പൊലിഞ്ഞത് നിരവധി കുഞ്ഞുങ്ങള്‍.... അമേരിക്കയിലെ ടെക്‌സാസിലെ പ്രൈമറി സ്‌കൂളില്‍ ഉണ്ടായ വെടിവെയ്പ്പില്‍ 14 കുട്ടികളും മൂന്ന് അധ്യാപകരും കൊല്ലപ്പെട്ടു... നിരവധി പേര്‍ക്ക് ഗുരുതര പരുക്ക്, കൂട്ടക്കുരുതിയില്‍ നടുങ്ങി ടെക്‌സാസ് റോബ് എലിമെന്ററി സ്‌കൂള്‍, ആ കാഴ്ച കണ്ണീര്‍ക്കാഴ്ചയായി.

ടെക്‌സാസ് റോബ് എലിമെന്ററി സ്‌കൂളില്‍ ഇന്ത്യന്‍ സമയം ഇന്ന് പുലര്‍ച്ചെ രണ്ട് മണിയോടെയാണ് സംഭവം നടന്നത്. പതിനെട്ടുകാരന്‍ തന്റെ കൈവശമുള്ള കൈത്തോക്ക് ഉപയോഗിച്ചാണ് വെടിയുതിര്‍ത്തത്. രണ്ട് വിദ്യാര്‍ത്ഥികള്‍ സംഭവസ്ഥലത്ത് വെച്ച തന്നെ കൊല്ലപ്പെട്ടതായി ഗവര്‍ണര്‍ ജോര്‍ജ്ജ് അമ്പോട്ട് പറഞ്ഞു.കൊലയാളിയെ പോലിസ് കസ്റ്റഡിയിലെടുത്തു.

ടെക്‌സാസിലെ റോബ്ബ് എലെമെന്ററി സ്‌കൂളിലെത്തി വെടിയുതിര്‍ത്തത് സാല്‍വഡോര്‍ റാമോസ് എന്ന 18 ഇയാരനെ പിന്നീട് പൊലീസ് വെടിവെച്ചുകൊന്നു. വാല്‍ഡെ ഹൈസ്‌കൂള്‍ വിദ്യാര്‍ത്ഥിയാണ് ഇയാള്‍ എന്ന് പിന്നീട് അധികൃതര്‍ സ്ഥിരീകരിച്ചിട്ടുണ്ട്. വെടിയേറ്റു മരിച്ച കുട്ടികളെല്ലാം തന്നെ ഏഴു വയസ്സിനും പതിനൊന്ന് വയസ്സിനും ഇടയില്‍ പ്രായമുള്ളവരാണെന്ന് റിപ്പോര്‍ട്ടുകള്‍ .


2018 ല്‍ ഫ്‌ളോറിഡയിലെ പാര്‍ക്ക്‌ലാന്‍ഡില്‍ 14 ഹൈസ്‌കൂള്‍ വിദ്യാര്‍ത്ഥികളേയും മൂന്ന് സ്‌കൂള്‍ ജീവനക്കാരേയും വെടിവെച്ച് കൊന്നതിനു ശേഷമുണ്ടാകുന്ന ഏറ്റവും ഭീകരവും ക്രൂരവുമായ ഒരു സംഭവമാണിത്.

സ്‌കൂളുകളിലെ വെടിയുതിര്‍ക്കലുകളില്‍ ഏറ്റവും ഭീകരമായത് 2012-ല്‍ കണക്ടികറ്റില്‍ എലെമെന്ററി സ്‌കൂളില്‍ നടന്ന സംഭവമായിരുന്നു. 20 കുട്ടികളും ആറ് സ്‌കൂള്‍ ജീവനക്കാരുമാണ് ഇതില്‍ മരണമടഞ്ഞത്. ഏകദേശം 600 വിദ്യാര്‍ത്ഥികളോളം ഉള്ള റൊബ് എലെമെന്ററി സ്‌കൂള്‍ ഉവാല്‍ഡ നഗരത്തിലാണ് സ്ഥിതിചെയ്യുന്നത്.

ഇവിടേയ്ക്ക് ഒരു ഹാന്‍ഡ് ഗണും ഒരു റൈഫിളുമായി എത്തുന്നതിനു മുന്‍പ് അക്രമി തന്റെ സ്വന്തം അമ്മൂമ്മയെ വെടിവെച്ചിട്ടിരുന്നു. അവരുടേ നില എന്താണെന്ന് ഇതുവരെ അറിവായിട്ടില്ല. അതിനുശേഷമാണ് ഇയാള്‍ സ്‌കൂളില്‍ എത്തുന്നത്. പ്രാദേശിക സമയം രാവിലെ 11:32 ന് ആണ് ഇയാള്‍ സ്‌കൂളില്‍ എത്തി അക്രമം അഴിച്ചുവിടാന്‍ ആരംഭിച്ചത്.

സ്‌കൂളിനും പുറത്തായി തകര്‍ന്ന പ്രു പിക്ക് അപ് ട്രക്ക് ചിത്രങ്ങളില്‍ കാണാം. ഇയാള്‍ വന്ന വാഹനമാണ് അതെന്നാണ് സംശയിക്കുന്നത്. വിവരം അറിഞ്ഞെത്തിയ ബോര്‍ഡര്‍ പട്രോള്‍ ഏജന്റുമാര്‍ക്ക് നേരെയും ഇയാള്‍ വെടിയുതിര്‍ത്തു. ഒരു ഏജന്റിന് പരിക്ക് പറ്റിയിട്ടുണ്ടെങ്കിലും നില ഗുരുതരമല്ല.

മരണമടഞ്ഞ 14 കുട്ടികള്‍ക്ക് പുറമെ മറ്റ് 13 കുട്ടികളെ പരിക്കേറ്റ് എമര്‍ജന്‍സി റൂമില്‍ ചികിത്സയ്ക്കായി പ്രവേശിപ്പിച്ചിട്ടുണ്ട്. 45 കാരനായ ഒരു ജീവനക്കാരനും ഗുരുതര പരിക്കുകളോടെ ചികിത്സയിലാണ്. നോര്‍ത്ത് ഡക്കോട്ടയില്‍ ജനിച്ച വ്യക്തിയാണ് അക്രമിയായ റാമോസ് എന്ന് ടെക്‌സാസിലെ ഒരു സ്റ്റേറ്റ് സെനെറ്റര്‍ പറഞ്ഞു. ബോര്‍ഡര്‍ പട്രോളുമായി ഏറ്റുമുട്ടിയ ശേഷം രക്ഷപ്പെടാന്‍ ശ്രമിച്ച റാമോസിനെ പൊലീസ് വെടിവെച്ചു വീഴ്ത്തുകയായിരുന്നു. ആദ്യം അയാളെ അറസ്റ്റ് ചെയ്തു എന്നായിരുന്നു പൊലീസ് അറിയിച്ചത്. പിന്നീടാണ് അയാളുടെ മരണം സ്ഥിരീകരിച്ചതെന്നും സെനറ്റര്‍ അറിയിച്ചു. ഇയാള്‍ ഒറ്റയ്ക്കാണ് എത്തിയതെന്നും കൂട്ടത്തില്‍ മറ്റാരുമില്ലായിരുന്നു എന്നും പൊലീസ് സ്ഥിരീകരിച്ചു.