പക്ഷിപ്പനിയുടെ എച്ച്3എന്8 വകഭേദം മനുഷ്യനില് ആദ്യമായി കണ്ടെത്തിയതായി സ്ഥിരീകരിച്ച് ചൈന... കോവിഡിന് പിന്നാലെ എച്ച്3എന്8 ... പൊതുജനങ്ങള് ജാഗ്രത പാലിക്കണമെന്ന് അധികൃതര്
പക്ഷിപ്പനിയുടെ എച്ച്3എന്8 വകഭേദം മനുഷ്യനില് ആദ്യമായി കണ്ടെത്തിയതായി സ്ഥിരീകരിച്ച് ചൈന... കോവിഡിന് പിന്നാലെ എച്ച്3എന്8 ... പൊതുജനങ്ങള് ജാഗ്രത പാലിക്കണമെന്ന് അധികൃതര്.
ഹെനാന് പ്രവിശ്യയില് താമസിക്കുന്ന നാല് വയസുകാരനിലാണ് രോഗം കണ്ടെത്തിയത്. ചൈനയുടെ ദേശീയ ആരോഗ്യ കമ്മീഷന് കഴിഞ്ഞ ദിവസം ഇക്കാര്യം അറിയിക്കുകയായിരുന്നു. പനിയും അനുബന്ധ രോഗങ്ങളുമായി ഈ മാസമാദ്യം ആശുപത്രിയില് പ്രവേശിപ്പിച്ച കുട്ടിയില് നടത്തിയ പരിശോധനയിലാണ് എച്ച്3എന്8 സ്ഥിരീകരിക്കുന്നത്.
കുട്ടിയുടെ വീട്ടില് കോഴികളെ വളര്ത്തിയിരുന്നു മാത്രമല്ല കാട്ടുതാറാവുകള് ധാരാളമായി കണ്ടുവരുന്ന മേഖലയിലാണ് കുട്ടിയും കുടുംബവും താമസിക്കുന്നതെന്ന് ദേശീയ ആരോഗ്യ കമ്മീഷന്റെ പ്രസ്താവനയില് പറയുന്നു.
കുട്ടിയ്ക്ക് കോഴിയില് നിന്നും നേരിട്ട് രോഗം പകരുകയായിരുന്നെന്നും എച്ച്3എന്8 വകഭേദത്തിന് ഇത്തരത്തില് മനുഷ്യരില് നേരിട്ട് ബാധിക്കാന് കഴിയുമായിരുന്നില്ലെന്നും കമ്മീഷന് വ്യക്തമാക്കി.
കുട്ടിയുമായി അടുത്ത സമ്പര്ക്കം പുലര്ത്തിയവരില് നടത്തിയ പരിശോധനയില് രോഗലക്ഷങ്ങള് കണ്ടെത്താനായില്ല. മനുഷ്യര്ക്കിടയില് പകരുന്ന കേസുകള് വളരെ കുറവാണ്.
കുട്ടിയെ രോഗം ബാധിച്ചത് അപൂര്മായി മാത്രം നടക്കുന്നതാണെന്നും വലിയതോതില് മനുഷ്യരില് എച്ച്3എന്8 പകരാന് സാദ്ധ്യത വളരെ കുറവാണെന്നും അധികൃതര് .
കുട്ടിയില് രോഗം കണ്ടെത്തിയതിന് പിന്നാലെ രോഗം ബാധിച്ചതും ചത്തതുമായ പക്ഷികളില് നിന്നും അകലം പാലിക്കാനും പനിയോ ശ്വാസകോശ രോഗങ്ങളോ അനുഭവപ്പെടുന്നുണ്ടെങ്കില് അടിയന്തരമായി ചികിത്സ ലഭ്യമാക്കാനും കമ്മീഷന് പൊതുജനങ്ങള്ക്ക് നിര്ദേശം നല്കി.
"
https://www.facebook.com/Malayalivartha