29,100 അടി ഉയരത്തില് നിന്ന് മൂക്കുകുത്തി താഴേക്ക്; രണ്ട് മിനിറ്റിനുള്ളില് എല്ലാം അവസാനിച്ചു; 132 പേരെ കൊന്നൊടുക്കിയ വിമാന അപകടത്തിന്റെ ചുരുളഴിഞ്ഞു, ഞെട്ടിച്ച സംഭവം ഇങ്ങനെ..
കഴിഞ്ഞ മാര്ച്ച് മാസത്തില് ചൈനയില് യാത്രാവിമാനം തകര്ന്നുവീണത് ഏവരിലും ഞെട്ടലുണ്ടാക്കിയ സംഭവമായിരുന്നു. 132 ആളുകളാണ് ദാരുണ സംഭവത്തില് കൊല്ലപ്പെട്ടത്. എന്നാല് ഇപ്പോള് ഈ സംഭവത്തില് നിര്ണായക വിവരങ്ങളാണ് പുറത്ത് വന്നിരിക്കുന്നത്.
വിമാനത്തിന്റെ പ്രശ്നങ്ങളാണ് നിരവധി ജീവനുകളെടുക്കാന് ഇടയാക്കിയ ഈ അപകടത്തിന് കാരണമായത് എന്നാണ് ആദ്യം പുറത്തുവന്ന വിവരം എങ്കിലും ഇപ്പോള് കൂടിതല് റിപ്പോര്ട്ടുകള് പുറത്തു വന്നിരിക്കുകയാണ്. വിമാനാപകടം ബോധപൂര്വം ഉണ്ടാക്കിയതാകാമെന്നാണ് റിപ്പോര്ട്ട്. കാരണം വിമാനത്തിന് സാങ്കേതിക തകരാറുകള് ഉണ്ടായിരുന്നില്ലെന്ന് കണ്ടെത്തിയിട്ടുണ്ട്.
വിമാനത്തിന്റെ ബ്ലാക് ബോക്സില് നിന്ന് ലഭിച്ച വിവരങ്ങളില് നിന്നാണ് ഞെട്ടിക്കുന്ന റിപ്പോര്ട്ടുകള് പുറത്തുവരുന്നത്. യുഎസ് ഉദ്യോഗസ്ഥരാണ് ബ്ലാക്ക് ബോക്സ് കേന്ദ്രീകരിച്ച് അന്വേഷണം നടത്തിയത്. വാള്സ്ട്രീറ്റ് ജേണലാണ് ഇക്കാര്യം റിപ്പോര്ട്ട് ചെയ്തത്.
വിമാനത്തിന്റെ കോക്പിറ്റിലുണ്ടായിരുന്ന ആരോ മനപ്പൂര്വം വിമാനം തകര്ത്തുവെന്നാണ് സൂചനകള്. ഒരു പക്ഷേ വിമാനം പറത്തിയിരുന്ന പൈറ്റുമാരുടെ പങ്കും ഈ അപകടത്തിന് പിന്നില് ഉണ്ടായേക്കാമെന്നും ചില സൂചനകള് പുറത്തുവരുന്നുണ്ട്.
ചൈനയിലെ ഈസ്റ്റേണ് എയര്ലൈന്സ് കമ്പനിയുടെ ബോയിങ് വിമാനമാണു തകര്ന്നത്. അപകടത്തില് വിമാനത്തില് ഉണ്ടായിരുന്ന 123 യാത്രക്കാരും 9 ജീവനക്കാരും അടക്കം 132 പേരും കൊല്ലപ്പെട്ടിരുന്നു.
ചൈനയിലെ തെക്കുപടിഞ്ഞാറന് പ്രവിശ്യയായ യുനാന്റെ തലസ്ഥാനമായ കുന്മിങ്ങില്നിന്ന് ഹോങ്കോങ്ങിനടത്തുള്ള ഗ്വാങ്ചൗ നഗരത്തിലേക്കുള്ള യാത്രയിലായിരുന്ന വിമാനമാണ് ഇക്കഴിഞ്ഞ മാര്ച്ച് 21 ന് ഉച്ചയ്ക്ക് 1.11ന് അപകടത്തില് പെട്ടത്.
29,100 അടി ഉയരത്തില് നിന്നാണ് വിമാനം വെറും രണ്ടര മിനിറ്റിനുള്ളില് 3225 അടിയി താഴ്ചയിലേക്ക് വീണത്. വിമാനങ്ങളുടെ യാത്രാഗതി നിരീക്ഷിക്കുന്ന ഫ്ലൈറ്റ് റഡാര്24 ഇക്കാര്യം രേഖപ്പെടുത്തിയിരുന്നെന്നാണ് ലഭിക്കുന്ന വിവരം. പറന്നിരുന്ന ഉയരത്തില് നിന്ന് പെട്ടെന്ന് ചരിഞ്ഞ് മൂക്കുകുത്തി താഴേക്കു പതിക്കുകയായിരുന്നു.
വുഷു എന്ന നഗരത്തിനു മുകളില് പറക്കുമ്പോഴാണ് വിമാനവുമായുള്ള ബന്ധം വേേിച്ഛദിക്കപ്പെട്ടത്. എന്നാല് വുഷുവിലെ കാലാവസ്ഥ സാധാരണരീതിയിലായിരുന്നു മാത്രമല്ല വിമാനത്തിന് വെറും ആറു വര്ഷം മാത്രമാണ് പഴക്കംഇതെല്ലാമാണ് മനപൂര്വ്വമുള്ള അപകടത്തിലേക്ക് വിരല്ചൂണ്ടുന്നുണ്ട്.
ഇതിനെല്ലാം പുറമെ മറ്റൊരു ഞെട്ടിക്കുന്ന വിവരം കൂടി അധികൃതര് പുറത്തുവിട്ടിട്ടുണ്ട്. അതായത്, വിമാനം അപകടത്തില് പെടുന്നതിന് തൊട്ടുമുന്പ് എയര് ട്രാഫിക് കണ്ട്രോള് റൂമുകളില്നിന്നും ആവര്ത്തിച്ച് വന്നിരുന്ന കോളുകളോട് പൈലറ്റുമാര് പ്രതികരിച്ചിരുന്നില്ല. ലോകത്ത് ഏറ്റവും കൂടുതല് വ്യോമയാന സുരക്ഷയുള്ള രാജ്യങ്ങളിലൊന്നാണു ചൈന. തകര്ന്നുവീണ വിമാനത്തിന്റെ കമ്പനിയായ ഈസ്റ്റേണ് എയര്ലൈന്സാണെങ്കില് ചെനയിലെ ഏറ്റവും വലിയ വ്യോമയാന കമ്പനിയുമാണ്. എന്നിട്ടും ഇത്തരമൊരു അപകടം സംഭവിച്ചതാണ് സംശയത്തിന്റെ നിഴലിലേക്ക് കാര്യങ്ങളെ എത്തിച്ചത്.
എന്തായാലും വിമാനാപകടം ബോധപൂര്വമാണോയെന്നു പരിശോധിക്കുകയാണെന്ന് ചൈനീസ് അധികൃതരെ ഉദ്ധരിച്ച് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തിട്ടുണ്ട്.
https://www.facebook.com/Malayalivartha