സിനിമയിലല്ല.. കാനഡയിലും സോംബി രോഗം കണ്ടെത്തി! വൈറസ് ബാധിച്ച മാനുകള് കൂട്ടത്തോടെ ചത്തൊടുങ്ങുന്നു, മനുഷ്യര്ക്കും മുന്നറിയിപ്പ്..
സിനിമകളിലും വെബ്സീരീസുകളിലും സോംബി വൈറസ് എന്ന് മാരകമായ രോഗത്തെ നമ്മള് കണ്ടിട്ടുണ്ട്. പല വേര്ഷനുകളും സോംബി വൈറസിനെ സിനിമകളിലും മറ്റും ചിത്രീകരിച്ചിട്ടുമുണ്ട്. ഇങ്ങനെയൊക്കെ നമ്മുടെ യഥാര്ത്ഥ ജീവിതത്തിലും ഈ വെറസ് പടര്ന്നുപിടിച്ചാല് എന്താകും അവസ്ഥ. സിനിമ കാണുമ്പോള് പലരും ഇങ്ങനെ ചിന്തിച്ചിട്ടുണ്ടാകും.
കൊവിഡ് വന്നപ്പോഴും പലരും ഈ ആശങ്ക പങ്കുവെച്ചിരുന്നു. ഭാഗ്യം സോംബി വൈറസല്ലാലോ എന്ന് പോലും പറഞ്ഞവര് ഉണ്ട്. എന്നാല് ഇപ്പോഴിതാ ഏവരേയും ആശങ്കപ്പെടുത്തിക്കൊണ്ട് ആവാര്ത്തയും പുറത്തുവന്നിരിക്കുകയാണ്.
സോംബി രോഗം പടരുന്നു. ഇവിടെയല്ല അങ്ങ് കാനഡയിലാണ്. കാനഡയിലെ ആല്ബര്ട്ട, സാസ്കച്വാന് എന്നീ മേഖലകളിലാണ് സോംബി രോഗം പടര്ന്ന് പിടിക്കുന്നത് എന്നാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്.
നിലവില് മാനുകളിലാണ് ഈ സോംബി രോഗം പടരുന്നത്. ഇത് ബാധിച്ച് നിരവധി മാനുകള് ചത്തതായി ഔദ്യോഗിക വൃത്തങ്ങള് വ്യക്തമാക്കുന്നുണ്ട്. മാത്രമല്ല മനുഷ്യരിലേക്ക് ഈ രോഗം പടരാന് സാധ്യത ഉണ്ടെന്നും അതിനാല് മാനിറച്ചി കഴിക്കരുത് എന്നുള്ള മുന്നറിയിപ്പും ജനങ്ങള്ക്ക് അധികൃതര് നല്കിയിട്ടുണ്ട്.
'ക്രോണിക് വേസ്റ്റിംഗ് ഡിസീസ്' (സിഡിസി) എന്നതാണ് സോംബി രോഗത്തിന്റെ ശാസ്ത്രീയ നാമം. പക്ഷേ സിനിമകളില് കാണുന്ന പോലെ അത്ര മാരകമാല്ല പടര്ന്നുപിടിച്ചിരിക്കുന്ന ഈ വൈറസ് എന്നാണ് അറിയാന് കഴിയുന്നത്. മാത്രമല്ല ഈ രോഗം ബാധിച്ചാല് കാണിക്കുന്ന ചില ലക്ഷണങ്ങള് എന്താണെന്നും അധികൃതര് ഇപ്പോള് പറയുന്നുണ്ട്. അതായത്, സോംബി വൈറസ് ബാധിച്ചാല് ആദ്യം കാണുന്ന ലക്ഷണം ശരീരഭാരം കുറയും എന്നതാണ്. ഇതിന് പിന്നാലെ വിറയല്, വ്യക്തി അറിയാതെ തന്നെ ഉമിനീര് ഒലിച്ചിറങ്ങുക, അടിക്കടി മൂത്രമൊഴിക്കുക, എന്നിവയും കണ്ടു തുടങ്ങും. കൂടാതെ ഇക്കൂട്ടര് തലതാഴ്ത്തി മാത്രമേ നടക്കുകയുള്ളൂ എന്നാണ് അധികൃതര് നല്കുന്ന വിവരം.
ഈ രോഗം ഏറ്റവും കൂടുതല് ബാധിക്കുന്നത് മാനുകള്, സിക ഡിയര്, റെയിന്ഡീര്, മൂസ്, എന്നീ മൃഗങ്ങളെയാണ്.
അതേസമയം ഇതുവരെ സോംബ് രോഗം മനുഷ്യരിലേക്ക് പടര്ന്നിട്ടില്ലെന്നാണ് റിപ്പോര്ട്ടുകള് പറയുന്നത്. വേട്ടക്കാരും മറ്റും മാനുകളെ പിടിക്കരുതെന്നും അവയുടെ മാംസം ഭക്ഷിക്കുന്നത് രോഗത്തിന്റെ വ്യാപനത്തിന് കാരണമാകുമെന്നും പറയുന്നുണ്ട്. ഒപ്പം അസുഖം ബാധിച്ച മാനിന്റെ മൃതദേഹം അലക്ഷ്യമായി കൈകാര്യം ചെയ്യുകയോ അവയുടെ സ്രവങ്ങളുമായി സമ്പര്ക്കം പുലര്ത്തുകയോ ചെയ്താലും രോഗം പടരാന് സാധ്യതയുണ്ട്.
സോംബി രോഗം ബാധിച്ചാല് മാനുകള് കൂടുതല് അക്രമാസക്തമാവുകയും മനുഷ്യരോടുള്ള പേടി ഇല്ലാതായി ആക്രമണം നടത്താന് ഇടയുണ്ടെന്നുമാണ് ശാസ്ത്രജ്ഞര് അഭിപ്രായപ്പെടുന്നത്.
1996ല് കാനഡയിലെ ഒരു എല്ക്ക് ഫാമില് ഈ രോഗം ആദ്യം പ്രത്യക്ഷപ്പെടുകയും പിന്നീട് വന്യജീവികളിലേക്ക് പടരുകയും ചെയ്തിരുന്നു. മാത്രമല്ല 2005ല് ആല്ബര്ട്ടയിലും ഈ രോഗം കണ്ടെത്തിയിട്ടുണ്ടെന്നാണ് ലഭിക്കുന്ന വിവരം. എന്നാല് ഇത്രയും മാരകമായ അസുഖത്തിന് ഇതുവരെ വാക്സിനോ മരുന്നുകളോ കണ്ടെത്തിയിട്ടില്ല എന്നാതാണ് ആശങ്കപ്പെടുത്തുന്ന മറ്റൊരു വസ്തുത. എന്തായാലും സിനിമയില് കാണുന്നത്ര അപകരമാണോ സോംബി വൈറസുകള് എന്ന കാര്യത്തില് ഇതുവരെ വ്യക്തത വന്നിട്ടില്ല.
https://www.facebook.com/Malayalivartha