ആകാംക്ഷയോടെ..... രാജ്യത്തിന്റെ ചരിത്രത്തിലാദ്യമായി അവിശ്വാസ വോട്ടെടുപ്പിലൂടെ പ്രധാനമന്ത്രിയ പുറത്താക്കിയ പാകിസ്ഥാനില് പുതിയ ഭരണത്തലവനെ ഇന്നറിയാം.... വിദേശ ശക്തികളുടെ നേതൃത്വത്തില് ഇറക്കുമതി സര്ക്കാരിനെ കൊണ്ടു വരാനായി തന്നെ താഴെയിറക്കുകയായിരുന്നെന്നും ഇത് പാക് ജനതയുടെ മുഖത്തടിക്കുന്നതിന് തുല്യമാണെന്നും അനീതിയ്ക്കെതിരെ വരും ദിവസങ്ങളില് പ്രതിഷേധം തെരുവില് കാണാമെന്നും ഇംറാന്
ആകാംക്ഷയോടെ..... രാജ്യത്തിന്റെ ചരിത്രത്തിലാദ്യമായി അവിശ്വാസ വോട്ടെടുപ്പിലൂടെ പ്രധാനമന്ത്രിയ പുറത്താക്കിയ പാകിസ്ഥാനില് പുതിയ ഭരണത്തലവനെ ഇന്നറിയാം....
. പാകിസ്താന് മുസ്ലിം ലീഗ് (നവാസ്) പാര്ട്ടി അധ്യക്ഷന് ഷഹബാസ് ഷരീഫ് (70), ഇമ്രാന് ഖാന്റെ പാകിസ്താന് തെഹരീക് ഇ ഇന്സാഫിലെ മെഹമൂദ് ഖുറേഷി (31) എന്നിവരാണ് മത്സരത്തിലുള്ളത്.
അവിശ്വാസ വോട്ടെടുപ്പില് പരാജയപ്പെട്ട് പ്രധാനമന്ത്രി ഇമ്രാന് ഖാന് പുറത്തായതോടെയാണ് രാജ്യം പുതിയ പ്രധാനമന്ത്രിയെ തെരഞ്ഞെടുക്കുന്നത്. ഇന്ത്യന് സമയം ഉച്ചയ്ക്ക് 2.30-നാണ് ദേശീയ സഭയില് വോട്ടെടുപ്പ് നടക്കുക. വിജയസാധ്യത കൂടുതല് ഷഹബാസ് ഷരീഫിനാണ്. പാകിസ്താന് പീപ്പിള്സ് പാര്ട്ടിയുള്പ്പെടെ ഇമ്രാനെ എതിര്ത്ത എല്ലാ കക്ഷികളുടെയും സംയുക്ത സ്ഥാനാര്ഥിയാണ് അദ്ദേഹം. മെഹമൂദ് ഖുറേഷി ഇമ്രാന് ഖാന് മന്ത്രിസഭയില് വിദേശകാര്യമന്ത്രിയായിരുന്നു .
ഇന്നലെ ഉച്ചയ്ക്ക് രണ്ടരവരെയായിരുന്നു പത്രിക സമര്പ്പിക്കാനുള്ള സമയം. ഷഹബാസ് ഷരീഫിന്റെ പത്രിക തള്ളണമെന്ന് പി.ടി.ഐ. ആവശ്യപ്പെട്ടെങ്കിലും ദേശീയസഭ സെക്രട്ടേറിയറ്റ് അംഗീകരിച്ചില്ല. ഇതില് പ്രതിഷേധിച്ച് തിങ്കളാഴ്ച ദേശീയസഭയില്നിന്ന് പി.ടി.ഐ. അംഗങ്ങള് കൂട്ടരാജിവെക്കുമെന്ന് മുന് വിവരവിനിമയ മന്ത്രിയും പി.ടി.ഐ. നേതാവുമായ ഫവാദ് ചൗധരി.
വിദേശശക്തികളുടെ പാവയാണ് ഷഹബാസ് ഷരീഫെന്നും 1400 കോടിരൂപയുടെ തട്ടിപ്പുകേസില് ഫെഡറല് ഇന്വെസ്റ്റിഗേഷന് ഏജന്സി ഇദ്ദേഹത്തിനെതിരേ അന്വേഷണം നടത്തുന്നുണ്ടെന്നും ഫവാദ് ചൗധരി ആരോപിക്കുകയുണ്ടായി. പ്രതിഷേധസൂചകമായാണ് പി.ടി.ഐ. പ്രധാനമന്ത്രി തിരഞ്ഞെടുപ്പില് മത്സരിക്കുന്നത്.
ഭരണഘടനക്കൊപ്പം നിന്ന എല്ലാവര്ക്കും പ്രത്യേക നന്ദി പറയുന്നതായി ഷഹ്ബാസ് പ്രതികരിച്ചു. അതേസമയം പാകിസ്താന് പീപ്പിള്സ് പാര്ട്ടി അധ്യക്ഷന് ബിലാവല് ഭൂട്ടോ വിദേശകാര്യ മന്ത്രിയായേക്കുമെന്നാണ് സൂചന. മുന് സര്ക്കാരിന്റെ വിദേശനയങ്ങള് ഏറെ ചോദ്യം ചെയ്യപ്പെട്ടിട്ടുണ്ട്.
അവിശ്വാസപ്രമേയത്തില് ഇമ്രാന് സര്ക്കാരിനെതിരേ പ്രതിപക്ഷം ഉന്നയിച്ച പ്രധാന ആരോപണം നിരുത്തരവാദപരമായ വിദേശനയമാണ്. പുരോഗമനവാദികളും മൗലികവാദികളും അടങ്ങുന്ന വിവിധ കക്ഷികളാണ് ഇമ്രാനെതിരായി രൂപംകൊണ്ട പ്രതിപക്ഷനിരയിലുള്ളതെങ്കിലും എത്രകാലം ഈ ഐക്യം നിലനിര്ത്താന് കഴിയുമെന്നതാണ് പാകിസ്താന് രാഷ്ട്രീയത്തിന്റെ ഗതി നിശ്ചയിക്കുക.
അതേസമയം വിദേശ ശക്തികളുടെ നേതൃത്വത്തില് ഇറക്കുമതി സര്ക്കാരിനെ കൊണ്ടു വരാനായി തന്നെ താഴെയിറക്കുകയായിരുന്നെന്നും ഇത് പാക് ജനതയുടെ മുഖത്തടിക്കുന്നതിന് തുല്യമാണെന്നും അനീതിയ്ക്കെതിരെ വരും ദിവസങ്ങളില് പ്രതിഷേധം തെരുവില് കാണാമെന്നും ഇംറാന്.
"
https://www.facebook.com/Malayalivartha
