റഷ്യയെ കൈവിട്ട് ചൈന; ഇനി ആയുധം നല്കില്ല; ഒറ്റയ്ക്കായി പുടിന്; യുക്രൈനില് ആയുധ മഴ; മാറി നിന്ന് കളികാണാന് ചൈന
റഷ്യന് അനുകൂല നിലപാടില് കലിപ്പിലായ ലോകരാജ്യങ്ങളുടെ ഇഷ്ടം നേടാനായി ഡ്രോണുകള് വ്യാപാര അടിസ്ഥാനത്തില് റഷ്യയയ്ക്ക് നല്കേണ്ടതില്ലെന്നാണ് തീരുമാനവുമായി ചൈന. ബീജിംഗ് ഭരണകൂടമാണ് സൈന്യത്തിനും കമ്പനികള്ക്കും നിര്ദ്ദേശം നല്കിയത്.
സൈനിക ആവശ്യത്തിനായി ചൈനയ്ക്കായി ഡ്രോണുകളും ആയുധങ്ങളും നിര്മ്മിക്കുന്ന കമ്പനികളെ കരിമ്പട്ടികയില് അമേരിക്ക പെടുത്തിയിരുന്നു. റഷ്യയ്ക്ക് അനുകൂലമായി തുടക്കത്തില് പ്രതികരിച്ച ചൈന യൂറോപ്പിന്റെ ഗുഡ് സര്ട്ടിഫിക്കറ്റ് നേടാനുള്ള ശ്രമമാണ് നടത്തുന്നത്. ഇതിന്റെ തുടര്ച്ചയായിട്ടാണ് ഡ്രോണ് നിര്മ്മാണ കമ്പനിയായ ഡിജെഐ റഷ്യയ്ക്കും യുക്രെയ്നും ഡ്രോണുകള് നല്കേണ്ടന്ന് തീരുമാനിച്ചത്.
തങ്ങളുടെ ഉല്പ്പന്നങ്ങള് സ്വയം പ്രതിരോധത്തിനുള്ളത് മാത്രമാണ്. മാനദണ്ഡങ്ങള് ലംഘിച്ചാല് അത് ഭാവിയിലെ ബന്ധത്തെ കാര്യമായി ബാധിക്കുമെന്നും ഡിജെഐ അധികൃതര് പറഞ്ഞു.
പല വിധത്തിലാണ് വിദേശരാജ്യങ്ങളില്നിന്നുള്ള ആയുധങ്ങള് യുക്രൈനിലേക്ക് ഒഴുകുന്നത്. റഷ്യയുമായി ഇന്ധന ഇടപാടുകള് നടത്തുന്ന ചില രാജ്യങ്ങള് നേരിട്ട് ഈ വിഷയത്തില് ഇടപെടുന്നില്ല. പകരം രഹസ്യമായി മറ്റ് രാജ്യങ്ങള് വഴി ആയുധമെത്തിക്കുന്നു. അമേരിക്കയെപ്പോലുള്ള മറ്റു ചില രാജ്യങ്ങളാവട്ടെ, യുക്രൈനിനു സമീപമുള്ള രാജ്യങ്ങള്ക്ക് സഹായം വാഗ്ദാനം ചെയ്ത് അവരുടെ കൈയിലുള്ള ആയുധങ്ങള് യുക്രൈനില് എത്തിക്കാന് ശ്രമിക്കുന്നു. മറ്റ് ചില രാജ്യങ്ങള്, നേരിട്ടുതന്നെ വിവിധ തരം ആയുധങ്ങള് യുക്രൈന് അതിര്ത്തിയില് എത്തിക്കുന്നു. ഇവ ട്രെയിന്വഴി യുക്രൈന് സൈന്യത്തിന് എത്തുന്നു.
സ്ലോവാക്യയാണ് യുക്രൈനിലേക്ക് ആയുധങ്ങള് എത്തിക്കുന്ന പ്രധാന അയല്രാജ്യം. തങ്ങളുടെ കൈയിലുള്ള സോവിയറ്റ് യൂനിയന് നിര്മിതമായ മിസൈല് പ്രതിരോധ സിസ്റ്റം തന്നെ അവര് യുക്രൈന് നല്കി. തങ്ങളുടെ അതിര്ത്തിയിലുള്ള ദോബ്ര ഗ്രാമത്തില് എത്തിച്ച് അവിടെനിന്നും റെയില്മാര്ഗം യുക്രൈനിലേക്ക് എത്തിക്കുകയായിരുന്നു ഇത്.
ചെക്ക് റിപ്പബ്ലിക് തങ്ങളുടെ ടി 72 ടാങ്കുകളും ഹ്രസ്വദൂര വ്യോമപ്രതിരോധ സംവിധാനവും യുക്രൈന് ഈയടുത്ത് നല്കിയിട്ടുണ്ട്. മിഗ് 29 യുദ്ധവിമാനങ്ങള്, സെല്ഫ് പ്രൊപല്ഡ് ഹൊവിറ്റ്സറുകള് എന്നിവയ്ക്കു പുറമേ, ചെക്ക് റിപ്പബ്ലിക്കും പോളണ്ടും കൂടുതല് ആയുധങ്ങള് യുക്രൈന് നല്കുമെന്ന് ന്യൂയോര്ക്ക് ടൈംസ് റിപ്പോര്ട്ടില് പറയുന്നു. ചെക്ക് റിപ്പബ്ലിക്ക് നിലവില് യുക്രൈന് യുദ്ധത്തില് നിലപാട് എടുക്കാതെ മാറിനില്ക്കുന്ന രാജ്യമാണ്. സമാനമായ വിധത്തില് മാറിനില്ക്കുന്ന ഓസ്ട്രേലിയയും രഹസ്യമായി സ്ലോവാക്യ വഴി യുക്രൈന് ആയുധങ്ങള് എത്തിക്കുന്നുണ്ട്.
തങ്ങളുടെ രാജ്യം വഴി ആയുധം എത്തിക്കില്ലെന്ന് പരസ്യമായ നിലപാട് എടുത്ത ഹംഗറിയാവട്ടെ, രഹസ്യമായി വന്തോതില് സ്ലോവാക്യ വഴി ആയുധങ്ങള് യുക്രൈന് എത്തിക്കുന്നുണ്ട്. ഇതുമായി ബന്ധപ്പെട്ട ചോദ്യത്തില്നിന്ന് ഹംഗറി ഒഴിഞ്ഞുമാറുകയാണ് ചെയ്തതെന്ന് ന്യൂയോര്ക്ക് ടൈംസ് റിപ്പോര്ട്ടില് പറയുന്നു. പോളണ്ട് വഴിയാണ് പ്രധാനമായും അമേരിക്ക യുക്രൈന് ആയുധങ്ങള് നല്കുന്നത്. അമേരിക്കയുടെ അത്യാധുനിക ആയുധങ്ങളായ ജാവലിന്, എന്ലോ, സ്റ്റിംഗര് മിസൈലുകള് പോളണ്ട് വഴിയാണ് യുക്രൈന് അതിര്ത്തിയില് എത്തിച്ചത്. ഈ അപകടം മുന്കൂട്ടിക്കണ്ട് വിദേശ ആയുധങ്ങള് എത്തിക്കുന്നത് എന്തുവില കൊടുത്തും തടയുമെന്ന് റഷ്യ പ്രഖ്യാപിച്ചിട്ടുണ്ട്.
https://www.facebook.com/Malayalivartha