​ ​തു​ട​ങ്ങിയത്.​ക​നാ​ലി​ലൂ​ടെ​യു​ള്ള​ ​ഗ​താ​ഗ​തം​ ​പു​നഃ​സ്ഥാ​പി​ച്ചു.​ ​ച​രി​ത്ര​ത്തി​ലെ​ ​ഏ​റ്റ​വും​ ​വ​ലി​യ​ ​ര​ക്ഷാ​പ്ര​വ​ർ​ത്ത​ന​ങ്ങ​ളി​ലൊ​ന്നാ​യി​രു​ന്നു​ ​ഇ​ത്. പൂർണപരി​ശോധനയ്ക്ക് ശേഷമായി​രി​ക്കും കപ്പലി​ന്റെ തുടർയാത്ര എന്നാണ് റിപ്പോർട്ട്.