ചൈനാക്കടലില് തായ്വാന് കോട്ട കെട്ടി അമേരിക്ക യുദ്ധകപ്പലുമായി യുദ്ധത്തിന് പാഞ്ഞെത്തി ബൈഡന്; തായ്വാനില് ഇനി ഒരിലയനങ്ങില്ല
തായ്വാനെ സഹായിക്കാനായി അമേരിക്കന് യുദ്ധകപ്പല് ചൈനാ കടലില്. മേഖലയില് അമേരിക്ക നടത്തുന്ന നീക്കം അസ്വസ്ഥതയുണ്ടാക്കുന്നതാണെന്ന പ്രസ്താവനയുമായി ബീജിംഗ്. അമേരിക്കയുടെ മിസൈല് വാഹിനി യുഎസ്എസ് സാംപസണാണ് തായ്വാന് കടലിടുക്കിലൂടെ തുടര്ച്ചയായി യാത്ര ചെയ്തത്.
പീപ്പിള്സ് ലിബറേഷന് ആര്മി ഈസ്റ്റേണ് കമാന്റ് വക്താവാണ് ബീജിംഗ് ഭരണകൂടത്തിന്റെ എതിര്പ്പ് മാദ്ധ്യമസമ്മേളനത്തില് അറിയിച്ചത്. അമേരിക്ക മേഖലയില് പ്രകോപനം സൃഷ്ടിക്കുകയാണെന്നും തങ്ങളുടെ മേഖലയില് അമേരിക്ക നടത്തുന്നത് അനധികൃത കടന്നുകയറ്റമാണെന്നും ചൈന പറഞ്ഞു.
തായ്വാന് നേരെ നിരന്തര വ്യോമപാതാ ലംഘനമാണ് ചൈന നടത്തുന്നത്. 150ലേറ തവണയാണ് ചൈനീസ് വിമാനങ്ങള് ഈ വര്ഷം മാത്രം തായ്വാന്റെ വ്യോമ മേഖലയില് കടന്നുകയറിയത്. കടലിലെ മത്സ്യബന്ധനബോട്ടുകളെ തടയുന്നതും അടക്കം നിരന്തരം പ്രകോപനമാണ് ചൈന നടത്തിക്കൊണ്ടിരിക്കുന്നത്.
യുക്രൈന് യുദ്ധത്തില് തായ്വാന് അകമഴിഞ്ഞ പിന്തുണയാണ് നല്കിയത്. മേഘലയില് ഇന്ത്യ അടക്കമുള്ള രാജ്യങ്ങല് തിരിഞ്ഞു നിന്നപ്പോഴാണ് തായ്വാന് പിന്തുണ നല്കിയത്. അതിന്റെ നന്ദി കൂടിയാകാം തായ്വാനുള്ള ഈ സംരക്ഷണം..
യുക്രൈനിലെ സഹായപ്രവര്ത്തനങ്ങള്ക്കായി തന്റെ ഒരു മാസത്തെ ശമ്പളം നല്കിയാണ് തായ്വാന് പ്രസിഡന്റ് സായ്ഇംഗ് വെന് പിന്തുണ പ്രഖ്യാപിച്ചത്. റഷ്യ അയല് രാജ്യത്ത് അധിനിവേശം നടത്തിയത് പോലെ തായ്വാനില് കടന്നുകയറാന് ചൈന ശ്രമിക്കുന്ന സാഹചര്യത്തിലായിരുന്നു പ്രസിഡന്റിന്റെ തന്ത്ര പ്രധാനമായ നീക്കം. ആ നീക്കം ഇവിടെ ഫലം കാണുകയാണ്. വൈസ് പ്രസിഡന്റായ വില്യം ലായ്, പ്രീമിയറായ സു ത്സേങ് ചെങ് എന്നിവരും ഒരു മാസത്തെ ശമ്പളം യുക്രൈനിലെ സഹായ പ്രവര്ത്തനങ്ങള്ക്കായി നല്കും.
ചൈനയില് നിന്നുള്ള ഭീഷണി വര്ധിച്ചുവരുന്നതിനാല്, സമാന സാഹചര്യത്തില്നിന്ന് യുദ്ധം നേരിടുന്ന യുക്രൈന് അനുകൂലമായി തായ്വാനില് കനത്ത വികാരമുണ്ട്. തായ്വാന് തങ്ങളുടെ പ്രവിശ്യയാണെന്നാണ് ചൈനയുടെ വാദം. എന്നാല് തായ്വാന് നിവാസികള് ഇത് അംഗീകരിക്കുന്നില്ല.
ഈ ആഴ്ച 27 ടണ് മരുന്നുകള് യുക്രൈനിലേക്ക് അയക്കുന്ന ഗവണ്മെന്റ് മേധാവി സായ്ഇംഗ് വെന് യുക്രൈന്റെ നിശ്ചയദാര്ഢ്യം തായ്വാനും ലോകത്തിനും പ്രചോദനമാണെന്ന് ബുധനാഴ്ച നടന്ന ഡെമോക്രാറ്റിക് പ്രോഗ്രസ്സീവ് പാര്ട്ടി യോഗത്തില് പറഞ്ഞു. ലോകജനാധിപത്യത്തിലെ പങ്കാളിയെന്ന നിലയില് യുക്രൈന് എല്ലാ പിന്തുണയും നല്കുന്നതായും അവര് പ്രഖ്യാപിച്ചു. യുക്രൈന് ദുരിതാശ്വാസത്തിനായി തായ്വാന് റിലീഫ് ഡിസാസ്റ്റര് അസോസിയേഷന് തുടങ്ങിയ ബാങ്ക് അക്കൗണ്ട് വിവരങ്ങള് പുറത്തുവിടുമെന്നും അതുവഴി ധനസമാഹരണം നടത്തുമെന്നും തായ്വാന് വിദേശകാര്യ മന്ത്രാലയം അറിയിച്ചു.
https://www.facebook.com/Malayalivartha
