ഉത്തരകൊറിയയ്ക്ക് മരണമണി പസഫിക്കില്‍ ചീറിപ്പാഞ്ഞ് യുഎസ് യുദ്ധവിമാനങ്ങള്‍ ആണവായുധങ്ങള്‍ക്ക് മറുപടി
വടക്കന്‍ കൊറിയയുടെ ആണവ പരീക്ഷണ പരിശ്രമങ്ങളെ തടയിടാന്‍ ലോക ശക്തികളുടെ ശ്രമം. നിരന്തരം മിസൈല്‍ പരീക്ഷണം നടത്തിക്കൊണ്ടിരിക്കുന്ന കിം ജോംഗ് ഉന്‍ ദക്ഷിണ കൊറിയക്കെതിരേയും വ്യോമ ഭീഷണി മുഴക്കുന്ന പശ്ചാത്തലത്തിലാണ് അമേരിക്കയുടെ നേതൃത്വത്തില്‍ പസഫിക്കില്‍ പടയൊരുക്കം ശക്തമാക്കുന്നത്.
പസഫിക്കില്‍ കൊറിയന്‍ മേഖലയിലെ നിരന്തര യുദ്ധഭീഷണിയുടെ ഗൗരവം ചര്‍ച്ചചെയ്യാന്‍ അമേരിക്കന്‍ ഡെപ്യൂട്ടി സെക്രട്ടറി വെന്‍ഡീ ഷെര്‍മാന്‍ സിയോളിലെത്തി. ദക്ഷിണ കൊറിയജപ്പാന്‍ ഉദ്യോഗസ്ഥരുമായി വിദേശകാര്യ പ്രതിരോധ മേഖലയുടെ ആശങ്കകള്‍ ഇരുരാജ്യങ്ങളും അമേരിക്ക പങ്കുവെച്ചു. വടക്കന്‍ കൊറിയ ദക്ഷിണ കൊറിയയേയും ജപ്പാനേയും ലക്ഷ്യമിട്ടുള്ള ഹ്രസ്വദീര്‍ഘ ദൂര മിസൈലുകള്‍ വിന്യസിച്ചിരിക്കുന്നതിന്റെ കണക്കുകളും ചര്‍ച്ചകളില്‍ ഇരുരാജ്യങ്ങളും നിരത്തി.
വടക്കന്‍ കൊറിയ ആണവായുധ കാര്യത്തില്‍ അന്താരാഷ്ട്ര നിയമങ്ങളൊന്നും അംഗീക രിക്കാന്‍ തയ്യാറല്ലാത്തതാണ് അമേരിക്കയെ ചൊടിപ്പിക്കുന്നത്. ഇതിനിടെ ദക്ഷിണ കൊറിയയില്‍ ബൈഡന്‍ വന്നുപോയതില്‍ കടുത്ത അമര്‍ഷം നാലുമാസം മുന്നേ കിം ജോംഗ് ഉന്‍ ഉന്നയിച്ചിരുന്നു. അമേരിക്കയെ വെല്ലുവിളിച്ച കിം ക്വാഡ് സഖ്യത്തിനെതിരെ ചൈനയുടെ നീക്കത്തേയും പിന്തുണയ്ക്കുകയാണ്.
ഏതു തരം ആണവ പരീക്ഷണങ്ങളും ഐക്യാരാഷ്ട്ര രക്ഷാ കൗണ്‍സില്‍ പ്രമേയങ്ങളുടെ ലംഘനമാണ്. അത്തരം പരീക്ഷണങ്ങള്‍ക്കെതിരെ അതിവേഗ നീക്കവും പ്രതിരോധവും ലോകരക്ഷയ്ക്ക് അനിവാര്യമാണ്. എത്രയും വേഗം പ്യോംഗ്യാംഗ് ഭരണകൂടം ഇത്തരം നീക്കങ്ങള്‍ ഉപേക്ഷിക്കണമെന്നും രക്ഷാകൗണ്‍സിലുമായി ചര്‍ച്ചകള്‍ക്ക് തയ്യാറാകണമെന്നും അമേരിക്കന്‍ പ്രതിനിധി അഭ്യര്‍ത്ഥിച്ചു.
https://www.facebook.com/Malayalivartha
