വടിവച്ചിട്ടും തകര്ന്നില്ല; യുഎസ് പടക്കപ്പലിനെ വിറപ്പിച്ച് അജ്ഞാത ആയുധം; ചൈനയോ അതോ റഷ്യയോ; അമേരിക്കയുടെ കിഴക്കന് തീരത്ത് അസാധാരണ സംഭവം
നിമിറ്റ്സ് എന്കൗണ്ടര് എന്ന പ്രശസ്ത (2019) ഡോക്യുമെന്റെറി സംവിധായകന് ഡേവ് സി. ബീറ്റ് ലോകത്തെ തന്നെ ഞെട്ടിക്കുന്ന ചില വെളിപ്പെടുത്തലുകള് നടത്തുതയാണ്. യുഎസ് നേവി ഉദ്യോഗസ്ഥരെ ഉദ്ദരിച്ചുകൊണ്ടാണ് ഈ വെളിപ്പെടുത്തല്. കാറിന്റെ വലുപ്പമുള്ള രണ്ട് അജ്ഞാതപേടകങ്ങള് തങ്ങളുടെ പടക്കപ്പലിനെ പിന്തുടര്ന്നെന്നായിരുന്നു യുഎസ് നേവി ഉദ്യോഗസ്ഥനാണ് ഇക്കാര്യം റിപ്പോര്ട്ട് ചെയ്തത്. യുഎസ്എസ് കീര്സാജ് എന്ന പടക്കപ്പലിലെ നാവിക സേനാ ഉദ്യോഗസ്ഥര്. രണ്ടു പ്രകാശഗോളങ്ങള് പോലെയുള്ള പേടകങ്ങളാണു കപ്പലിനെ പിന്തുടര്ന്നതായി വെളിപ്പെടുത്തുന്നു. ഇവ അന്യഗ്രഹപേടകങ്ങളാണെന്നാണു പ്രബലമായി പ്രചരിക്കുന്ന അഭ്യൂഹമെങ്കിലും ശത്രുരാജ്യങ്ങളുടെ ഇടപെടലും സംശയിക്കുന്നുണ്ട്.
40500 ടണ് ഭാരമുള്ള അസോള്ട്ട് ശ്രേണിയില് ഉള്പ്പെടുന്ന യുഎസ്എസ് കീര്സാജ് അമേരിക്കയുടെ കിഴക്കന് തീരപ്രദേശ മേഖലയില് പരിശീലനത്തിന്റെ ഭാഗമായാണു കഴിഞ്ഞ നവംബറില് റോന്തുചുറ്റിയത്. ദിവസങ്ങളോളം യുഎഫ്ഒകള് കപ്പലിനെ പിന്തുടര്ന്നത്രേ. യുഎസിന്റെ വിഖ്യാത വിമാന വാഹിനിക്കപ്പലായ യുഎസ്എസ് നിമിറ്റ്സിലുള്ള ലഫ്. കമാന്ഡര് അലക്സ് ഡീട്രിച്ച്, കമാന്ഡര് ഡേവിഡ് ഫ്രേവര് എന്നിവര് വായുവില് പറക്കുന്ന വെളുത്ത നിറത്തിലുള്ള ഒരു അജ്ഞാത വസ്തുവിനെ കണ്ടത്രേ. ടിക് ടാക് മിഠായിയെ അനുസ്മരിപ്പിച്ച രൂപവും നിറവുമുള്ള ആ യുഎഫ്ഒയെ ടിക് ടാക് യുഎഫ്ഒ എന്നു പിന്നീട് വിളിച്ചു. യുഎസ് നേവിയുമായി ബന്ധപ്പെട്ടുള്ള ഏറ്റവും പ്രശസ്തമായ അജ്ഞാത പേടക ദര്ശനമായിരുന്നു ഇത്. ഇതിന്റെ വിഡിയോ ദൃശ്യങ്ങളും പിന്നീട് പ്രചരിച്ചിരുന്നു. ഇതെക്കുറിച്ചുള്ള വിഡിയോ നാവിക സേന സ്ഥിരീകരിക്കുകയും ഇതിന്റെ റിപ്പോര്ട്ട് യുഎസ് കോണ്ഗ്രസിനു സമര്പ്പിക്കുകയും ചെയ്തിരുന്നു. എന്താണ് ഇതിനു വഴി വച്ചതെന്ന് പിന്നീട് നിരവധി അന്വേഷണങ്ങള് നടന്നിരുന്നെങ്കിലും ഒന്നും കണ്ടെത്താനായിരുന്നില്ല.
ഏതാണ് ഈ പേടകങ്ങള് എന്നുള്ള കാര്യത്തില് ഇനിയും സ്ഥിരീകരണമില്ലെന്ന് ഡേവിഡ് ബീറ്റി പറയുന്നു. ഇവ ചിലപ്പോള് യുഎസിന്റെ ശത്രുരാജ്യങ്ങളുടെ ഏതെങ്കിലും തരത്തിലുള്ള നവീന പേടകങ്ങളാകാം. ചിലപ്പോള് അന്യഗ്രഹ പേടകങ്ങളുമാകാം. ഡേവ് സി ബീറ്റിയോട് യുഎസ്എസ് കീര്സാജിലുള്ള മാര്ക്ക് എന്ന നാവികസേനാ ഉദ്യോഗസ്ഥനാണ് തങ്ങള് നേരിട്ട യുഎഫ്ഒ ഇടപെടലിന്റെ വിവരങ്ങള് കൈമാറിയത്. അജ്ഞാത പേടകങ്ങള് കണ്ട കീര്സാജിലെ സൈനികര് ഡ്രോണ് വേധ പരിശീലനത്തിന്റെ ഭാഗമായി ഒരുക്കിയ ലക്ഷ്യങ്ങളാകും ഇവയെന്നാണ് ആദ്യം കരുതിയത്. ഡ്രോണ് വേധ ആയുധങ്ങള് ഉപയോഗിച്ച് അവര് പ്രകാശഗോളങ്ങള്ക്കു നേരെ ആക്രമണം നടത്തുകയും ചെയ്തു. എന്നാല് ആക്രമണങ്ങളൊന്നും ഏറ്റില്ലെന്നും പ്രകാശ ഗോള രൂപത്തിലുള്ള പേടകങ്ങള് തങ്ങളെ വീണ്ടും പിന്തുടര്ന്നെന്നും നാവികര് പറയുന്നു. വളരെ അവിശ്വസനീയമായ രീതിയിലുള്ള ചലനങ്ങളും ഇവ നടത്തിയത് നാവികരെ അമ്പരപ്പിച്ചു.
ഇക്കാര്യത്തില് തുറന്ന അന്വേഷണം വേണമെന്നാണു ബീറ്റിയുടെ നിലപാട്. അടുത്തിടെയായി യുഎഫ്ഒകളുമായി ബന്ധപ്പെട്ടുള്ള അഭ്യൂഹങ്ങള് യുഎസില് ചൂട് പിടിച്ചിരിക്കുകയാണ്. കഴിഞ്ഞവര്ഷം മുതല് ഇതുമായി ബന്ധപ്പെട്ടുള്ള നിരവധി റിപ്പോര്ട്ടുകള് പുറത്തിറങ്ങുന്നുണ്ട്. കഴിഞ്ഞ ദിവസം 1500 പേജുള്ള ഒരു യുഎഫ്ഒ റിപ്പോര്ട്ട് യുഎസ് ഭരണകൂടം പുറത്തിറക്കിയത് വലിയ ചര്ച്ചകള്ക്കു വഴിവച്ചിരുന്നു.
https://www.facebook.com/Malayalivartha