റഷ്യന്‍ തലവന്മാരെ ഒളിപ്പോരിലൂടെ വീഴ്ത്തി യുക്രൈന്‍. റഷ്യയുടെ 11ാംമത്തെ ജനറലും യുദ്ധത്തില്‍ ജീവന്‍ വെടിഞ്ഞതായ റിപ്പോര്‍ട്ടുകള്‍ പുറത്തുവരുന്നു. 29ാം കമ്പൈന്‍ഡ് ആംസ് ആര്‍മിയുടെ മേധാവിയായിരുന്നു മേജര്‍ ജനറല്‍ റൊമാന്‍ കുടുസോവ് ആണ് മരണമടഞ്ഞത് എന്നാണ് റിപ്പോര്‍ട്ടുകള്‍ പറയുന്നത്. ഡോണ്‍ബാസിലെ യുദ്ധത്തിനിടയില്‍ അദ്ദേഹം സഞ്ചരിച്ചിരുന്ന വാഹനം യുക്രെയിന്‍ സൈനികര്‍ ഒരു സ്‌ഫോടനത്തില്‍ തകര്‍ക്കുകയായിരുന്നു എന്നാണ് പാശ്ചാത്യ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇതോടെ ഉയര്‍ന്ന റാങ്കിലുള്ള 60 സൈനിക ഉദ്യോഗസ്ഥരെയാണ് ഈ യുദ്ധത്തില്‍ റഷ്യക്ക് നഷ്ടപ്പെട്ടതെന്ന് പാശ്ചാത്യമാധ്യമങ്ങള്‍ റിപ്പോര്‍ട്ട് ചെയ്യുന്നു.

യുക്രൈയ്ന്‍ യുദ്ധത്തില്‍ കൊല്ലപ്പെട്ട സൈനികരുടെ കുടുംബങ്ങള്‍ക്ക് നഷ്ടപരിഹാരം പ്രഖ്യാപിച്ച് പുടിന്‍ . 5 മില്യണ്‍ റൂബിളാണ് പ്രഖ്യാപിച്ചത്.യുക്രെയ്‌നിലും സിറിയയിലും മരിച്ച റഷ്യന്‍ നാഷണല്‍ ഗാര്‍ഡിന്റെ കുടുംബങ്ങള്‍ക്ക് നഷ്ടപരിഹാരം ലഭിക്കും. ഉത്തരവില്‍ റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ ഒപ്പുവച്ചു.കെല്ലപ്പെട്ട സൈനികരുടെ എണ്ണം കൃത്യമല്ല.ഫെബ്രുവരിയില്‍ സ്‌പെഷ്യല്‍ മിലിട്ടറി ഓപ്പറേഷന്‍' ആരംഭിച്ചതിന് ശേഷം 30,000 റഷ്യക്കാരെ കൊന്നതായി യുക്രെയ്ന്‍ പ്രതിരോധ മന്ത്രാലയം അവകാശപ്പെട്ടു. യുദ്ധത്തില്‍ മരിച്ചവര്‍ക്കും പരിക്കേറ്റവര്‍ക്കും നഷ്ടപരിഹാരം പ്രഖ്യാപിക്കാന്‍ പുടിന്‍ തിടുക്കം കൂട്ടുന്നു. നൂറുകണക്കിന് സൈനികര്‍ യുദ്ധത്തില്‍ മരിക്കുന്നുണ്ട്.നാല് മാസമായി ഉക്രെയ്‌നില്‍ പോരാട്ടം തുടരുന്ന സാഹചര്യത്തിലാണ് ഇത്. സൈനിക വിശകലന വിദഗ്ധര്‍ അഭിപ്രായപ്പെടുന്നു.കൊല്ലപ്പെട്ട ഡസന്‍ കണക്കിന് പോരാളികളുടെ മൃതദേഹങ്ങള്‍ റഷ്യന്‍ അധിനിവേശക്കാര്‍ ഉക്രെയ്‌നിലേക്ക് തിരിച്ചയച്ചു. റഷ്യ കൂടുതല്‍ സേനയെ വിന്യസിക്കാന്‍ ശ്രമിക്കുന്നതിനിടെ രൂക്ഷമായ പോരാട്ടമാണ് തെരുവുകളില്‍ നടക്കുന്നത്.ഈ സാഹചര്യത്തില്‍ യുക്രൈയ്ന്‍ തെരുവുകളില്‍ സൈന്യം നിലകൊള്ളുകയാണെന്ന് പ്രസിഡന്റ് വോളോഡിമര്‍ സെലെന്‍സ്‌കി പറഞ്ഞു.