ഒടുവില്‍ റഷ്യ അത് പുറത്തെടുക്കുന്നു; വരും ദിവസങ്ങളില്‍ നിരപരാധികള്‍ പിടഞ്ഞുവീഴും: ഇനി ചോരപ്പുഴ; കരഞ്ഞുവിളിച്ച് യുക്രൈന്‍; ജനങ്ങള്‍ക്ക് അപകട മുന്നറിയിപ്പുമായി യുക്രൈന്‍
യുക്രെയ്ന്‍ ജനങ്ങള്‍ക്ക് പ്രതിരോധ വകുപ്പ് മന്ത്രി ഒലേക്‌സി റസ്‌നികോവിന്റെ ശക്തമായ മുന്നറിയിപ്പ്. യുക്രെയ്‌നില്‍ വരും ദിവസങ്ങളില്‍ റഷ്യയുടെ വന്‍ ആക്രമണം ഉണ്ടാകുമെന്നാണ് മന്ത്രി മുന്നറിയിപ്പ് നല്‍കിയിരിക്കുന്നത്. യുക്രെയ്‌നില്‍ വരും ദിവസങ്ങളില്‍ റഷ്യ കനത്ത ആക്രമണം അഴിച്ചുവിടാനുള്ള സാദ്ധ്യതയാണുള്ളത്. എണ്ണ സംഭരണ ശാലകളും വൈദ്യുത നിലയങ്ങളും തകര്‍ത്ത് നാടിനെ ഇരുട്ടിലാക്കും. നിരപരാധികള്‍ വധിക്കപ്പെടും. ഇനിയും രാജ്യത്ത് കണ്ണീരും രക്തവും ഒഴുകുമെന്നാണ് ഒലേക്‌സി റസ്‌നികോവ് പറയുന്നത്.
ഇതിന് പിന്നാലെ ഇന്നലെ ഏത്ര ദൂരത്തിലുള്ള ലക്ഷ്യങ്ങളും തകര്‍ക്കുന്ന ലോകം ഇതുവരെ കണ്ടിട്ടില്ലാത്ത മിസൈലുകളും ആണവായുധങ്ങളും പ്രയോഗിക്കാന്‍ മടിക്കില്ലെന്ന് പുടിന്‍ നേരിട്ട് പറഞ്ഞതും മേഖലയെ ഭീതിതമാക്കിയിരിക്കുകയാണ്. റഷ്യ സര്‍വ്വാധികം ശക്തിയോടെ സൈനികരെ യുക്രെയ്ന്‍ അതിര്‍ത്തികടത്തിക്കൊണ്ടിരിക്കുകയാണ്. അമേരിക്ക, ബ്രിട്ടണ്‍, കാനഡ, ജര്‍മ്മനി എന്നീ രാജ്യങ്ങള്‍ യുക്രെയ്‌നിനായി ആയുധങ്ങളും വിമാനങ്ങളും നേരിട്ട് എത്തിച്ചതാണ് റഷ്യയെ പ്രകോപിപ്പിച്ചത്. ഒരു മൂന്നാം ലോകമഹായുദ്ധത്തിനാണ് അമേരിക്കയും നാറ്റോയും ശ്രമിക്കുന്നതെന്ന് റഷ്യന്‍ വിദേശകാര്യമന്ത്രി സെര്‍ഗീ ലാവ്‌റോവ് കഴിഞ്ഞയാഴ്ചയാണ് മുന്നറിയിപ്പ് നല്‍കിയത്.
യുക്രെയിനില്‍ റഷ്യ കടന്നുകയറിയതിന് പിന്നാലെ അമേരിക്ക ഉപരോധം ഏര്‍പ്പെടുത്തിയിരുന്നു. അമേരിക്കന്‍ ചുവട് പിടിച്ച് യൂറോപ്യന്‍ യൂണിയനും റഷ്യന്‍ ഉത്പന്നങ്ങളെ ബഹിഷ്‌കരിക്കുമെന്ന് ഭീഷണി മുഴക്കിയിരുന്നു. എന്നാല്‍ യൂറോപ്പിന്റെ ഊര്‍ജ്ജാവശ്യങ്ങള്‍ റഷ്യയെ ഒഴിവാക്കിയാല്‍ പ്രതിസന്ധിയിലാവുമെന്ന് റിപ്പോര്‍ട്ടുകളുണ്ടായിരുന്നു. അതിനാല്‍ തന്നെ റഷ്യയെ അധികനാള്‍ പിണക്കാന്‍ യൂറോപ്പിനാവില്ലെന്നും വാദമുയര്‍ന്നു. ഇത് ശരിവയ്ക്കുന്ന റിപ്പോര്‍ട്ടുകളാണ് ഇപ്പോള്‍ പുറത്ത് വരുന്നത്. നാല് യൂറോപ്യന്‍ ഗ്യാസ് കമ്പനികള്‍ റഷ്യന്‍ കറന്‍സിയില്‍ റൂബിള്‍ വാങ്ങുന്നതിനുള്ള കരാര്‍ ഒപ്പിട്ടുവെന്നാണ് മാദ്ധ്യമ റിപ്പോര്‍ട്ട്. റഷ്യന്‍ വാതക ഭീമനായ ഗാസ്‌പ്രോം പിജെഎസ്സിയുമായി അടുപ്പമുള്ളവരാണ് ഈ വിവരം പുറത്ത് വിട്ടത്.
റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ ആവശ്യപ്പെട്ടത് പോലെ നാല് യൂറോപ്യന്‍ ഗ്യാസ് കമ്പനികള്‍ ഇതിനകം റൂബിളില്‍ പണം നല്‍കിയിട്ടുണ്ട്. റൂബിളില്‍ ഇടപാട് നടത്താന്‍ തയ്യാറായില്ലെങ്കില്‍ പോളണ്ടിലേക്കും ബള്‍ഗേറിയയിലേക്കുമുള്ള ഗ്യാസ് പൈപ്പുകള്‍ അടയ്ക്കാന്‍ പുടിന്‍ ഉത്തരവിട്ടിരുന്നു. പുടിന്റെ മുന്നറിയിപ്പിന് പിന്നാലെയാണ് യൂറോപ്യന്‍ കമ്പനികള്‍ റഷ്യയുടെ ആവശ്യങ്ങള്‍ക്ക് വഴങ്ങാന്‍ തീരുമാനിച്ചത്. റൂബിളില്‍ ഇടപാട് നടത്താനായി പത്തോളം യൂറോപ്യന്‍ കമ്പനികള്‍ ഗാസ്‌പ്രോംബാങ്കില്‍ അക്കൗണ്ടുകള്‍ തുറന്നിട്ടുണ്ടെന്നും റിപ്പോര്‍ട്ടുണ്ട്. 23 യൂറോപ്യന്‍ രാജ്യങ്ങളിലേക്ക് പൈപ്പ് ലൈനുകള്‍ വഴി റഷ്യ ഗ്യാസ് വിതരണം ചെയ്യുന്നത്.
https://www.facebook.com/Malayalivartha
