ഇസ്രയേലില്‍ ചൈനയ്ക്ക് വന്‍ തിരിച്ചടി. നയതന്ത്ര സൗഹൃദം മുതലാക്കി ചൈന നടത്തുന്നത് ചാരപ്രവര്‍ത്തനമെന്ന് സംശയവുമായി ഇസ്രയേല്‍. ടെല്‍ അവീവിലെ ചൈനീസ് എംബസി ഉദ്യോഗസ്ഥര്‍ ഇസ്രയേല്‍ വിദേശകാര്യവകുപ്പിനും വിവിധ രാജ്യങ്ങളിലെ ഉദ്യോഗസ്ഥര്‍ക്കും സമ്മാനിച്ച ചായ കപ്പുകളിലാണ് ചാരപ്രവര്‍ത്തനം സംശയം ജനിപ്പിക്കുന്നത്. രഹസ്യമായി ചിപ്പുകളും മൈക്കുകളും ചായക്കപ്പിനകത്ത് ഒളിപ്പിച്ചിട്ടുണ്ടെന്ന സംശയമാണ് ഉടലെടുത്തിട്ടുള്ളത്.

ഇതോടെ ചൈനീസ് എംബസിയുടെ നീക്കത്തിനെതിരെ അന്വേഷണം ആരംഭിച്ചെന്നും ഇസ്രായേല്‍ അറിയിച്ചു. ഒരു കപ്പില്‍ നിന്നും ഒരു ഉപകരണം കണ്ടെത്തിയെന്ന വിവരം ഗതാഗതവകുപ്പ് മന്ത്രി മെറേവ് മിഷേലാണ് ആദ്യം പുറത്തുവിട്ടത്. ഇസ്രയേലിന്റെ സൈനിക വിഭാഗത്തിലെ ഉദ്യോഗസ്ഥനാണ് ചൈന നല്‍കിയ ചായകപ്പുകള്‍ പരിശോധിക്കണമെന്ന ആവശ്യം പ്രകടിപ്പിച്ചിരിക്കുന്നത്. ഇസ്രയേല്‍ രഹസ്യാന്വേഷണ വിഭാഗം ഉദ്യോഗസ്ഥന്‍ ഷിന്‍ ബെറ്റിന്റെ നേതൃത്വത്തിലാണ് അന്വേഷണം ആരംഭിച്ചിരിക്കുന്നത്.

ചൈനീസ് എംബസിയില്‍ നിന്നും യാതൊരു സൂചനകളില്ലാതെയാണ് സമ്മാനപ്പൊതികള്‍ വിവിധ എംബസികളിലേയ്ക്കും ഇസ്രയേലിന്റെ ശാസ്ത്ര ഗവേഷണ സ്ഥാപനങ്ങളിലേയ്ക്കും എത്തിയത്. ഇസ്രയേലിന്റെ ഗതാഗതവകുപ്പിനും ചായക്കപ്പുകള്‍ എത്തിച്ചതായും റിപ്പോര്‍ട്ടുണ്ട്.

2018ല്‍ ആഫ്രിക്കന്‍ എംബസിക്ക് ഇതുപോലെ ചൈന സമ്മാനിച്ച ചായകപ്പുകളില്‍ ശ്രവണ സംവിധാനമുള്ള ചിപ്പുകള്‍ ഘടിപ്പിച്ചിരുന്നുവെന്ന് ഫ്രാന്‍സ് റിപ്പോര്‍ട്ട് ചെയ്തിരുന്നു.

ചൈന ഏതൊക്കെ രാജ്യങ്ങളിലേക്ക് ചാരന്മാരെ അയച്ചിട്ടുണ്ട്? ആരൊക്കെയാണ് ചൈനയുടെ ചാരന്മാരായി മറ്റു രാജ്യങ്ങളില്‍ പ്രവര്‍ത്തിക്കുന്നത്? അങ്ങനെയുള്ള ചാരന്മാര്‍ ബ്രിട്ടനിലുണ്ടെന്നതിന് വിശ്വസനീയമായ തെളിവുകള്‍ പുറത്തു വന്നു.

ഇത്തരം ചാരന്മാര്‍ ഏതു രാജ്യത്തും ഉണ്ടാകാമെന്നതാണ് നാം മനസിലാക്കേണ്ടത്. ഈ വിവാദം കത്തി നില്‍ക്കുമ്പോഴാണ് ചൈനയെ വളഞ്ഞിട്ട് ആക്രമിക്കുന്നതില്‍ സിപിഎം പൊളിറ്റ് ബ്യൂറോ അംഗം കൂടിയായ എസ് രാമചന്ദ്രന്‍ പിള്ള അസ്വസ്ഥത പ്രകടിപ്പിക്കുന്നത്. ചൈനയെ പിന്തുണയ്ക്കുന്നത് സംബന്ധിച്ച് സിപിഎം പൊളിറ്റ് ബ്യൂറോ അംഗങ്ങളായ പിണറായി വിജയനും എസ് രാമചന്ദ്രന്‍പിള്ളയും തമ്മിലുള്ള തര്‍ക്കവും തുടങ്ങിയിട്ടുണ്ട്.

