കോവിഡ് ആദ്യമായി റിപ്പോർട്ട് ചെയ്തത് ചൈനയിലെ വുഹാനിലാണ്​. ഒന്നര വര്‍ഷത്തിന്​ മേല്‍ ഇപ്പോഴും ലോകത്തിന്‍െറ പല ഭാഗങ്ങളും കോവിഡ് മഹാമാരിയെ തുടര്‍ന്ന്​ അടച്ചിട്ടിരിക്കുകയാണ്​. ലോക രാജ്യങ്ങള്‍ ബിസിനസ് മേഖലകള്‍ ഭൂരിഭാഗവും പൂട്ടിയിട്ട സാഹചര്യത്തില്‍ ​വുഹാനിലുള്ളവര്‍ ഇപ്പോള്‍ അതെല്ലാം മറന്ന് ജീവിക്കുകയാണ് . കഴിഞ്ഞദിവസം വുഹാന്‍ യൂനിവേഴ്​സിറ്റിയില്‍ നടന്ന ബിരുദാദന ചടങ്ങില്‍ പ​ങ്കെടുത്തത്​ 9000 വിദ്യാര്‍ഥികളാണ്​.

പതിവുപോലെ ഗൗണ്‍ ധരിച്ചാണ്​ ചടങ്ങില്‍ വിദ്യാര്‍ഥികള്‍ അണിനിരന്നത്​. ഒരാള്‍ പോലും മാസ്​ക്​ ധരിക്കുകയോ സാമൂഹിക അകലം പാലിക്കുകയോ ചെയ്​തിട്ടില്ല. കഴിഞ്ഞ വര്‍ഷം ബിരുദദാന ചടങ്ങില്‍ പങ്കെടുക്കാന്‍ കഴിയാത്ത 2200 പേരും ഇത്തവണ ചടങ്ങില്‍ അണിനിരന്നു.ഇവര്‍ അണിനിരന്ന ഗ്രൗണ്ടില്‍ വലിയൊരു ബാനറുമുണ്ട്​.

‘2020ലെ ബിരുദധാരികളെ നാട്ടിലേക്ക് സ്വാഗതം ചെയ്യുന്നു. നിങ്ങള്‍ക്കെല്ലാവര്‍ക്കും മികച്ച ഭാവി നേരുന്നു. സമുദ്രത്തിന്​ അതിരുകളില്ല, മത്സ്യങ്ങള്‍ക്ക്​ കുതിക്കാന്‍’ എന്നാണ്​​ ആ ബാനറിലെ വാചകങ്ങള്‍.

രാജ്യത്ത് ഹുബെ പ്രവിശ്യയുടെ തലസ്ഥാനമായ വുഹാനില്‍ 2019 അവസാനത്തിലാണ് കോവിഡ്​ കേസുകള്‍ ആദ്യം റിപ്പോര്‍ട്ട്​ ചെയ്യുന്നത്​. തുടര്‍ന്ന്​ 76 ദിവസം അടച്ചതിനുശേഷം നഗരം വീണ്ടും തുറന്നു .ഏപ്രില്‍ വരെ കര്‍ശന നിയന്ത്രണങ്ങള്‍ തുടര്‍ന്നു. വിദ്യാഭ്യാസ സ്​ഥാപനങ്ങള്‍ പിന്നെയും അടച്ചിട്ടു.

അതെ സമയം കഴിഞ്ഞ വര്‍ഷം ഇവിടെ നിയന്ത്രണങ്ങളോടെയാണ് ​ ബിരുദദാന ചടങ്ങുകള്‍ നടന്നത്​. 2020 ജൂണില്‍ വുഹാന്‍ യൂനിവേഴ്​സിറ്റിയുടെ ബിരുദദാന ചടങ്ങ്​ ഓണ്‍ലൈന്‍ വഴിയായിരുന്നു.

കടുത്ത നിയന്ത്രണങ്ങളെ തുടര്‍ന്നും വാക്​സിനേഷന്‍ ഡ്രൈവുകള്‍ വഴിയും ചൈന ഇപ്പോള്‍ കോവിഡ് മഹാമാരിയെ പിടിച്ചുകെട്ടിയിട്ടുണ്ട്​.