ലോകത്തിലെ ഏറ്റവും വലിയ സമ്ബന്നനായ വ്യക്തി മസ്ക്... സ്വന്തമായി ഒരു വീട് പോലും ഇല്ലെന്നാണ് ഇലോണ് മസ്ക് പറയുന്നത്?
ലോകത്തിലെ ധനികരായ വ്യക്തികളില് ഒന്നാം സ്ഥാനത്താണ് ടെസ്ല സ്ഥാപകന് ഇലോണ് മസ്കിന്റെ സ്ഥാനം. ആമസോണ് തലവന് ജെഫ് ബെസോസിനെ മറികടന്നാണ് മസ്ക് ധനികരുടെ പട്ടികയില് ഒന്നാമതെത്തിയത്. 260 ബില്യണ് ഡോളറാണ് മസ്കിന്റെ ആസ്തി.
എന്നാല് സ്വന്തമായി ഒരു വീട് പോലും ഇല്ലെന്നും താന് താമസിക്കുന്നത് കൂട്ടുകാരോടൊപ്പമാണെന്നും വെളിപ്പെടുത്തിയിരിക്കുകയാണ് ലോകത്തിലെ ഏറ്റവും വലിയ സമ്ബന്നന് ഇലോണ് മസ്ക്. ലോകമെമ്ബാടുമുള്ള സാമ്ബത്തിക രംഗത്തെ മാറ്റങ്ങളെക്കുറിച്ചും ശതകോടീശ്വരന്മാര് ചെലവഴിച്ച പണത്തേയും സംബന്ധിച്ച ചോദ്യത്തോട് പ്രതികരിക്കുന്നതിനിടെയാണ് മസ്ക് ഇത് തുറന്ന് പറഞ്ഞത്.
ടെഡിന്റെ ക്രിസ് ആന്ഡേഴ്സന് നല്കിയ അഭിമുഖത്തിലാണ് ടെസ്ല ഉടമയുടെ നിര്ണായക വെളിപ്പെടുത്തല്. തനിക്കിപ്പോള് സ്വന്തമായി ഒരു സ്ഥലമില്ലെന്നാണ് അദ്ദേഹം പറഞ്ഞത്. ടെസ്ലയിലെ പ്രധാന എന്ജിനീയറിങ് പ്രവര്ത്തനങ്ങള് നടക്കുന്ന ബേ ഏരിയയിലേക്കു പോകുമ്ബോള് കൂട്ടുകാരുടെ വീടുകളില് താമസിക്കും. സ്വന്തമായി ആഢംബര കപ്പല് ഇല്ലെന്നും ഉല്ലാസ യാത്രകള് പോകാറില്ലെന്നും അദ്ദേഹം വെളിപ്പെടുത്തി.
വ്യക്തിപരമായ ഉപഭോഗത്തിനായി മാത്രം കോടിക്കണക്കിന് ഡോളറുകള് ചെലവഴിക്കില്ല. താന് ആകെ കുറച്ച് പണം മാത്രമേ ചെലവഴിക്കാറുള്ളൂ. ആകെയുള്ള പ്രശ്നം വിമാനത്തിന്റെ ഉപയോഗമാണ്. എന്നാല് വിമാനം ഉപയോഗിച്ചില്ലെങ്കില് വളരെ കുറച്ച് നേരം മാത്രമേ തനിക്ക് ജോലി ചെയ്യാന് സാധിക്കൂ എന്നും അദ്ദേഹം പറഞ്ഞു.
2022 ലെ ഫോബ്സ് പട്ടികയില് ഒന്നാം സ്ഥാനത്താണ് ഇലോണ് മസ്ക്. ആമസോണ് സിഇഒ ജെഫ് ബെസോസിനെ പിന്തള്ളിയാണ് മസ്ക് ഈ നേട്ടം കൈവരിച്ചത്. ഇതിന് പിന്നാലൊയാണ് വെളിപ്പെടുത്തല്.
ലോകസമ്പന്നരുടെ പട്ടികയില് ഒന്നാമതെത്തിയപ്പോള് എന്ത് തോന്നുവെന്ന ചോദ്യത്തിനാണ് മസ്ക് മറുപടി നല്കിയത്. പുടിന് തന്നെക്കാള് സമ്പന്നനാണെന്ന് കരുതുന്നുവെന്നായിരുന്നു ചോദ്യത്തോടുള്ള മസ്കിന്റെ മറുപടി.
യുക്രെയ്ന് റഷ്യ പ്രശ്നത്തില് ആളുകള് വിചാരിക്കുന്നതിലും കൂടുതല് അമേരിക്ക ചെയ്തിട്ടുണ്ട്. എന്നാല്, ഇത് പരസ്യമായിരുന്നില്ല. നിലവില് കൂടുതല് ശക്തമായ നടപടിയെടുക്കേണ്ട സമയമാണ്. അല്ലെങ്കില് റഷ്യ യുക്രെയ്നെ പിടിച്ചടക്കുമെന്നും അത് അനുവദിക്കരുതെന്നും മസ്ക് പറഞ്ഞു.
ഇലോണ് മസ്കിനേക്കാളും സമ്പത്ത് പുടിനുണ്ടെന്ന് നേരത്തെ അഭ്യൂഹങ്ങളുണ്ടായിരുന്നു. 2017ല് തന്നെ പുടിന് 200 ബില്യണ് ഡോളര് ആസ്തിയുണ്ടെന്ന റിപ്പോര്ട്ടുകള് പുറത്ത് വന്നിരുന്നു. യുക്രെയ്നില് റഷ്യ അധിനിവേശം നടത്തിയതിന് പിന്നാലെ പുടിന്റെ ഉടമസ്ഥതയിലുള്ള സ്വത്തുക്കള് പല രാജ്യങ്ങളും മരവിപ്പിച്ചിരുന്നു.
https://www.facebook.com/Malayalivartha