എന്നാല്‍ ഇതാദ്യമായൊന്നുമല്ല ചൈനീസ് ചാരപ്പരവര്‍ത്തനം കയ്യോടെ പൊക്കുന്നത്. ബ്രിട്ടീഷ് പാര്‍ലമെന്‍ന്റിലെ ചൈനീസ് ചാരനെ ഈവര്‍ഷം ആദ്യം തന്നെ ബ്രിട്ടണ്‍ പൊക്കിയിരുന്നു. ഒരു ചൈനീസ് ഏജന്റ് രാഷ്ട്രീയത്തില്‍ ഇടപെടുന്നതിന് തെളിവുകള്‍ ബ്രിട്ടീഷ് രഹസ്യാന്വേഷണ വിഭാഗമായ എം 15 പുറത്തുവിട്ടതോടെയാണ് ചൈനയുടെ കള്ളത്തരം പൊളിഞ്ഞത്. ഇക്കാര്യം വ്യക്തമാക്കി പാര്‍ലമെന്റ് അധോസഭയായ ഹൗസ് ഓഫ് കോമണ്‍സ് സ്പീക്കര്‍ ലിന്‍ഡ്‌സേ ഹൊയ്‌ലേ എംപിമാര്‍ക്കെല്ലാം ഇ മെയില്‍ അയച്ചിരുന്നു. ലണ്ടനില്‍ നിയമ സ്ഥാപനം നടത്തുന്ന ക്രിസ്റ്റിന്‍ ലീ എന്ന വനിത, ബ്രിട്ടീഷ് എംപിമാര്‍ക്കിടയില്‍ രഹസ്യ ശൃംഖല ഉണ്ടാക്കിയാണ് ചാര പ്രവര്‍ത്തനം നടത്തി വന്നിരുന്നത്.

ചൈനീസ് കമ്മ്യൂണിസ്റ്റ് പാര്‍ട്ടിയുടെ യുണൈറ്റഡ് ഫ്രണ്ട് വര്‍ക്ക് ഡിപ്പാര്‍ട്ട്‌മെന്റിനു വേണ്ടി ഇവര്‍ അറിഞ്ഞുകൊണ്ട് രാഷ്ട്രീയ ഇടപെടല്‍ നടത്തിയതിന്റെ വിവരങ്ങള്‍ പുറത്തുവന്നിരുന്നു. ഗൗരവമായ ആരോപണമായാലും ലീയെ ഇപ്പോഴും വീക്ഷിക്കുകയാണ് ബ്രിട്ടണ്‍. അതേസമയം ഈ ആരോപണങ്ങളെല്ലാം ലണ്ടനിലെ ചൈനീസ് എംബസി നിഷേധിച്ചിരുന്നു. ഒരു വിദേശ പാര്‍ലമെന്റിലും സ്വാധീനമുണ്ടാക്കേണ്ട ആവശ്യമില്ലെന്നാണായിരുന്നു അന്ന് ചെനയുടെ നിലപാടെടുത്തത്. എന്നാല്‍ ഇപ്പോഴിതാ കൂടുതല്‍ വിവരങ്ങള്‍ ഇപ്പോള്‍ പുറത്തുവരികയാണ്

ലണ്ടന്‍ കേന്ദ്രമായി പ്രവര്‍ത്തിക്കുന്ന നിയമ സ്ഥാപനത്തിന്റെ സ്ഥാപക കൂടിയാണ് ലീ. റ്റവും കൗതുകരമായ കാര്യം, ചൈനാ ബ്രിട്ടണ്‍ സഹകരണത്തിനു വേണ്ടി പ്രവര്‍ത്തിച്ചതിന് 2019ല്‍ അന്നത്തെ പ്രധാനമന്ത്രിയായിരുന്ന തെരേസ മേ അവരെ അഭിനന്ദിക്കുകയും പുരസ്‌കാരം നല്‍കുകയും ചെയ്തിരുന്നു. എന്നുള്ളതാണ്. പ്രധാനമന്ത്രിയായിരിക്കേ ഡേവിഡ് കാമറൂണിനൊപ്പമുള്ള ഇവരുടെ ചിത്രവും പുറത്തു വന്നിട്ടുണ്ട്. ഹോങ് കോംഗിലും ചൈനയിലും പ്രവര്‍ത്തിക്കുന്ന വിദേശികളില്‍ നിന്ന് ബ്രിട്ടീഷ് പാര്‍ലമെന്റ് അംഗങ്ങള്‍ക്ക് പണമെത്തിക്കാന്‍ ലീ സൗകര്യമൊരുക്കിയെന്നാണ് ഏറ്റവും ഒടുവില്‍ പുറത്തു വരുന്ന വിവരം.