ഫ്രാന്‍സില്‍ തെരഞ്ഞെടുപ്പ് കാലമാണ്. ഫ്രഞ്ച് പ്രസിഡന്റ് തിരഞ്ഞെടുപ്പിന്റെ ആദ്യ റൗണ്ട് ഏപ്രില്‍ 10 ഞായറാഴ്ച കഴിഞ്ഞിരുന്നു. 12 സ്ഥാനാര്‍ത്ഥികളില്‍ 2017 ലെതന്നെ ഏഴു പേര്‍ ഇത്തവണത്തെ മത്സര രംഗത്തുണ്ട്. പ്രധാന പോരാട്ടം ലെ പെനും മാക്രോണും തമ്മിലാണ്. 2022 ഏപ്രില്‍ 24ന് നടക്കുന്ന തെരഞ്ഞെടുപ്പാണ് ഇരു പ്രസിഡന്റെ് സ്ഥാനാര്‍ത്ഥികളുടെയും വിധി നിര്‍ണയിക്കുന്നത്.

ഈ തെരഞ്ഞെടുപ്പില്‍ മാക്രോണാണ് ജയിക്കുന്നത് എങ്കില്‍ ഇപ്പോള്‍ നടക്കുന്നത് പോലെ തന്നെ കാര്യങ്ങള്‍ മുന്നോട്ടു പോകും. എന്നാല്‍ ലെ പെന്നാണ് ജയിക്കുന്നതെങ്കില്‍ നാറ്റോയില്‍ വലിയൊരു വിള്ളലുണ്ടാകും. ആ വിള്ളല്‍ ഒടുവില്‍ റഷ്യയോടൊപ്പം ചേരും പക്ഷേ ചൈനയെ ആ സഖ്യത്തില്‍ നിന്ന് ചവിട്ടി പുറത്താക്കും. ലെ പെന്‍ ഫ്രഞ്ച് പ്രസിഡന്റായാല്‍ ലോകത്ത് സംഭവിക്കാന്‍ പോകുന്ന സംഭവവികാസങ്ങളാണിത്.

ഈ തെരഞ്ഞെടുപ്പില്‍ വിജയിച്ചാല്‍ ചൈനയുമായി സഖ്യമുണ്ടാക്കുന്നില്ലെന്ന് ഉറപ്പാക്കാന്‍ റഷ്യന്‍ ഫെഡറേഷനുമായി ഇടപെടുമെന്നാണ് ഫ്രഞ്ച് പ്രസിഡന്റ് സ്ഥാനാര്‍ത്ഥി മറൈന്‍ ലെ പെന്‍ വ്യക്തമാക്കുന്നത്. 'ഉക്രെയ്‌നിലെ യുദ്ധം അവസാനിക്കുമ്പോള്‍, ഒരു സമാധാന ഉടമ്പടി ഒപ്പുവെക്കുപ്പെടുമ്പോള്‍, 21ാം നൂറ്റാണ്ടിലെ ഏറ്റവും വലിയ അപകടമായ ഒരു ബന്ധം ഒഴിവാക്കേണ്ടത് നയതന്ത്രപരമായി ആവശ്യമാണെന്ന് വ്യക്തമാക്കിയ വെ പെന്‍, അതിനായി ശക്തമായ പരിശ്രമം നടത്തുമെന്നും അറിയിച്ചു' ഫാര്‍ ഫ്രഞ്ച് പബ്ലിക് റേഡിയോയ്ക്ക് നല്‍കിയ അഭിമുഖത്തിലാണ് വലതു പക്ഷേ നേതാവായ ലെ പെനിന്റെ വെളിപ്പെടുത്തല്‍. ഒരുപക്ഷേ ഇന്ത്യയ്ക്കും ഈ നിലപാട് തന്നെയായിരിക്കാം. എന്തായാലും ഇതിന്റെ എല്ലാം വിധി നിര്‍ണയിക്കപ്പെടുക ഏപ്രില്‍ 24 നായിരിക്കും

നേരത്തേ താന്‍ രാജ്യത്തിന്റെ നേതാവായി തിരഞ്ഞെടുക്കപ്പെട്ടാല്‍ നാറ്റോയുടെ സൈനിക കമാന്‍ഡില്‍ നിന്ന് ഫ്രാന്‍സിനെ പിന്‍വലിക്കുമെന്ന് പ്രതിജ്ഞയെടുത്തിരുന്നു. എന്നിരുന്നാലും, ഫ്രാന്‍സ് ബ്ലോക്ക് വിടാന്‍ ആഗ്രഹിക്കുന്നില്ലെന്നും രാജ്യം അതിന്റെ കമാന്‍ഡ് ഘടനയില്‍ നിന്ന് മാറാന്‍ മാത്രമേ ആഗ്രഹിക്കുന്നുള്ളൂവെന്നും ഫ്രഞ്ച് നേതാവ് വ്യക്തമാക്കി. യൂറോപ്യന്‍ യൂണിയനില്‍ നിന്ന് പുറത്തുകടക്കുന്നതിന് യുകെയെ പിന്തുടരാനുള്ള പദ്ധതികളും ലെ പെന്‍ പ്രഖ്യാപിച്ചു, അതിനായി 'ഫ്രെക്‌സിറ്റ്' എന്ന വാക്കാണ് അവര്‍ ഉപയോഗിച്ചത്.

നടന്നുകൊണ്ടിരിക്കുന്ന യുദ്ധത്തിനിടയില്‍, ഉക്രെയ്ന്‍ ദേശീയ പരമാധികാരത്തെ വിലമതിക്കുന്നുവെന്നും അതുപോലെ തന്നെ റഷ്യന്‍ പ്രസിഡന്റ് വഌഡിമിര്‍ പുടിന്റെ ദീര്‍ഘകാല ആരാധിയാണ് താനെന്നും. റഷ്യന്‍ ബാങ്കില്‍ നിന്ന് പാര്‍ട്ടി വായ്പ സ്വീകരിച്ചിട്ടുണ്ടെന്നും വ്യക്തമാക്കിയ ലെ പെന്‍ യുക്രെയ്‌നുള്ള പിന്തുണയും അറിയിച്ചു. അതേസമയംതന്നെയാണ് ബീജിംഗും മോസ്‌കോയും തമ്മിലുള്ള സഖ്യം 'നിലവിലെ ഏറ്റവും വലിയ അപകടമാണെന്ന് അവര്‍ തറപ്പിച്ച് പറയുന്നത്.