ഒന്നുകില്‍ ഞങ്ങള്‍ ജയിക്കും അല്ലെങ്കില്‍ അണുബോംബിടും യുദ്ധ തന്ത്രം തുറന്നു പറഞ്ഞ് റഷ്യ; വീണ്ടും ഭീതിയോടെ ലോകം
റഷ്യന്‍ സര്‍ക്കാരിന്റെ പിന്തുണയോടെ പ്രവര്‍ത്തിക്കുന്ന ടി വി ചാനലായ ആര്‍ ടി കഴിഞ്ഞ ദിവസം നടത്തിയ ഒരു പരാമര്‍ശം വലിയ ഭീതിയാണ് പരത്തുന്നത്. യുക്രെയിന്‍ യുദ്ധത്തില്‍ റഷ്യ ജയിച്ചില്ലെങ്കില്‍ അത് മാനവരാശിയുടെ ദുഃഖകരമായ അവസാനമായിരിക്കും എന്നായിരുന്നു ടി വി ചാനല്‍ പറഞ്ഞത്. യുദ്ധം പരാജയപ്പെടുമെന്ന ഘട്ടം വന്നാല്‍ റഷ്യ ഒരു ആണവാക്രമണത്തിന് മുതിര്‍ന്നേക്കും എന്നതിന്റെ സൂചനയാണിതെന്ന് പാശ്ചാത്യ നിരീക്ഷകര്‍ വിലയിരുത്തുന്നു. യുദ്ധം തുടങ്ങിയതുമുതല്‍ പല പ്രസ്താവനകളും നടത്തി കുപ്രസിദ്ധി നേടിയ ചാനലാണിത്. എന്നാല്‍ ഇപ്പോഴത്തെ പ്രസ്താവന വന്നിരിക്കുന്നത് മാര്‍ഗരിറ്റ സിമോന്യന്‍ എന്ന അവതാരകയില്‍ നിന്നുമാണ് എന്നതാണ് പ്രത്യേകത. അമേരിക്കയില്‍ വിദ്യാഭ്യാസം പൂര്‍ത്തിയാക്കി എത്തിയ ഇവര്‍, ഭാവിയില്‍ റഷ്യന്‍ കുട്ടികള്‍ക്ക് പാശ്ചാത്യ വിദ്യാഭ്യാസം ലഭിക്കില്ല എന്നതില്‍ അഭിമാനിക്കാന്‍ പറഞ്ഞ വ്യക്തിയാണ്.
പാശ്ചാത്യര്‍ കരുതുന്നത് റഷ്യ തോല്‍ക്കും എന്നാണ്. അത് തീര്‍ത്തും അസംഭവ്യ്മാണ്, അവര്‍ ടി വി ചാനലില്‍ പറഞ്ഞു. ഒന്നുകില്‍ നമ്മള്‍ ജയിക്കും അല്ലെങ്കില്‍ മാനവരാശിക്ക് ദുരിതപൂര്‍ണ്ണമായ ഒരു അന്ത്യം ഉണ്ടാകും. ഇതല്ലാതെ മറ്റൊരു വഴിയും ഇല്ല എന്നും അവര്‍ കൂട്ടിച്ചേര്‍ത്തു. റഷ്യ ലോകത്തില്‍ ഒറ്റപ്പെടുന്നത് ഒരു അനുഗ്രഹമായി എടുക്കണമെന്നും, തങ്ങളുടെ കുട്ടികള്‍ക്ക് പാശ്ചാത്യ വിദ്യാഭ്യാസം ലഭിക്കില്ല എന്നതില്‍ മാതാപിതാക്കള്‍ സന്തോഷിക്കണമെന്നും അവര്‍ പറഞ്ഞു.
റഷ്യന്‍ സൈന്യത്തിന്റെ കൈയില്‍ നിന്നും യുക്രെയിന്‍ പിടിച്ചെടുത്ത ഡോണ്‍ബാസിലെ മേഖലകള്‍ തിരിച്ചു പിടിക്കാന്‍ റഷ്യന്‍ സൈന്യം കടുത്ത പോരാട്ടം തുടരുന്നതിനിടയില്‍ യുക്രെയിനുമായി സന്ധിസംഭാഷണത്തിനും റഷ്യ ഒരുങ്ങിയേക്കുമെന്ന റിപ്പോര്‍ട്ടുകള്‍ ഉണ്ടായിരുന്നു. അതിനിടയിലായിരുന്നു ഈ ടി വി സംപ്രേഷപണം വന്നത്. അതിനിടയില്‍, വരുന്ന ശരത്ക്കാലത്തോടെ ഡസന്‍ കണക്കിന് സാര്‍മാറ്റ് 2 മിസൈലുകള്‍ ശത്രു രാജ്യങ്ങളെ ലക്ഷ്യമിട്ട് വിന്യസിക്കുമെന്ന് റോസ്‌കോസ്‌മോസ് മേധാവി ഡിമിത്രി റോഗോസിനും പറഞ്ഞിരുന്നു.
അതിനിടയില്‍ കീവിലെ അമേരിക്കന്‍ എംബസിക്ക് സുരക്ഷയൊരുക്കാന്‍ ഒരു പ്രത്യേക സേനാവിഭാഗത്തെ അയയ്ക്കുന്ന കാര്യം അമേരിക്ക ആലോചിക്കുകയാണെന്ന റിപ്പോര്‍ട്ടുകള്‍ പുറത്തുവരുന്നു. ഇതിനുള്ള പദ്ധതികള്‍ തയ്യാറായെങ്കിലും അത് ഇതുവരെ പ്രസിഡണ്ട് ജോ ബൈഡന് മുന്‍പില്‍ സമര്‍പ്പിക്കപ്പെട്ടിട്ടില്ല എന്നാണ് അറിയാന്‍ കഴിയുന്നത്. റഷ്യന്‍ മിസൈലുകളുടെ പരിധിക്കുള്ളില്‍ വരുന്ന എംബസിയുടെ സുരക്ഷയ്ക്ക് വേണ്ടി മാത്രമായിരിക്കും സൈന്യത്തെ വിന്യസിക്കുക എന്ന് പെന്റഗണ്‍ വൃത്തങ്ങളെ ഉദ്ധരിച്ചുകൊണ്ട് വാള്‍സ്ട്രീറ്റ് ജേര്‍ണല്‍ റിപ്പോര്‍ട്ട് ചെയ്യുന്നു.
https://www.facebook.com/Malayalivartha
