താരാരാധനയെ സൂക്ഷിക്കാം... താരാരാധന അമിതമാകുന്നവര്ക്ക് ബുദ്ധി കുറവായിരിക്കുമെന്നാണ് പുതിയ കണ്ടെത്തല്
സിനിമ, പാട്ട്, കായിക ഇനങ്ങള് എന്നുവേണ്ട ഫേമസ് ആയ ആളുകളെ റോള്മോഡല് ആക്കി അമിതമായി ആരാധിക്കുന്നവരാണ് മിക്കവരും. എന്നാല് അമിതമായി ഇത്തരത്തിലുള്ള താരാരാധനന ദോഷം ചെയ്യുമെന്നാണ് പഠനങ്ങള് പറയുന്നത്. താരാരാധന അമിതമാകുന്നവര്ക്ക് ബുദ്ധി കുറവായിരിക്കുമെന്നാണ് പഠനത്തിലെ കണ്ടെത്തല്.
ബി എം സി എന്ന ആനുകാലിക പ്രസിദ്ധീകരണത്തിലെ ഹംഗേറിയന് പഠനത്തിലാണ് ഇത്തരമൊരു വെളിപ്പെടുത്തല് നടത്തിയിരിക്കുന്നത്. ലിന് ഇ മെക്കട്ടിച്ചിയോണ്, ആഗ്നസ് സില, സോള്ട്ട് ഡെമെട്രോവിക്സ് എന്നിവര് ചേര്ന്ന് 1763 ഹംഗേറിയന് പൗരന്മാരിലാണ് പഠനം നടത്തിയത്. ഡിജിറ്റ് സിംബോളൈസേഷന് ടെസ്റ്റ്, ചോദ്യാവലി, വൊക്കാബുലറി ടെസ്റ്റ് എന്നിവയിലൂടെയാണ് നിഗമനത്തില് എത്തിച്ചേര്ന്നത്.
സെലിബ്രിറ്റ് ആറ്റിറ്റിയൂഡ് സ്കെയില് ചോദ്യാവലിയിലൂടെ ഒരാളുടെ ആരാധന എത്രത്തോളമുണ്ട് എന്ന് അളക്കാന് സാധിക്കും. പഠനത്തില് പങ്കെടുത്തവരുടെ വിദ്യാഭ്യാസ നിലവാരം, കുടുംബവരുമാനം, സമ്പാദ്യം എന്നിവയെക്കുറിച്ചും ഗവേഷകര് വിവരങ്ങള് ശേഖരിച്ചിരുന്നു.
അമിതമായ ആരാധനയുള്ളവര് ബുദ്ധി അളക്കുന്ന പരീക്ഷകളില് മോശം പ്രകടനമാണ് കാഴ്ചവച്ചത്. എന്നാല് മിതമായ രീതിയില് ആരാധനയുള്ളവര് മികച്ച പ്രകടനം കാഴ്ചവയ്ക്കുകയും ചെയ്തു. ആരാധന കൂടിയവരില് ചിന്താശേഷി കൂടുതലായിരിക്കുമെന്നും പഠനത്തില് കണ്ടെത്തി. ഇഷ്ടപ്പെട്ടവരെ ആരാധിക്കുന്നതില് തെറ്റില്ല എന്നാല് ഇത് അമിതമാകുന്നത് അപകടങ്ങള് ക്ഷണിച്ചുവരുത്തുമെന്നും ഗവേഷകര് ചൂണ്ടിക്കാട്ടി.
https://www.facebook.com/Malayalivartha
