സ്വന്തം സൈന്യത്തെ വെടിവച്ച് കത്തിച്ച് റഷ്യന് ടാങ്ക്; കോമഡിയായി യുക്രൈനിലെ യുദ്ധം; വീഡിയോ വൈറല് റഷ്യന് സൈന്യത്തിന്റെ ഒരു അവസ്ഥയേ..
യുക്രൈന് തലസ്ഥാനമായ കീവിന് സമീപമുള്ള ദിമിത്രിവ്ക ഗ്രാമത്തിലാണ് ഈ സംഭവം നടക്കുന്നത്. സ്വന്തം സൈനികര്ക്ക് നേരെ വെടിയുതിര്ക്കുന്ന റഷ്യന് യുദ്ധ ടാങ്ക്. ഇതിന്റെ വീഡിയോ ഇപ്പോള് വൈറലാണ്. വീഡിയോ കണ്ട് ഞെട്ടിയിരിക്കുകയാണ് റഷ്യന് സൈന്യം. അതേസമയം പ്രതിരോധിക്കാനായി പല ആരോപണങ്ങളും ഉയര്ത്തുകയാണ് റഷ്യ. റഷ്യന് ടാങ്കില് കയറി യുക്രൈന് സേനയാണ് ആക്രമണം നടത്തിയതെന്നാണ് റഷ്യന് മാധ്യമങ്ങള് റിപ്പോര്ട്ട് ഇപ്പോള് ചെയ്യുന്നത്.
യുക്രൈന്റെ നിരീക്ഷണ ഡ്രോണിലാണ് അപകടത്തിന്റെ ദൃശ്യങ്ങള് പതിഞ്ഞത്. യുക്രൈന് തലസ്ഥാനമായ കീവില് നിന്ന് റഷ്യന് സൈന്യം പിന്വാങ്ങി തുടങ്ങിയതിന് തൊട്ടുമുമ്പായിരുന്നു ഈ ആക്രമണമെന്നാണ് വിവരം. ദിമിത്രിവ്ക നഗരത്തിലൂടെ റഷ്യന് സൈനിക വ്യൂഹം ഒന്നിച്ച് നീങ്ങുന്നതിനിടെയാണ് ഒരു ടാങ്കില് നിന്ന് മുന്നിലുള്ള മറ്റൊരു ടാങ്കിലേക്കും അതിനുസമീപത്തായി നിന്ന സൈനികര്ക്ക് നേരെയും ആക്രമണമുണ്ടായത്. യാതൊരു പ്രകോപനവുമില്ലാതെയാണ് സൈനികര്ക്ക് നേരെ യുക്രൈന് സേനയുടെ ആക്രമണമെന്നും റഷ്യന് മാധ്യമങ്ങള് റിപ്പോര്ട്ട് ചെയ്തു
ഇതിനിടെ കരിങ്കടലില് നിലയുറപ്പിച്ച റഷ്യയുടെ യുദ്ധക്കപ്പല് തകര്ത്തതായി യുക്രൈന് സേന അവകാശപ്പെട്ടു. മിസൈല് ആക്രമണത്തില് റഷ്യന് യുദ്ധക്കപ്പലിന് മാരകമായ കേടുപാടുണ്ടായെന്നും യുക്രൈന് മഹത്തായ നേട്ടമാണിതെന്നും ഒഡേസ ഗവര്ണര് മാക്സിം മാര്ചെങ്കോ പറഞ്ഞു. അതേസമയം കപ്പലിലുണ്ടായത് തീപ്പിടിത്തമാണെന്നാണ് റഷ്യുടെ വിശദീകരണം. കപ്പിലുള്ള സൈനികരെ സുരക്ഷിതമായി മാറ്റിയതായും റഷ്യ അവകാശപ്പെട്ടു.
യുദ്ധം ഒന്നരമാസം പിന്നിടുമ്പോള് തന്ത്രപ്രധാനമായ മരിയൊപോളിന്റെ നിയന്ത്രണം പിടിച്ചെടുക്കാനുള്ള യുക്രൈന്റഷ്യ പോരാട്ടം അതിരൂക്ഷമാണ്. നഗരത്തില് യുദ്ധത്തിലേര്പ്പെട്ടിരുന്ന യുക്രൈന് നാവികസേനയുടെ 36ാമത് ബ്രിഗേഡിലെ 1026 പട്ടാളക്കാര് ആയുധംവെച്ച് കീഴടങ്ങിയതായി റഷ്യ അവകാശപ്പെട്ടു. ഇതില് 162 ഉദ്യോഗസ്ഥരും ഉള്പ്പെടുന്നു. 151 പട്ടാളക്കാര്ക്ക് പരിക്കേറ്റിരുന്നതായും ഇവരെ ആശുപത്രിയില് പ്രവേശിപ്പിച്ചതായും റഷ്യന് പ്രതിരോധമന്ത്രാലയം അറിയിച്ചു.
എന്നാല് മരിയൊപോളിന്റെ നിയന്ത്രണം ഇപ്പോഴും തങ്ങളുടെ പക്കല് തന്നെയാണെന്നും കൂടുതല് നാവികരെ വിന്യസിച്ചിട്ടുണ്ടെന്നും അധികൃതര് പറഞ്ഞു. ഇതുവരെ 21,000 സാധാരണക്കാര് നഗരത്തില് മരിച്ചതായി മരിയൊപോള് മേയര് വാദിം ബോയ്ചെങ്കോ പറഞ്ഞു. ഒരു ലക്ഷത്തോളംപേര് ഇവിടെ കുടുങ്ങിക്കിടപ്പുണ്ട്. യുക്രൈന്റെ കിഴക്കന് മേഖലയുടെ പൂര്ണനിയന്ത്രണം ഉന്നമിടുന്ന റഷ്യയ്ക്കു മരിയൊപോള് പിടിക്കുക ഏറെ നിര്ണായകമാണ്.
https://www.facebook.com/Malayalivartha