യുക്രൈന്‍ മുക്കിയത് ആണവായുധങ്ങളുമായി എത്തിയ പടക്കപ്പലിനെയാണെന്ന് റിപ്പോര്‍ട്ടുകള്‍. റഷ്യയുടെ ബ്ലാക്ക് സീ ഫ്‌ലാഗ്ഷിപ്പാണ് യുക്രൈന്റെ മിസൈല്‍ ആക്രമണത്തില്‍ ഇന്നലെ മുങ്ങിയത്. അങ്ങനെയാണ് എങ്കില്‍ ആണവായുധങ്ങള്‍ കരിങ്കടലിന്റെ ആഴപ്പരപ്പുകളില്‍ വിശ്രമിക്കുന്നുണ്ടാകും. അപകടത്തെക്കുറിച്ച് അടിയന്തര അന്വേഷണം ആവശ്യപ്പെട്ട വിശകലന വിദഗ്ധരും ഇതു സംബന്ധിച്ച മുന്നറിയിപ്പുകള്‍ നല്‍കിയിട്ടുണ്ട്.

സോവിയറ്റ് കാലത്തെ ഗൈഡഡ് മിസൈല്‍ ക്രൂയിസറായ മോസ്‌ക്‌വ വ്യാഴാഴ്ചയാണ് സെവാസ്റ്റോപോള്‍ തുറമുഖത്തിന് സമീപം യുക്രൈന്റെ രണ്ട് ക്രൂയിസ് മിസൈലുകളുടെ ആക്രമണത്തില്‍ തകര്‍ന്നത്. റഷ്യ ആണവായുധങ്ങള്‍ സേഫ് ആയി മാറ്റിയിട്ടില്ലെങ്കില്‍ അത് വലിയ അപകടമാകും വരുത്തി വയ്ക്കുക.

എന്നാല്‍ കപ്പലില്‍ തീപിടുത്തവും പൊട്ടിത്തെറിയും ഉണ്ടായതിനെ തുടര്‍ന്നാണ് കപ്പല്‍ മുങ്ങിയതെന്ന് റഷ്യ സമ്മതിച്ചെങ്കിലും തീപിടിത്തത്തിന്റെ കാരണം അവര്‍ വ്യക്തമാക്കാത്തത് ദുരൂഹമാകുകയാണ്.

മോസ്‌ക്‌വയ്ക്ക് രണ്ട് ന്യൂക്ലിയര്‍ വാര്‍ഹെഡുകള്‍ കൊണ്ടുപോകാന്‍ കഴിയും അതുതന്നെയാണ് ഇപ്പോഴത്തെ ഭയത്തിന് കാരണം, ഒരു പക്ഷേ മോസ്‌ക്വ കപ്പലില്‍ ആണവ വാര്‍ഹെഡുകള്‍ ഉണ്ടായിരിക്കാം അതും രണ്ട് യൂണിറ്റുകള്‍,' എന്നാണ് ഇപ്പോള്‍ പുറത്തുവരുന്ന വെളിപ്പെടുത്തലുകള്‍,

അതിനിടെ, ഡിഫന്‍സ് എക്‌സ്പ്രസ് പറയുന്നത്, 'ഡിസൈനര്‍മാരെയും നാവിക ഉദ്യോഗസ്ഥരെയും ഉള്‍പ്പെടെയുള്ള വിദഗ്ധരെ അഭിമുഖം നടത്തിയതില്‍ നിന്ന്, അവര്‍ ഏകകണ്ഠമായും പറയുന്ന ഉത്തരം ആ ഫ്‌ലാഗ്ഷിപ്പില്‍ ആണവായുധങ്ങള്‍ ഉണ്ട് എന്ന് തന്നെയാണ്.

കപ്പലിലെ സ്‌ഫോടനത്തില്‍ നൂറുകണക്കിന് ആളുകള്‍ മരിക്കുമെന്ന വാര്‍ത്തകള്‍ക്ക് പകരം കേട്ടത് മോസ്‌ക്‌വയിലുണ്ടായിരുന്നു 510 ഓളം വരുന്ന ജീവനക്കാരെയും രക്ഷിച്ചു എന്ന വാര്‍ത്തയായിരുന്നു ഉടനടിയുള്ള ഈ രക്ഷാ പ്രവര്‍ത്തനവും റഷ്യയുടെ പരവേഷവും ആണവ ദുരന്തത്തെക്കുറിച്ചുള്ള ഊഹാപോഹങ്ങള്‍ വര്‍ദ്ധിപ്പിക്കുകയാണ്.,

എന്നാല്‍ ലഭിക്കുന്ന ചില സൂചനകള്‍ അവുസരിച്ച് ഇതുവരെ, 50 ഓളം ജീവനക്കാരെ മാത്രമേ രക്ഷപെടുത്തിയിട്ടുള്ളൂ എന്നാണ് അതും ഒരു തുര്‍ക്കി കപ്പലാണ് ഇവരെ രക്ഷിച്ചത് അതുപോലെതന്നെ ഒരു 14 പേര്‍ സെവാസ്റ്റോപോള്‍ തുറമുഖത്തേക്ക് എത്തിയതായും റിപ്പോര്‍ട്ടുണ്ട്, ബാക്കിയുള്ള 450 ഓളം പേരുടെ വിധി അജ്ഞാതമാണെന്നാണ് അഭ്യൂഹങ്ങള്‍. മുഴുവന്‍ ജീവനക്കാരെയും ഒഴിപ്പിച്ചതായി റഷ്യ അവകാശപ്പെടുന്നുവെങ്കലും അത് തെളിയിക്കുന്ന ഒന്നും തന്നെ റഷ്യ പുറത്തുവിട്ടിട്ടില്ല, മാത്രമല്ല സെവാസ്റ്റോപോളില്‍ എടുത്ത ഒരു വീഡിയോയില്‍, തുറമുഖത്ത് ഇപ്പോഴും പാര്‍ക്ക് ചെയ്തിരിക്കുന്ന നാവികരുടേതെന്ന് കരുതപ്പെടുന്ന ഡസന്‍ കണക്കിന് കാറുകള്‍ കാണാന്‍ കഴിയുന്നുണ്ട് അവരുടെ ഉടമകള്‍ അവ ശേഖരിക്കാന്‍ ഇതുവരെ മടങ്ങിയിട്ടില്ലെന്നതിന് തെളിവായി കരുതപ്പെടുന്നു.